فلیٹ خریدیں اور ہمیشہ مفت میچز دیکھیں، مگر کہاں؟
اشاعت کی تاریخ: 12th, June 2025 GMT
امیر شائقین کو لندن میں فلیٹ خرید کر ہمیشہ مفت کرکٹ میچز دیکھنے کا موقع مل گیا۔
میڈیا رپورٹس کے مطابق کیننگٹن اوول میں 2 فلیٹس کو مشرق کی جانب باہر کی طرف نشستیں بنانے کی اجازت مل گئی، جس سے لوگ اوول گراؤنڈ پر ہونے والے میچز مفت میں دیکھ پائیں گے۔
منتظمین نے فلیٹ کی فروخت میں خریداروں کو لبھانے کیلئے یہ آفر بھی پیش کردی کہ وہ ان فلیٹس کی خریداری پر مفت میں کرکٹ میچز دیکھ سکیں گے۔
مزید پڑھیں: وسیم اکرم کا اپنے مجسمے پر ردعمل سامنے آگیا
اوول مینشن میں واقع دونوں اپارٹمنٹس عمارت کے مشرق کی جانب تاریخی آؤٹ ڈور سیٹنگ ایریا تک رسائی کی اجازت دیتے ہیں، رہائشیوں کو مہمانوں کے ساتھ آنے کی بھی اجازت ہے، البتہ ایشز جیسی بڑی سیریز میں پابندیاں ہیں تاکہ شور کو محدود کیا جاسکے۔
مزید پڑھیں: کیا رونالڈو کے گھر نئے مہمان کی آمد متوقع ہے؟ گرل فرینڈ کی ویڈیو وائرل
یہ فلیٹ شائقین کرکٹ کو 4 لاکھ یورو (یعنی پاکستانی روپوں میں 12 کروڑ 92 لاکھ سے زائد) اور 6 لاکھ یورو (یعنی پاکستانی روپوں میں 19 کروڑ 38 لاکھ سے زائد) میں دستیاب ہے۔
.ذریعہ: Express News
پڑھیں:
سونا عالمی اور مقامی مارکیٹوں میں ایک بار پھر مہنگا، فی تولہ قیمت کہاں پہنچ گئی؟
کراچی:سونا عالمی اور مقامی مارکیٹوں میں ایک بار پھر مہنگا ہوگیا۔
بین الاقوامی بلین مارکیٹ میں فی اونس سونے کی قیمت 13ڈالر کے اضافے سے 4ہزار 015ڈالر کی سطح پر آنے سے مقامی صرافہ مارکیٹوں میں بھی پیر کو 24قیراط کے حامل فی تولہ سونے کی قیمت 1ہزار 300روپے کے اضافے سے 4لاکھ 23ہزار 862روپے کی سطح پر آگئی ہے۔
اسی طرح مقامی سطح پر فی 10 گرام سونے کی قیمت 1ہزار 115روپے کے اضافے سے 3لاکھ 63ہزار 393 روپے کی سطح پر آگئی ہے۔
سونے کی قیمتوں میں اضافے کے ساتھ ہی ملک میں فی تولہ چاندی کی قیمت 25روپے کے اضافے سے 5ہزار 152روپے اور 10 گرام چاندی کی قیمت بھی 22روپے کے اضافے سے 4ہزار 417روپے کی سطح پر آگئی ہے۔
اشتہار