بیلاروس کے دفاعی وفد کا ایئر ہیڈکوارٹرز کا دورہ، ایئر چیف سے ملاقات
اشاعت کی تاریخ: 5th, June 2025 GMT
تصویر سوشل میڈیا۔
بیلاروس کے ایک اعلیٰ سطح کے دفاعی وفد نے میجر جنرل آندرے یولیانووچ کی زیرقیادت جمعرات کو ایئر ہیڈ کوارٹرز اسلام آباد کا دورہ کیا اور پاک فضائیہ کے سربراہ ایئر چیف مارشل ظہیر الدین بابر سدھو سے ملاقات کی۔
مسلح افواج کے شعبہ تعلقات عامہ (آئی ایس پی آر) کے مطابق ملاقات میں فضائی طاقت اور عسکری تعاون سے متعلق باہمی دلچسپی کے امور پر تبادلہ خیال کیا گیا اور دونوں ممالک کے درمیان دیرینہ دوطرفہ تعلقات کو مزید مضبوط بنانے کے عزم کا اعادہ بھی کیا۔
آئی ایس پی آر کے مطابق دونوں فضائی افواج کے درمیان قریبی اور مستقل رابطے کو برقرار رکھنے پر اتفاق کیا گیا، میجر جنرل آندرے یولیانووچ کی آمد پر پاکستان ایئر فورس کے چاق و چوبند دستے نے گارڈ آف آنر پیش کیا۔
آئی ایس پی آر کے مطابق پاک فضائیہ کے سربراہ نے دونوں ممالک کے درمیان مضبوط عسکری تعلقات کو اجاگر کیا، پاک فضائیہ بیلاروس ایئر فورس کی استعداد کار بڑھانے، پائلٹس اور مینٹیننس کے عملے کی تربیت کیلئے تعاون فراہم کرے گی۔
آئی ایس پی آر کے مطابق ملاقات میں دوطرفہ فضائی افواج کے تعلقات کو مزید مضبوط بنانے کے عزم کا اعادہ کیا گیا۔
آئی ایس پی آر کے مطابق تربیت، ٹیکنالوجی کی ترقی اور عملی صلاحیت کے شعبوں میں تعاون بڑھانے پر زور دیا گیا، دونوں فضائی افواج کے درمیان تعاون بڑھانے اور پیشہ ورانہ ترقی کیلئے اعلیٰ سطح تبادلہ پروگرامز کے آغاز پر اتفاق کیا گیا۔
آئی ایس پی آر کے مطابق میجر جنرل آندرے یولیانووچ نے پرتپاک مہمان نوازی پر دلی شکریہ ادا کیا، میجر جنرل آندرے یولیانووچ نے پاکستان اور بیلاروس کے درمیان دیرینہ دوستی کو سراہا۔
آئی ایس پی آر کے مطابق میجر جنرل آندرے یولیانووچ نے کہا پاکستان ایئر فورس کے وسیع تجربے سے سیکھنا چاہتے ہیں۔ انھوں نے پی اے ایف کے تربیتی نظام سے استفادہ کرنے کی خواہش کا بھی اظہار کیا۔
آئی ایس پی آر کے مطابق میجر جنرل آندرے یولیانووچ نے پاک فضائیہ کے سربراہ کو بیلاروس میں دفاعی ایونٹس میں شرکت کی دعوت دی۔
فریقین نے اس دورے کی تفصیلات پر کام کرنے پر اتفاق کیا، میجر جنرل آندرے یولیانووچ کا دورہ دونوں ممالک میں عسکری شراکت داری کا عکاس ہے۔
.
ذریعہ
ذریعہ: Jang News
کلیدی لفظ: آئی ایس پی آر کے مطابق پاک فضائیہ کے درمیان افواج کے کیا گیا
پڑھیں:
سرینڈر کا امریکی مطالبہ مسترد، ایران کا حملے کی صورت میں نئے محاذ کھولنے کا اعلان
خاتم الانبیا سینٹرل ہیڈ کوارٹرز کے ڈپٹی انسپکٹر بریگیڈیئر جنرل جعفر اسدی کا کہنا ہے کہ امریکا مکمل سرینڈر کا مطالبہ کر رہا ہے، لیکن ایرانی قوم کبھی نہیں جھکے گی، امریکا کے ساتھ دوبارہ جنگ ناگزیر ہے۔ اسلام ٹائمز۔ اسلامی جمہوریہ ایران نے سرینڈر کا امریکی مطالبہ ناقابل قبول قرار دیتے ہوئے حملے کی صورت میں نئے محاذ کھولنے کا اعلان کر دیا۔ پاسداران انقلاب کے ترجمان بریگیڈیئر جنرل حسین محبی کہتے ہیں کہ ایرانی فوج کسی بھی ممکنہ صورتحال سے نمٹنے کیلئے پہلے سے زیادہ تیار ہے، دشمن کو جارحیت پر مختلف نوعیت کی فوجی کارروائیوں کا سامنا کرنا پڑے گا، میدان جنگ اور ہتھیاروں کی اقسام بھی مختلف ہوں گی، جنگ بندی کے دوران ہماری عسکری صلاحیتوں میں اضافہ ہوا۔
خاتم الانبیا سینٹرل ہیڈ کوارٹرز کے ڈپٹی انسپکٹر بریگیڈیئر جنرل جعفر اسدی کا کہنا ہے کہ امریکا مکمل سرینڈر کا مطالبہ کر رہا ہے، لیکن ایرانی قوم کبھی نہیں جھکے گی، امریکا کے ساتھ دوبارہ جنگ ناگزیر ہے۔ انہوں نے مزید کہا کہ ہم نے ابھی مکمل صلاحیتیں ظاہر نہیں کیں، جنگ میں نیٹو بھی شامل ہوتی ہے تو بھی ہمیں پریشانی نہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