وائزمین انسٹی ٹیوٹ تباہ ہونے سے 540 ملین ڈالر کا نقصان، نایاب نمونے، تحقیقی مواد ضائع، اسرائیلی اخبار کا اہم انکشاف
اشاعت کی تاریخ: 19th, June 2025 GMT
اخبار کے مطابق یہ اندازہ صرف انسٹی ٹیوٹ کے انفراسٹرکچر کو پہنچنے والے مادی نقصانات پر مشتمل ہے اور اس میں سائنسی تحقیق کے شعبے کو پہنچنے والے شدید نقصانات شامل نہیں ہیں، جو نایاب نمونوں اور جدید تحقیق کی بنیاد بننے والے مواد کے ضائع ہونے کی وجہ سے ہوئے ہیں۔ اسلام ٹائمز۔ قابض صیہونی ریاست کے اقتصادی اخبار کالکالیسٹ (Calcalist) نے ایک رپورٹ میں انکشاف کیا ہے کہ وائزمین انسٹی ٹیوٹ آف سائنس پر ہونے والے میزائل حملے میں اس ادارے کو 2 ارب شیکل (تقریباً 540 ملین ڈالر) کا نقصان پہنچا ہے۔ اخبار نے آج جمعرات کو ایک رپورٹ میں کہا کہ حملے میں 3 تحقیقی عمارتیں شدید متاثر ہوئی ہیں جبکہ متعدد دیگر عمارتوں کو بھی نقصان پہنچا ہے۔ یہ اندازہ صرف انسٹی ٹیوٹ کے انفراسٹرکچر کو پہنچنے والے مادی نقصانات پر مشتمل ہے اور اس میں سائنسی تحقیق کے شعبے کو پہنچنے والے شدید نقصانات شامل نہیں ہیں، جو نایاب نمونوں اور جدید تحقیق کی بنیاد بننے والے مواد کے ضائع ہونے کی وجہ سے ہوئے ہیں۔ کالکالیسٹ سے بات کرتے ہوئے ایک عہدیدار نے بتایا کہ ایک خالی لیبارٹری عمارت کی تعمیر کی لاگت 50 ملین ڈالر تک ہو سکتی ہے، جبکہ جدید سہولیات سے لیس ہونے پر یہ رقم 100 ملین ڈالر تک پہنچ سکتی ہے۔"ایک اور عہدیدار کے اندازے کے مطابق، لیبارٹری عمارتوں کی لاگت 25,000 شیکل فی مربع میٹر (بنیادی سہولیات سمیت) ہے، جو ایک عمارت کے لیے 100 سے 250 ملین شیکل کے درمیان بنتی ہے۔ انہوں نے زور دیا کہ یہ اندازے خصوصی اور نایاب آلات کی لاگت کو شامل نہیں کرتے، جو کروڑوں ڈالر تک ہو سکتی ہے۔
وائز مین انسٹی ٹیوٹ کے بائیو کیمسٹری ڈیپارٹمنٹ کے پروفیسر شرئیل فلیشمین نے کالکالیسٹ کو بتایا کہ بعض لیبارٹریوں کو پہنچنے والا نقصان تباہ کن ہے۔ انہوں نے کہا کہ مکمل ونگ تباہ ہو چکے ہیں، اور کئی لیبارٹریوں میں موجود تمام مواد ضائع ہو گیا ہے جسے تیار کرنے میں سالوں کی پیچیدہ تحقیق درکار تھی۔ انہوں نے مزید کہا کہ مرمت کے کاموں میں سالوں کا وقت لگے گا۔ دوسری جانب، اسرائیلی ویب سائٹ "دی مارکر" نے رپورٹ کیا ہے کہ تل ابیب میں واقع وائز مین انسٹی ٹیوٹ آف سائنس (جسے اسرائیل کا فوجی سائنسی دماغ کہا جاتا ہے) کی متعدد عمارتیں ایران کے میزائل حملے میں براہ راست نشانہ بنی ہیں۔ اسرائیلی ذرائع نے آج یہ بھی پیش گوئی کی ہے کہ ایران کے خلاف اسرائیلی جنگ کی کل لاگت تقریباً 100 ارب شیکل (34 ارب ڈالر) تک پہنچ سکتی ہے۔ انہوں نے حیفہ ریفائنری میں "بازان گروپ" کے پاور اسٹیشن کو پہنچنے والے شدید نقصانات کا بھی ذکر کیا ہے، جو اسرائیل کی گیس اور بجلی کے پیداواری نیٹ ورک کا ایک اہم حصہ ہے۔
ذریعہ: Islam Times
کلیدی لفظ: کو پہنچنے والے انسٹی ٹیوٹ ملین ڈالر انہوں نے سکتی ہے
پڑھیں:
بلوچستان میں بہت جلد خوشحالی اور امن کا دور دورہ ہوگا، آئی جی پولیس معظم جاہ انصاری
آئی جی پولیس بلوچستان معظم جاہ انصاری نے کہا کہ بلوچستان میں بہت جلد خوشحالی اور امن کا دور دورہ ہوگا۔
آئی جی پولیس بلوچستان معظم جاہ انصاری نے پاسنگ آؤٹ پریڈ سے خطاب کرتے ہوئے کہا کہ بلوچستان میں بہت جلد خوشحالی اور امن کا دور دورہ ہوگا۔ بلوچستان پولیس کے افسران اور جوانوں نے بے شمار قربانیاں دی ہیں، اپنی جانوں کے نذرانے پیش کیے ہیں۔
انہوں نے امید ظاہر کی کہ بلوچستان پولیس اپنی اس روایت کو برقرار رکھتے ہوئے قیام امن اور عوام کی حفاظت کے لیے افواج پاکستان اور دیگر قانون نافذ کرنے والے اداروں کے ساتھ مل کر مزید چوکس اور تیار رہیں گے اور کسی بھی قربانی سے دریغ نہیں کریں گے۔
انہوں نے کہا کہ اس موقع پر میں پولیس کے تمام شہدا اور زخمی ہونے والے افسروں اور جوانوں کو خراج تحسین پیش کرنا ضروری سمجھتا ہوں جنہوں نے فرائض کی انجام دہی میں جان کی پرواہ تک نہ کی۔
آئی جی پولیس نے پاس آؤٹ ہونے والے تمام جوانوں کو مبارکباد بھی پیش کی۔
واضح رہے کہ پاسنگ آؤٹ ہونے والوں میں بلوچستان پولیس کے 161 جوان اور پولیس ٹریننگ کالج سے آئے لوئر کورس کے 200 جوان شامل ہیں۔
یاد رہے کہ اے ٹی ایف ٹریننگ اسکول میں 18 ویں بیسک کورس میں اب تک 3 ہزار 973 جوان پاس آؤٹ ہوچکے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
’عمران خان کی رہائی کے لیے 5 اگست کو ملک گیر احتجاج ہو گا‘