پنجاب وائلڈ لائف ڈیپارٹمنٹ میں تقرریوں و تبادلوں کی بڑی لہر، اہم افسران کے چارج تبدیل
اشاعت کی تاریخ: 16th, June 2025 GMT
لاہور:
سیکرٹری جنگلات، جنگلی حیات و ماہی پروری پنجاب مدثر ریاض ملک نے چیف وائلڈ لائف رینجر مبین الٰہی کی سفارشات پر محکمہ جنگلی حیات میں وسیع پیمانے پر تقرریوں اور تبادلوں کے احکامات جاری کر دیے ہیں۔
جاری کردہ اعلامیے کے مطابق متعدد افسران کو فوری طور پر تبدیل کر کے نئی ذمہ داریاں سونپ دی گئی ہیں جبکہ بعض کو عبوری طور پر اضافی چارج دیے گئے ہیں تاکہ زیر تربیت افسران کی عدم موجودگی میں امور کی انجام دہی میں رکاوٹ نہ آئے۔
تفصیلات کے مطابق ڈپٹی چیف وائلڈ لائف رینجر راولپنڈی ریجن احسان احمد راجہ اور گجرانوالہ ریجن کے زاہد اقبال شیخ کو فوری طور پر تبدیل کر کے ہیڈ آفس رپورٹ کرنے کی ہدایت کی گئی ہے۔ گجرات ریجن کی ڈپٹی چیف وائلڈ لائف رینجر ارفع بتول کا تبادلہ راولپنڈی ریجن کر دیا گیا ہے جبکہ لاہور ریجن کے ڈپٹی چیف وائلڈ لائف رینجر عاصم کامران کو گوجرانوالہ ریجن بھیجا گیا ہے۔
اسی طرح، اسسٹنٹ چیف وائلڈ لائف رینجر ضلع منڈی بہاءالدین سید عثمان الحسن کو گجرات ریجن میں ڈپٹی چیف وائلڈ لائف رینجر کا اضافی چارج تفویض کیا گیا ہے۔ ضلع نارووال کے ارشد ناز کو گجرانوالہ میں اے سی ڈبلیو آر مس مریم فیض کی تربیت مکمل ہونے تک اضافی چارج دیا گیا ہے۔ ضلع راولپنڈی کی اسسٹنٹ چیف وائلڈ لائف رینجر رضوانہ عزیز کو ضلع اٹک میں اے سی ڈبلیو آر شاہ زیب کی ٹریننگ مکمل ہونے تک تعینات کیا گیا ہے۔
مزید برآں، ضلع چکوال کے محمد عمران کو میانوالی، ضلع اوکاڑہ کے شہباز انور مان کو ساہیوال، اور جہلم ہیڈکوارٹرز کے محمد تیمور کو ضلع جہلم میں عبوری ذمہ داری دی گئی ہے۔ اسی طرح سید علی عثمان بخاری، جو اس وقت بحیثیت ڈپٹی چیف وائلڈ لائف رینجر بہاولپور کام کر رہے ہیں، کو ضلعی اسسٹنٹ چیف وائلڈ لائف رینجر بہاولپور کا اضافی چارج دیا گیا ہے۔
اس کے علاوہ، محمد اشفاق کو ضلع لیہ، محمد سلیم کو ضلع بھکر، عامر جمیل کو ضلع قصور، نمرہ رشید کو ضلع بہاولپور ہیڈکوارٹرز، اور مجاہد کلیم کو اسسٹنٹ چیف وائلڈ لائف رینجر پروٹیکشن فورس چولستان کا اضافی چارج سونپا گیا ہے۔
محکمہ جنگلی حیات کے ذرائع کے مطابق یہ تقرریاں اور تبادلے انتظامی کارکردگی بہتر بنانے اور فیلڈ میں مؤثر نگرانی یقینی بنانے کے لیے کیے گئے ہیں۔ توقع کی جا رہی ہے کہ اس اقدام سے وائلڈ لائف کی تحفظاتی سرگرمیوں میں مزید بہتری آئے گی۔
Tagsپاکستان.
