احمد آباد میں ایئر انڈیا کا طیارہ کریش، امریکی اسٹاک مارکیٹ میں بوئنگ کمپنی کے شیئرز گر گئے
اشاعت کی تاریخ: 12th, June 2025 GMT
ایئر انڈیا کا لندن کے گیٹوک ایئرپورٹ جانے والا مسافر طیارہ جمعرات کے روز بھارتی ریاست گجرات کے شہر احمد آباد سے روانگی کے چند منٹ بعد حادثے کا شکار ہو گیا، طیارے میں گجرات کے سابق وزیر اعلیٰ وجے روپانی سمیت 242 مسافر سوار تھے۔
میڈیا رپورٹس کے مطابق حادثہ ٹیک آف کے 10 منٹ کے اندر پیش آیا، حادثے کے بعد احمد آباد ایئرپورٹ سے تمام پروازیں عارضی طور پر معطل کر دی گئی ہیں۔
Initial ADS-B data from flight #AI171 shows that the aircraft reached a maximum barometric altitude of 625 feet (airport altitude is about 200 feet) and then it started to descend with an vertical speed of -475 feet per minute.
— Flightradar24 (@flightradar24) June 12, 2025
بدقسمت پرواز کا نمبر اے آئی 171 تھا اور یہ ایک بوئنگ 787-8 ڈریم لائنر طیارہ تھا، فلائٹ ٹریکنگ ویب سائٹ فلائٹ ریڈار 24 کے مطابق یہ طیارہ دسمبر 2013 میں پہلی بار اڑا تھا اور جنوری 2014 میں ایئر انڈیا کو فراہم کیا گیا تھا۔
میڈیا رپورٹس کے مطابق بوئنگ کمپنی کے شیئرز امریکی اسٹاک مارکیٹ کے پری مارکیٹ ٹریڈنگ میں6 فیصد سے زائد کمی کا شکار ہو گئے ہیں۔
یہ بھی پڑھیں:ایئر انڈیا کا طیارہ پرواز بھرتے ہی کریش کرگیا، 242 مسافروں سمیت متعدد ہلاکتوں کا خدشہ
اپنے ایکس ہینڈل پر فلائٹ ریڈار24 نے حادثے کی ابتدائی تفصیلات بتاتے ہوئے لکھا ہے کہ پروازاے آئی 171 کا ابتدائی اےڈی ایس بی ڈیٹا ظاہر کرتا ہے کہ طیارے نے 625 فٹ کی بلندی تک پہنچنے کے بعد اچانک نیچے آنا شروع کیا، اور اس کی رفتار منفی 475 فٹ فی منٹ کی تھی۔
فلائٹ ریڈار نے مزید بتایا کہ طیارے کا سگنل 10:08 بجے صبح مقامی وقت پر غائب ہو گیا، یعنی ٹیک آف کے ایک منٹ سے بھی کم وقت بعد۔
مزید پڑھیں:ایئر انڈیا کا طیارہ کیسے تباہ ہوا؟ ویڈیو منظر عام پر آگئی
تاحال ہلاکتوں یا بچنے والوں کے بارے میں سرکاری طور پر کوئی تصدیق سامنے نہیں آئی ہے، ریسکیو ٹیمیں جائے حادثہ پر موجود ہیں اور امدادی کارروائیاں جاری ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
احمد آباد ایئر انڈیا بوئنگ ڈریم لائنر سابق وزیر اعلیٰ کریش گجرات وجے روپانی
ذریعہ
ذریعہ: WE News
کلیدی لفظ: ایئر انڈیا ڈریم لائنر سابق وزیر اعلی گجرات وجے روپانی ایئر انڈیا کا
پڑھیں:
فیصل آباد:حکومت سے مذاکرات ناکام ہونے پر پیٹرول پمپ مالکان کا پمپس بند رکھنے کا اعلان
اسلان درانی : فیصل آباد میں حکومت اور پٹرول پمپ مالکان کے درمیان مذاکرات کامیاب نہ ہو سکے، جس کے بعد پٹرول پمپ مالکان نے ہڑتال کا اعلان کر دیا, ہڑتال کے باعث شہر میں متعدد پٹرول پمپس پر پٹرول کی فراہمی معطل ہو گئی، جس سے شہریوں کو ایندھن کے حصول میں شدید مشکلات کا سامنا ہے۔
اطلاعات کے مطابق پاکستان اسٹیٹ آئل (PSO) اور گو (GO) کے چند پمپس کے علاوہ بیشتر مقامات پر پٹرول دستیاب نہیں، جبکہ کھلے پمپس پر بھی گاڑیوں کی لمبی قطاریں دیکھی جا رہی ہیں۔ شہریوں کا کہنا ہے کہ پٹرول تک رسائی ان کے لیے ایک بڑا چیلنج بن چکی ہے۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
شہریوں نے شکایت کی کہ پٹرول پہلے ہی مہنگا ہو چکا ہے اور اب اس کی عدم دستیابی نے مشکلات میں مزید اضافہ کر دیا ہے۔ بعض شہریوں کا کہنا ہے کہ پٹرول پمپ مالکان سپلائی میں تعطل کو جواز بنا رہے ہیں، جس سے عام صارفین متاثر ہو رہے ہیں۔
شہریوں نے حکومت سے مطالبہ کیا ہے کہ عوامی مفاد کو مدنظر رکھتے ہوئے فوری اقدامات کیے جائیں، پٹرول کی بلا تعطل فراہمی یقینی بنائی جائے اور حکومت و پٹرول پمپ مالکان کے درمیان پیدا ہونے والے تنازع کو جلد از جلد حل کیا جائے تاکہ معمولاتِ زندگی متاثر نہ ہوں۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی