راشد منہاس روڈ پر ڈمپر ڈبل کیبن پر الٹ گیا، بچی اور خاتون جاں بحق
اشاعت کی تاریخ: 20th, June 2025 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) راشد منہاس روڈ پر تیز رفتار ریتی بجری سے بھرا ڈمپر ڈبل کیبن گاڑی پر الٹ گیا، جس کے نتیجے میں 55 سالہ خاتون شاہینہ نعیم اور 7 سالہ بچی عائشہ دختر خرم جاں بحق ہو گئیں، جبکہ ایک خاتون انعم اور ڈبل کیبن کا ڈرائیور زخمی ہو گئے۔ حادثے کے بعد ڈمپر کا ڈرائیور موقع سے فرار ہو گیا۔حادثہ بدھ اور جمعرات کی درمیانی شب تقریباً سوا تین بجے سی او ڈی کے قریب پیش آیا۔ ڈمپر فٹ پاتھ پر چڑھ کر برابر سے گزرتی ڈبل کیبن (KT-9478) پر الٹ گیا۔ گاڑی مکمل طور پر ریتی کے نیچے دب گئی۔ اطلاع پر پولیس، رینجرز، چھیپا، ایدھی اور دیگر ریسکیو ادارے موقع پر پہنچے۔ تین گھنٹے کی جدوجہد کے بعد کرین اور لفٹر کی مدد سے گاڑی کو نکالا گیا اور لاشیں جناح اسپتال منتقل کی گئیں۔جاں بحق اور زخمی ہونے والے افراد کا تعلق ایک ہی خاندان سے بتایا گیا ہے، جو اسکیم 33، سپر ہائی وے روک کوآپریٹو ہاؤسنگ سوسائٹی کے رہائشی تھے۔ چھیپا ترجمان کے مطابق عینی شاہدین نے بتایا کہ ڈمپر ڈرائیور نشے میں معلوم ہوتا تھا۔ پولیس کے مطابق ڈمپر اور ریتی تھانے منتقل کر دی گئی ہے جبکہ ڈرائیور کی تلاش جاری ہے۔ حادثے کے باعث ملینیئم مال سے شارع فیصل جانے والی سڑک بند ہوگئی اور علاقے میں بدترین ٹریفک جام ہوگیا۔ واضح رہے کہ کمشنر کراچی کی ہدایت پر ضلع ملیر میں ریتی بجری نکالنے پر دفعہ 144 نافذ ہے۔ اس کے باوجود مختلف تھانوں کی حدود سے رات کے وقت ریتی شہر میں لائی جاتی ہے۔ حادثہ بھی غیر قانونی طور پر بھرے گئے تیز رفتار ڈمپر اور غفلت کے شکار ڈرائیور کی وجہ سے پیش آیا، جو الٹنے کے باوجود فرار ہوگیا۔
.ذریعہ: Jasarat News
کلیدی لفظ: ڈبل کیبن
پڑھیں:
ایشیا کپ: راشد خان کی کلین بولڈ ہوکر ریویو لینے کی ویڈیو وائرل
سری لنکا کے خلاف میچ میں افغانستان کے کپتان راشد خان نے بولڈ ہوکر ریویو مانگ لیا۔
تفصیلات کے مطابق یہ مضحکہ خیز واقعہ افغانستان کی اننگز کے 18ویں اوور کے دوران پیش آیا، جب تھوشارا نے ایک شاندار سلو یارکر پھینکی جسے راشد خان سمجھ ہی نہ پائے اور گیند ان کے پچھلے پیر پر لگتے ہوئے اسٹمپس پر جا لگی۔
پہلے تو تھوشارا بھی نہ دیکھ سکے کہ راشد خان بولڈ ہوگئے ہیں اور انہوں نے امپائر کی طرف رخ کرتے ہوئے ایل بی ڈبلیو کے لیے اپیل کی۔
راشد خان کو بھی پتہ ہی نہ لگ سکا کہ وہ بولڈ ہوگئے ہیں اور انہوں نے بھی فوراً ریویو مانگ لیا۔
یہ ان نایاب واقعات میں سے ایک تھا جہاں بیٹسمین اور بولر دونوں ہی بولڈ ہونے پر ایل بی ڈبلیو کی اپیل کر رہے تھے۔
https://x.com/billybowdenn/status/1968781995233657258
گورک ہل اسٹیشن اربوں روپے خرچ ہونے کے باوجود منصوبہ تاحال نامکمل، بے ضابطگیوں کا انکشاف