ذریعہ
ذریعہ: Al Qamar Online
کلیدی لفظ: پاکستان اضافی چارج کو ضلع گیا ہے
پڑھیں:
سندھ کابینہ نے صوبے کے سرکاری ملازمین کے کنوینس الاؤنس میں اضافہ کر دیا ہے، شرجیل میمن
فائل فوٹو
وزیر اطلاعات سندھ شرجیل میمن کا کہنا ہے کہ سندھ کابینہ نے صوبے کے سرکاری ملازمین کے کنوینس الاؤنس میں اضافہ کر دیا ہے، گریڈ ایک سے 16 تک ملازمین کا سفری الاؤنس بڑھا دیا گیا ہے۔
سندھ کابینہ اجلاس کے بعد پریس کانفرنس کرتے ہوئے شرجیل میمن نے کہا کہ سندھ کابینہ کے اجلاس میں اہم فیصلے کیے گئے ہیں، گورنر ہاؤس اور وزیراعلیٰ ہاؤس اسٹاف کی ہیلتھ انشورنس میں چھ ماہ کی توسیع کی ہے، معیشت، سرمایہ کاری، مالیات، آبی وسائل سے متعلق مختلف ٹاسک فورسز تشکیل دی ہیں، موسمیاتی تبدیلی اور آرٹیفیشل انٹیلیجنس سے متعلق مختلف ٹاسک فورسز تشکیل دی ہیں۔
شرجیل میمن نے کہا کہ سندھ کابینہ نے گٹکا اور مین پوری کے خلاف سخت کریک ڈاؤن کی منظوری دی ہے، گٹکا ماوا کیخلاف کارروائی نارکوٹکس کنٹرول کا محکمہ کرے گا، قانون سازی کر رہے ہیں۔
شرجیل میمن نے کہا کہ ملازمین عملی کام کے بجائے یونٹ، سیکٹر دفاتر میں بیٹھے رہتے تھے، صحافی ولی خان بابر نے ایسے معاملات کی رپورٹنگ کی تھی بعد میں انھیں قتل کر دیا گیا۔
صوبائی وزیر نے کہا کہ ہم چاہتے ہیں کہ زراعت کے شعبے کو نقصان نہ ہو، قانون میں گندم کی ترسیل روکنے کی ممانعت ہے، پنجاب نے گندم کی ترسیل روکی ہوئی ہے، پنجاب نے گندم کی ترسیل کیلئے بارڈر سیل کیے ہیں، ہم مذمت کرتے ہیں، گندم کی فصل بہت اچھی ہوئی، سندھ میں کچھ لوگوں نے گندم کی ذخیرہ اندوزی کر رکھی ہے۔
شرجیل میمن نے کہا کہ سندھ حکومت پانچ لاکھ میٹرک ٹن گندم امپورٹ کرے گی، پاسکو سے بھی گندم خریدی جائے گی، ان اقدامات سے گندم ذخیرہ کرنے والوں کو بہت نقصان ہوگا، ناردرن بائی پاس پر 4 سو ایکڑ پر ٹرک اسٹینڈ بنانے جارہے ہیں۔
شرجیل میمن نے کہا کہ افسوس کی بات ہےان دونوں رہنماؤں نے آئین اور قانون کا سنجیدہ مطالعہ نہیں کیا، مطالعہ کرتے تو اس نوعیت کے غیر ذمہ دارانہ بیانات دینے سے گریز کرتے۔
صوبائی وزیر نے مزید کہا کہ مون سون کے موقع پر تمام اداروں کو الرٹ جاری کر دیا گیا ہے، کے پی کے اور پنجاب میں بارشوں سے اموات ہوئی ہیں، حیرت کی بات ہے ہمارے میڈیا نے پر اس پر خاموشی رکھی ہوئی ہے۔
انہوں نے مزید کہا کر بارش سے پنجاب کے دیہی اور شہری علاقوں کے حالات خراب ہیں، ملک بھر میں بارشوں سے بہت تباہی ہوئی ہے، پنجاب میں بارشوں سے 17 افراد جاں بحق ہوئے، خیبر پختونخوا میں بارشوں سے 20 افراد جان کی بازی ہار گئے ہیں۔
شرجیل میمن نے کہا کہ کشمیر میں انتخابات چل رہے ہیں، کشمیر انتخابات میں مسلم لیگ ن ضابطہ اخلاق کی خلاف ورزی کررہی ہے۔
بھارت سے جنگ اور افغانستان میں کارروائی خارج ازامکان نہیں، وزیردفاع