خدمت خلق رضائے الٰہی کے حصول کا ذریعہ ہے، مسلم پرویز
اشاعت کی تاریخ: 10th, June 2025 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) انسانیت کی خدمت رضائے الٰہی کے حصول کا بہترین ذریعہ ہے، الخدمت نام ہے دیانت و امانت کے ساتھ انسانوں کی خدمت کرنے کا۔ چرم قربانی مہم اور الخدمت اجتماعی قربانی بھی اسی سلسلے کی کڑی ہے۔ ان خیالات کا اظہار جماعت اسلامی حلقہ کراچی کے نائب امیر مسلم پرویز نے احسن آباد میں الخدمت کے تحت اجتماعی قربانی اور چرم قربانی سینٹر کے دورے کے موقع پر کیا۔ ضلع گڈاپ کے نائب امیر خالد احمد صدیقی، مقامی ناظم امین اشعر بھی موجود تھے۔ انہوں نے عید کے موقع پر اپنی عید کی خوشیوں کو قربان کرکے کھالیں جمع اور غربا میں قربانی کا گوشت تقسیم کرکے خوشیاں بکھیرنے والے جذبے کو سراہا اور کہاکہ اس کا اجر صرف اللہ دے گا۔
.ذریعہ: Jasarat News
پڑھیں:
الخدمت کا غزہ مہاجرین کیلئے القدس اور مصر سمیت مختلف ممالک میں قربانی کا اہتمام
لاہور:الخدمت فاؤنڈیشن نے عیدالاضحیٰ کے موقع پر فلسطینی مہاجرین سے اظہار یک جہتی کرتے ہوئے القدس اور ویسٹ بینک سمیت مصر، اردن اور لبنان میں دو ہزار 915 جانور قربان کیے اور گوشت فلسطینی مہاجرین، یتامیٰ، بیواؤں اور مستحقین تک پہنچایا گیا۔
الخدمت فاؤنڈیش کی جانب سے جاری اعلامیے کے مطابق فلسطین کے مہاجرین کے لیے گوشت کی بڑی مقدار کو پراسیس کر کے ٹن پیک میں محفوظ کیا گیا ہے جو سرحد کھلتے ہی غزہ کے اندر بھیجا جائے گا۔
اعلامیے میں کہا گیا کہ الخدمت فاؤنڈیشن پاکستان کے صدر ڈاکٹر حفیظ الرحمان نے گزشتہ برس کی طرح اس سال بھی مصر میں موجود غزہ مہاجرین کے ساتھ عید منائی اور انہوں نے فلسطینی زخمیوں کی اسپتال میں تیمارداری کی، یتیم بچوں کے ساتھ عید فیسٹیول میں شرکت کی، تحائف اور امدادی سامان تقسیم کیا اور مہاجر خاندانوں کو قربانی کا گوشت فراہم کیا۔
ڈاکٹر حفیظ الرحمان نے بتایا کہ الخدمت کے تحت اس سال مصر، اردن، لبنان، القدس اور ویسٹ بینک میں 1600 بڑے اور 1315 چھوٹے جانوروں کی قربانی کی گئی۔
انہوں نے الخدمت فاؤنڈیشن کے زیر کفالت بچوں کی رہائش گاہ "الخدمت ٹاور" کا بھی دورہ کیا، جہاں انہوں نے باہمت بچوں کو عید کی مبارک باد دی اور تحائف پیش کیے۔
قبل ازیں قاہرہ میں غزہ سے تعلق رکھنے والے ایک ہزار مہاجر خاندانوں کے اعزاز میں تقریب کا انعقاد بھی کیا گیا۔
الخدمت فاؤنڈیشن نے پاکستان میں بھی چاروں صوبوں، آزاد کشمیر اور گلگت بلتستان کے مختلف اضلاع میں 10 ہزار جانوروں کی قربانی کی جہاں الخدمت کی مرکزی، ریجنل اور ضلعی ٹیموں کے ساتھ ملک بھر میں ہزاروں رضاکار اس مہم کا حصہ بنے اور لاکھوں مستحقین تک قربانی کا گوشت پہنچایا۔
ڈاکٹر حفیظ الرحمان نے کہا کہ عید دوسروں کو خوشیوں میں شریک کرنے کا نام ہے، الخدمت کے رضاکاروں نے اپنی عید کی خوشیاں مستحقین کے لیے وقف کیں، جس پر میں انہیں خراج تحسین پیش کرتا ہوں۔
حکومت کا پیٹرولیم لیوی کو بڑھانے کا کوئی ارادہ نہیں،علی پرویزملک