وزیر خارجہ اسحاق ڈار ترکیہ میں او آئی سی کونسل آف فارن منسٹرز کے اجلاس میں شرکت کریں گے
اشاعت کی تاریخ: 19th, June 2025 GMT
پاکستان کے نائب وزیراعظم و وزیر خارجہ سینیٹر محمد اسحق ڈار 21-22 جون 2025 کو ترکیہ کے شہر استنبول میں منعقد ہونے والی 51ویں او آئی سی کونسل آف فارن منسٹرز (سی ایف ایم) کے اجلاس میں شرکت کے لیے استنبول کا دورہ کریں گے۔
دفتر خارجہ سے جاری بیان کے مطابق ترکیہ کے ایوانِ صدر میں ہونے والے اس اجلاس کے دوران وزیر خارجہ اسحاق ڈار جنوبی ایشیا میں حالیہ کشیدگی، پاکستان اور بھارت کے درمیان جنگ بندی کے بعد کی صورتحال اور مشرق وسطیٰ میں حالیہ اسرائیلی حملوں کے بارے میں پاکستان کا موقف پیش کریں گے۔
یہ بھی پڑھیے: ترکیہ کو مطلوب ترین داعش دہشتگرد ابو یاسر التُرکی پاکستانی تعاون سے گرفتار
پاکستانی وفد مشرق وسطیٰ میں امن قائم کرنے اور غزہ کے عوام کو انسانی امداد فراہم کرنے کی ضرورت پر زور دے گا، وزیر خارجہ عالمی برادری سے مطالبہ کریں گے کہ وہ اسلاموفوبیا کے بڑھتے ہوئے رجحان کے خلاف فیصلہ کن اقدامات کرے، اور دہشتگردی، انتہا پسندی، اور موسمیاتی تبدیلی جیسے عالمی مسائل کے حل کے لیے ہنگامی اقدامات کیے جائیں۔
وزیر خارجہ او آئی سی کے مقاصد اور اصولوں کے لیے پاکستان کی غیرمتزلزل حمایت کا اعادہ کریں گے اور مسلم امہ کو درپیش مسائل کے حل کے لیے پاکستان کی کوششوں کو اجاگر کریں گے۔
یہ بھی پڑھیے: وزیر خارجہ اسحاق ڈار کا پاکستان اور بنگلہ دیش کے مابین عوامی رابطوں کو بڑھانے پر زور
اس کے علاوہ وزیر خارجہ اپنے دورے کے دوران دیگر او آئی سی رکن ممالک کے رہنماؤں سے ملاقاتیں بھی کریں گے۔
اجلاس سے قبل وہ ترکِیہ کے صدر رجب طیب اردوان کو او آئی سی یوتھ فورم گریڈ یوتھ ایوارڈ کے اعزاز میں دیے جانے والے ایوارڈ کی تقریب میں شرکت کریں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسحاق ڈار ترکیہ وزیر خارجہ.ذریعہ: WE News
کلیدی لفظ: اسحاق ڈار ترکیہ اسحاق ڈار او آئی سی کریں گے کے لیے
پڑھیں:
نائب وزیرِ اعظم و وزیرِ خارجہ اسحاق ڈار کل استنبول کا ایک روزہ دورہ کریں گے
سٹی 42: نائب وزیر اعظم اسحاق ڈار کل استبول کا ایک روزہ دورہ کریں گے ۔
ترجمان دفتر خارجہ کے مطابق ترکیہ وزیر خارجہ کی دعوت پر نائب وزیرِ اعظم و وزیرِ خارجہ اسحاق ڈار کل استنبول کا ایک روزہ دورہ کریں گے،اسحاق ڈار استنبول میں عرب اسلامی وزرائے خارجہ کے رابطہ اجلاس میں شرکت کریں گے۔پاکستان اور سات عرب اسلامی ممالک غزہ امن معاہدے کی کوششوں میں شامل رہے ہیں۔
استنبول اجلاس میں پاکستان جنگ بندی معاہدے پر مکمل عملدرآمد پر زور دے گا،پاکستان مقبوضہ فلسطینی علاقوں خصوصاً غزہ سے مکمل اسرائیلی انخلا کا مطالبہ کرے گا۔پاکستان فلسطینیوں کے لیے بلا رکاوٹ انسانی امداد اور غزہ کی تعمیرِ نو پر زور دے گا۔
لاہور :ڈمپر نے موٹر سائیکل کو کچل دیا، 3 افراد جاں بحق
ترجمان دفتر خارجہ نے کہا پاکستان آزاد، قابلِ بقااور متصل فلسطینی ریاست کے قیام کی ضرورت دہرائے گا، 1967 سے پیشگی سرحدوں پر قائم فلسطینی ریاست کا دارالحکومت القدس الشریف ہونا چاہیے۔
پاکستان فلسطینی عوام کے حقِ خودارادیت اور ان کی عزت و انصاف کی بحالی کے لیے پرعزم ہے۔
ملتان، حضرت شاہ رکن الدین عالم کا 712 واں سالانہ تین روزہ عرس شروع، بڑی تعداد میں مرید شریک