پشاور کے قصہ خوانی بازار کے تاجروں کی مہنگائی کیخلاف دہائی، کاروبار کی تباہی کا شکوہ
اشاعت کی تاریخ: 20th, June 2025 GMT
پشاور(نیوز ڈیسک)پشاور کے تاریخی تجارتی مرکز قصہ خوانی کے تاجر بھی مہنگائی کی دہائی دینے لگے۔۔ کہتے ہیں کہ یوٹیلٹی بلز اور بجٹ میں تجویز نئے ٹیکس کاروبار کی مزید تباہی کا سبب بنیں گے۔
پشاور کے تاریخی تجارتی مرکز، قصہ خوانی بازار کے تاجروں نے مہنگائی اور نئے ٹیکسوں کے بڑھتے ہوئے بوجھ پر شدید تحفظات کا اظہار کیا ہے۔ تاجروں کا کہنا ہے کہ یوٹیلٹی بلز اور بجٹ میں تجویز کردہ نئے ٹیکس کاروبار کی مزید تباہی کا سبب بنیں گے۔
پشاور سے لائبہ حسن کی رپورٹ کے مطابق، قصہ خوانی بازار کے تاجر اس بات پر گلہ کرتے ہیں کہ وہ دور گزر چکا جب ان کا کاروبار عروج پر تھا، اور اب صورتحال یہ ہے کہ کاروبار تیزی سے تباہ ہو رہا ہے۔ ان کا کہنا ہے کہ نہ صرف لوگوں کے پاس خریداری کے لیے وقت ہے، بلکہ نہ ہی اتنا پیسہ کہ وہ قصہ خوانی کا رخ کریں۔
ایک تاجر نے فریاد کی کہ حکومت نے حالیہ بجٹ میں تاجروں کے لیے کوئی فائدہ نہیں رکھا۔ ”ہمارے پاس سیلز مینوں کو تنخواہ دینے کے لیے پیسے نہیں ہیں، اور یوٹیلٹی بلز بھی ادا کرنا مشکل ہو گیا ہے۔ بجلی کا بل اگر 3 ہزار ہوتا ہے تو نئے ٹیکسوں کے باعث وہ 20 ہزار تک پہنچ جاتا ہے۔“
تاجروں نے حکومت سے مطالبہ کیا ہے کہ وہ دیگر ممالک کی طرح صوبائی حکومتوں کی طرح کاروباری طبقے کی قدر کرے اور کاروبار کو آسان بنانے کے لیے اقدامات کرے۔
مزیدپڑھیں:پاکستان میں سونے کی قیمت میں بڑی کمی، نئی قیمت کیا ہوگئی؟
ذریعہ
ذریعہ: Daily Ausaf
پڑھیں:
پشاور: پسند کی شادی کیلئے گھر سے نکلنے والی لڑکی اور لڑکا قتل
— فائل فوٹوپشاور میں تھانہ خزانہ کی حدود میں لڑکی اور لڑکے کے قتل کی 2 الگ الگ ایف آئی آر درج کر لی گئیں۔
پولیس کے مطابق لڑکی پسند کی شادی کے لیے گھر سے نکلی تھی، تاہم لڑکے کے گھر والوں نے لڑکی کو واپس اس کے گھر چھوڑ دیا۔
ملزمان مقتولین کے دو بچے اور گاڑی بھی ساتھ لے گئے تھے۔
پولیس کا کہنا ہے کہ لڑکی کے بھائیوں نے لڑکے کو اغوا کے بعد قتل کیا جبکہ ملزمان کے گھر سے لڑکی کی لاش ملی۔
فرار ملزمان کی تلاش کے لیے پولیس کی کوششیں جاری ہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