سکھر،این آئی آر سی بینچ کا یوٹیلیٹی اسٹورز دوبارہ بند کرنے کا نوٹس
اشاعت کی تاریخ: 19th, June 2025 GMT
data-id="863a0a8" data-element_type="widget" data-widget_type="theme-post-content.default">
سکھر(نمائندہ جسارت)این آئی آر سی سکھر بینچ نے یوٹیلیٹی اسٹورز کارپوریشن سکھر و کراچی زون کے ریجن دوبارہ بند کرنے کا نوٹس لیتے ہوئے 12جون کو نکالے جانیوالے آرڈر کو سسپنڈ کرتے ہوئے یکم جولائی2025ء کو یوٹیلیٹی افسران کو جوابات کے ساتھ طلب کر لیا ہے۔اس سلسلے میں نیشنل انڈسٹریل ریلیشینز کمیشن (این آئی آر سی) سکھر بینچ میں یوٹیلیٹی اسٹورز کارپوریشن آف پاکستان (پرائیویٹ) لمیٹڈ اسلام آباد کے منیجنگ ڈائریکٹر، جنرل منیجر SO&S زونل منیجرز کی جانب سے سکھر و کراچی کو گھوٹکی ‘ شکارپور ‘ دادو ‘ نواب شاہ ‘ میرپور خاص ‘ بدین اور گوادر ریجن کو بند کرنے کے خلاف سماعت ہوئی سماعت پر نیشنل انڈسٹریل ریلیشنز کمیشن (NIRC) سکھر بینچ کے رکن سید نورالحسینن نے یوٹیلیٹی اسٹورز کارپوریشن آف پاکستان (پرائیوٹ) لمیٹڈ اسلام آباد کے منیجنگ ڈائریکٹر اور جنرل منیجر SO&S زونل منیجرز سکھر و کراچی کو گھوٹکی ‘ شکارپور ‘ دادو ‘ نواب شاہ ‘ میرپور خاص ‘ بدین اور گوادر ریجن کو بند کرنے سے روک دیااور معزز عدالت نے جنرل منیجر SO&S کے 12 جون کے آرڈرز کو سسپینڈ کرتے ہوئے 1 جولائی کو یوٹیلیٹی افسران کو جوابات کے ساتھ طلب کر لیا ہے۔واضح رہے کہ معزز عدالت نے اس سے قبل بھی آل پاکستان نیشنل ورکرز یونین (CBA) کے مرکزی نائب صدر عبدالقیوم برڑو کی طرف سے دائر ایک درخواست کے مؤقف کو درست تسلیم کرتے ہوئے 11-05-2025 کو زونل منیجرز کی طرف سے ریجنز بندش کے لیٹرز کو سسپینڈ کیا تھا، گزشتہ روز سماعت کے بعد آل پاکستان نیشنل ورکرز یونین (CBA) کے مرکزی نائب صدر عبدالقیوم برڑو عدالت کے باہر میڈیا اور ورکرز سے اپنے وکیل عبدالمجیب شیخ کے ہمراہ گفتگو کے دورا ن بتایا کہ یوٹیلیٹی اسٹورز کی منیجمنٹ مستقل معزز عدالت کے احکامات کو نہیں مان رہی پہلے دیے گئے عدالتی فیصلے کے باوجود احکامات کو نذر انداز کرتے ہوئے سندھ بھر کے یوٹیلیٹی اسٹورز بند کر رہی ہے جس کے خلاف ہم معزز عدالت کوئٹہ بینچ میں توہین عدالت کی رٹ دائر کر چکے ہیں جس کی کل 18 جون کو این آئی آر سی سکھر بینچ میں سماعت ہے جبکہ یوٹیلیٹی اسٹور کی مینجمنٹ اوچھے ہتھکنڈے استعمال کر رہی ہے ایک طرف این آئی آر سی کی فل بینچ اسلام آباد میں یوٹیلیٹی اسٹورز بندش کے خلاف اپیل دائر کی ہے جسکی تاریخ 1 جولائی ہے اور دوسری طرف جنرل منیجر اسٹور آپریشن نے ایک نیا لیٹر 12 جون کو نکالا ہے جس میں گھوٹکی، شکارپور، دادو، نواب شاہ، میرپور خاص، بدین اور گوادر کو 20 جون تک بند کرنے کے احکامات دیے ہیں جس کے خلاف ہم نے معزز عدالت میں استدعا کی تھی جس پر معزز عدالت نے ان آرڈرز کو سسپینڈ کرتے ہوئے اسٹے آرڈر جاری کرتے ہوئے ریجنز کو بند کرنے سے روک دیا ہے ہم نے جب رٹ دائر کی تھی اس وقت کراچی زون میں 230 اسٹور اور سکھر زون میں 195 یوٹیلیٹی اسٹورز تھے لیکن افسوس واضح عدالتی احکامات کے باوجود یوٹیلیٹی اسٹور مینجمنٹ مسلسل توہین عدالت کرتے ہوئے یوٹیلیٹی اسٹورز بند کر رہی ہے کل کی توہین عدالت کی سماعت میںان شاء اللہ ہم تمام ثبوت عدالت کو دیں گے۔
