احمد آباد طیارہ حادثہ: بوئنگ شیئرز میں عالمی سطح پر گراوٹ
اشاعت کی تاریخ: 12th, June 2025 GMT
بھارتی شہر احمد آباد میں ایئر انڈیا کا بوئنگ ساختہ مسافر طیارہ گر کر تباہ ہونے کے بعد عالمی اسٹاک مارکیٹ میں بوئنگ کمپنی کے شیئرز میں 6 فیصد تک کمی واقع ہوئی ہے۔ حادثے کے وقت طیارے میں 242 افراد سوار تھے، جن میں 169 بھارتی، 53 برطانوی، 7 پرتگالی اور ایک کینیڈین شہری شامل تھے۔
یہ بھی پڑھیں: ایئر انڈیا کا طیارہ کیسے تباہ ہوا؟ ویڈیو منظر عام پر آگئی
حادثے سے چند لمحے قبل طیارے کے پائلٹ نے 1 بج کر 39 منٹ پر ایمرجنسی کال دی، جب کہ پرواز کے روانہ ہونے کے ایک منٹ کے اندر ہی 625 فٹ کی بلندی پر اس کا رابطہ منقطع ہو گیا تھا۔ بھارتی میڈیا کے مطابق جہاز میں گجرات کے سابق وزیراعلیٰ بھی سوار تھے۔
واضح رہے کہ بوئنگ کمپنی کو حالیہ برسوں میں کئی بڑے حادثات اور تکنیکی مسائل کا سامنا رہا ہے، جن میں 737 میکس کے حادثات سرفہرست تھے۔ ان واقعات کے بعد کمپنی کے تیار کردہ طیاروں کی ساکھ پر بارہا سوالات اٹھے۔
یہ بھی پڑھیں: ایئر انڈیا کا طیارہ پرواز بھرتے ہی کریش کرگیا، 242 مسافروں سمیت متعدد ہلاکتوں کا خدشہ
اب احمد آباد کے حادثے نے ایک بار پھر دنیا بھر میں مسافروں اور سرمایہ کاروں کی تشویش میں اضافہ کر دیا ہے۔ سرمایہ کاروں کے اعتماد میں کمی کے باعث بوئنگ کے شیئرز پر فوری منفی اثر پڑا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news ایئر انڈیا بھارت بوئنگ طیارہ شیئرز مسافر طیارہ.ذریعہ: WE News
کلیدی لفظ: ایئر انڈیا بھارت بوئنگ طیارہ مسافر طیارہ ایئر انڈیا
پڑھیں:
سعودی عرب ٹریفک حادثے میں 7 پاکستانی عمرہ زائرین جاں بحق، 6 زخمی
ذرائع کے مطابق بونیر کے علاقے ڈاگئی طوطالئی سے تعلق رکھنے والے 13 افراد کا قافلہ عمرے کی ادائیگی کے لیے سعودی عرب گیا تھا، حادثہ عرفات سے مدینہ جاتے ہوئے پیش آیا۔ دوسری جانب جاں بحق افراد کی نماز جنازہ سعودی عرب میں ادا کی جائے گی جب کہ زخمیوں کو سعودی ہسپتالوں میں طبی امداد دی جا رہی ہے۔ اسلام ٹائمز۔ سعودی عرب میں عمرہ کی ادائیگی کے بعد سفر کے دوران ایک افسوسناک ٹریفک حادثے میں خیبر پختونخوا کے ضلع بونیر سے تعلق رکھنے والے 7 پاکستانی جاں بحق اور 6 زخمی ہو گئے۔ ذرائع کے مطابق بونیر کے علاقے ڈاگئی طوطالئی سے تعلق رکھنے والے 13 افراد کا قافلہ عمرے کی ادائیگی کے لیے سعودی عرب گیا تھا، حادثہ عرفات سے مدینہ جاتے ہوئے پیش آیا۔ دوسری جانب جاں بحق افراد کی نماز جنازہ سعودی عرب میں ادا کی جائے گی جب کہ زخمیوں کو سعودی ہسپتالوں میں طبی امداد دی جا رہی ہے۔
علاوہ ازیں گورنر خیبرپختو نخوا فیصل کریم کنڈی نے حادثہ میں 7 عمرہ زائرین کے جاں بحق ہونے پر اظہار افسوس اور ٹریفک حادثہ میں زخمی عمرہ زائرین کی جلد صحت یابی کیلئے نیک خواہشات کا اظہار کیا ہے۔ اپنے تعزیتی پیغام میں فیصل کریم کنڈی کا کہنا تھا کہ ضلع بونیر سے تعلق رکھنے والے جاں بحق عمرہ زائرین کے لواحقین کے دکھ میں برابر کے شریک ہیں، حادثہ انتہائی افسوسناک ہے۔
جنوبی وزیرستان میں دہشتگردوں کے حملے میں زخمی ہونیوالے ڈی ایس پی شہید ہوگئے