میرب علی نے عاصم اظہر سے علیحدگی پر خاموشی توڑ دی
اشاعت کی تاریخ: 20th, June 2025 GMT
اداکارہ و ماڈل میرب علی نے بالآخر گلوکار عاصم اظہر سے علیحدگی پر اپنا ردعمل دے دیا۔
میرب علی اور گلوکار عاصم اظہر کی گزشتہ تین برس پہلے منگنی ہوئی تھی تاہم گزشتہ ہفتے اچانک ان کی علیحدگی کی خبریں سامنے آئیں۔ یہ خبر اس وقت منظر عام پر آئی جب عاصم اظہر نے منگنی ختم کرنے سے متعلق انسٹاگرام پر ایک بیان جاری کیا۔
اس کے بعد سوشل میڈیا پر ان کی علیحدگی سے متعلق تبصرے اور چہ مگوئیاں شروع ہو گئیں، لیکن دونوں جانب سے کوئی تفصیل بیان نہیں کی گئی۔
https://www.instagram.com/p/DLEjVLropOl/
علیحدگی کے بعد میرب علی مختلف تقریبات میں نظر آئیں اور اپنے قریبی دوستوں و خاندان کے ہمراہ وقت گزارتی رہیں۔ وہ اپنے پیشہ ورانہ معاملات میں بھی سرگرم ہیں تاہم طویل خاموشی کے بعد میرب علی نے اب انسٹاگرام اسٹوریز کے ذریعے اپنے جذبات کا اظہار کیا ہے۔
انہوں نے لکھا کہ "اللہ میرے دل کی حالت جانتا ہے اور یہی میرے لیے کافی ہے۔" ان کا یہ بیان سوشل میڈیا پر وائرل ہو گیا ہے جہاں صارفین نے ملے جلے ردعمل دیے ہیں۔
کچھ افراد نے اس بیان کو توجہ حاصل کرنے کی کوشش قرار دیا، جبکہ دوسروں نے اس کی حمایت کی۔ میرب نے انسٹا اسٹوری پر پھولوں کی تصویر بھی شیئر کی ہے جس میں ایک پیغام بھی لکھا ہے جس میں اداکارہ کی مشکل وقت میں حوصلہ افزائی کی گئی ہے۔
ذریعہ: Express News
کلیدی لفظ: میرب علی
پڑھیں:
تمنا بھاٹیا کا کرکٹر عبدالرزاق سے تعلقات پر بڑا انکشاف، خاموشی توڑ دی
بھارتی اداکارہ تمنا بھاٹیا جنہوں نے ہندی، تامل اور تیلگو فلموں میں یکساں مقبولیت حاصل کی ہے ان کی پاکستان کرکٹ ٹیم کے سابق آل راؤنڈر عبدالرزاق سے تعلقات کی خبریں منظرِ عام پر رہی ہیں۔ ان کی عبد الرزاق کے ساتھ ایک تصویر بہت وائرل ہوئی تھی جو زیورات کی دکان میں لی گئی تھی، تب سے صارفین کا خیال تھا کہ دونوں جلد شادی کے بندھن میں بندھ جائیں گے۔
اب حال ہی میں تمنا بھاٹیا نے ایک شو کے دوران وضاحت دیتے ہوئے کہا ہے کہ انٹرنیٹ کے مطابق تو میری عبد الرزاق سے شادی بھی ہو چکی تھی۔ انہوں ںے ساتھ ہی کہا ’مذاق مذاق میں عبدالرزاق‘۔
یہ بھی پڑھیں: کرکٹر عبدالرزاق اور بھارتی اداکارہ تمنا بھاٹیا کی دوستی کی خبریں، اصل معاملہ کیا ہے؟
اداکارہ نے عبدالرزاق کو مخاطب کرتے ہوئے کہا کہ معاف کیجیئے گا سر آپ کے تو دو تین بچے ہیں۔ میزبان کے سوال پر کہ آپ دونوں کہاں ملے تھے انہوں نے جواب دیتے ہوئے کہا کہ ہم دونوں ایک جیولری اسٹور میں ملے تھے جس کی اوپننگ میں ہم دونوں شریک تھے۔
تمنا بھاٹیا نے ویرات کوہلی سے منسوب افواہوں پر بات کرتے ہوئے کہا کہ مجھے بہت برا لگتا ہے کیونکہ میں ان سے صرف ایک دن کے لیے ملی تھی اور شوٹ کے بعد نہ کبھی بات ہوئی، نہ ملاقات۔ بھارتی میڈیا کے مطابق 2010 میں تمنا بھاٹیا اور ویرات کوہلی کی ایک کمرشل شوٹ کی تصویر وائرل ہوئی تھی، جس کے بعد ان کے تعلقات کی افواہیں زور پکڑ گئی تھیں۔
یہ بھی پڑھیں: کرکٹرعبدالرزاق نے اسٹیج اداکارہ دیدار سے منگنی کیوں توڑی؟
واضح رہے کہ اداکارہ تمنا بھاٹیا اداکار وجے ورما کے ساتھ تعلق میں تھیں، لیکن یہ جوڑی رواں سال کے آغاز میں الگ ہو گئی۔ اگرچہ دونوں نے سوشل میڈیا پر علیحدگی کی خبروں کی باضابطہ طور پر تصدیق نہیں کی، تاہم افواہیں گردش کرتی رہیں کہ دونوں نے راہیں جدا کر لی ہیں۔ وجے اور تمنا کے درمیان تعلقات کی افواہیں اُس وقت زور پکڑیں جب انہیں 2023 میں نئے سال کی تقریب کے دوران ایک ساتھ دیکھا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بالی ووڈ تمنا بھاٹیا تمنا بھاٹیا اور عبدالرزاق شادی عبدالرزاق
ہواؤں کا رخ