.ذریعہ: Jasarat News
کلیدی لفظ: یوٹیلیٹی اسٹورز یوٹیلیٹی اسٹور معزز عدالت کرتے ہوئے سکھر بینچ کے خلاف
پڑھیں:
یوم آزادی تقریبات؛ سکھر کی تاریخ کا سب سے بڑا جشن 10 اگست کو منعقد ہوگا
سکھر:یوم آزادی تقریبات کے سلسلے میں سکھر کی تاریخ کا سب سے بڑا جشن ہوگا، جس کا انعقاد 10 اگست کو کیا جائے گا۔
ترجمان سندھ حکومت و مئیر سکھر بیرسٹر ارسلان اسلام شیخ نے جشن آزادی کے سلسلے میں اپنے پیغام میں کہا ہے کہ جس طرح پورے ملک میں یومِ آزادی منانے کا جوش و جذبہ نظر آرہا ہے، اسی طرح سکھر کے نوجوانوں، بزرگوں، ماؤں، بہنوں اور بیٹیوں میں بھی ایک ولولہ انگیز جذبہ دیکھنے میں آرہا ہے۔
انہوں نے کہا کہ پاکستان نے جس طرح دشمن ملک بھارت کو تاریخی شکست دی، اس نے ہر پاکستانی کا سر فخر سے بلند کردیا اور دنیا کو یہ پیغام دیا کہ پاکستان کے 25 کروڑ عوام اپنی مسلح افواج کے ساتھ شانہ بشانہ کھڑے ہیں۔ پاکستان کے سپہ سالار فیلڈ مارشل جنرل عاصم منیر ایک مضبوط اور مدبر قائد ہیں جن کی فارن ڈپلومیسی کی دنیا بھر میں تعریف کی جا رہی ہے۔
بیرسٹر ارسلان اسلام شیخ نے بتایا کہ آج سے ہی ’’معرکۂ حق‘‘ کی مناسبت سے جشنِ آزادی کی تقریبات کا آغاز کر دیا گیا ہے۔ اس موقع پر ایک اہم کوآرڈینیٹڈ میٹنگ ہوئی، جس میں وفاقی اداروں، صوبائی محکموں کے افسران، سول سوسائٹی، این جی اوز اور علما کرام نے شرکت کی۔ اور فیصلہ کیا گیا کہ جشنِ آزادی کو تاریخی اور شایانِ شان انداز میں منایا جائے گا۔
انہوں نے اعلان کیا کہ 10 اگست 2025 کو سکھر کی تاریخ کا سب سے بڑا جشن منعقد کیا جائے گا، جس میں وزیر اعلیٰ سندھ سید مراد علی شاہ بطور مہمانِ خصوصی شرکت کریں گے۔ جشن کی تیاریاں آج ہی سے بھرپور انداز میں شروع ہو چکی ہیں۔
یوم آزادی کے سلسلے میں منعقدہ اس جشن میں محکمہ کھیل کے تحت کھیلوں کے مقابلے، اسکولوں اور کالجز میں تقریری و ملی نغموں کے مقابلے، سکھر میں شجرکاری مہم کا آغاز اور سکھر کے پلوں کو پاکستانی پرچم کے رنگوں سے سجانے کا کام شامل ہے۔ اس کے علاوہ تھری ڈی اسکلپچر وال کی تعمیر ان عظیم شخصیات کے اعزاز میں ہوگی، جنہوں نے پاکستان کا نام دنیا بھر میں روشن کیا۔
بیرسٹر ارسلان اسلام شیخ نے اس موقع پر آرٹس کونسل آف پاکستان کے صدر احمد شاہ کی شاندار خدمات کو بھی خراجِ تحسین پیش کیا اور کہا کہ احمد شاہ صاحب نے ہمیشہ سکھر کو ترجیح دی ہے اور اس مرتبہ بھی ایک نہایت شاندار اور تاریخی ایونٹ کا انعقاد کر رہے ہیں۔ ان کی فن و ثقافت کے فروغ، نوجوان فنکاروں کی حوصلہ افزائی اور ملکی ثقافتی ورثے کو دنیا کے سامنے اجاگر کرنے کی خدمات قابلِ ستائش ہیں۔
انہوں نے مزید کہا کہ یہ تمام تقریبات پاکستان پیپلز پارٹی کے چیئرمین بلاول بھٹو زرداری اور وزیرِ اعلیٰ سندھ سید مراد علی شاہ کی واضح اور دوراندیش رہنمائی میں منعقد کی جا رہی ہیں، جنہوں نے ہمیشہ سندھ کے عوام، خصوصاً نوجوانوں کو ملکی ترقی، ثقافتی احیا اور حب الوطنی کے فروغ میں نمایاں کردار ادا کرنے کی ترغیب دی ہے۔
بیرسٹر ارسلان اسلام شیخ نے اپنے پیغام کا اختتام پاکستان زندہ باد، پاک فوج زندہ باد، جشن آزادی مبارک کے نعروں سے کیا۔
چُن چُن کر سزائیں دی جا رہی ہیں، کوئی تو ہے جو خوفزدہ ہے، علیمہ خان