پاکستانی مسافروں کیلئے آرام دہ سفر میں اضافہ
اشاعت کی تاریخ: 21st, June 2025 GMT
data-id="863a0a8" data-element_type="widget" data-widget_type="theme-post-content.default">
کراچی( کامرس رپورٹر) سعودی عرب کی قومی فضائی کمپنی، سعودیہ کو پیرس ایئر شو 2025 کے 55ویں ایڈیشن میں منعقد ہونے والے اسکائی ٹریکس ورلڈ ایئر لائن ایوارڈز2025 میں ”بہترین ایئر لائن اسٹاف سروس” کے اعزاز سے نوازاگیا ہے۔ ایئر لائن عالمی اسکائی ٹریکس کی درجہ بندی میں بھی تین درجے اوپر رہی، اوردنیا بھر میں لاکھوں مسافروں پر مشتمل ایک جامع ووٹنگ کے عمل کے بعد دنیا کی بہترین ایئر لائنز میں 17 واں مقام حاصل کیا۔لاکھوں پاکستانی مسافروں کے لیے جو حج، عمرہ، ملازمت اور کاروبار کے سلسلے میں سعودی عرب کا سفر کرتے ہیں، یہ اعتراف سفر کے معیار میں ایک اہم بہتری کی نشاندہی کرتا ہے۔ سعودی ایئرلائن (سعودیہ) کی جانب سے کراچی، لاہور، اسلام آباد اور ملتان جیسے بڑے پاکستانی شہروں کو مملکت کے اہم مقامات سے جوڑنے والی باقاعدہ پروازوں کے ذریعے بہتر اسٹاف سروس پاکستانی مسافروں کے تجربے کو براہِ راست فائدہ پہنچاتی ہے۔یہ اعزاز مسافروں کے سفر کے ہر لمحے کو بہتر بنانے کیلئے سعودیہ کی ٹیم کی غیر معمولی کاوشوں کی عکاسی کرتا ہے ۔گراؤنڈ سروسز سے لے کر جہاز تک مہمان نوازی کے اس عمل نے مسافروں اور خاص کر پاکستانی مسافروں کے اطمینان اورخدمات کے معیار میںمزید اضافہ کیا ہے۔سعودیہ نے حالیہ برسوں میں قابل ذکر ترقی کا مظاہرہ کیا ہے، جو 2016 میں 82 ویں نمبر سے بڑھ کر 2024 میں 20 ویں نمبر پر آ ئی، اور اب 2025 میں 17 ویں نمبر پر موجود ہے۔
.ذریعہ: Jasarat News
کلیدی لفظ: پاکستانی مسافروں مسافروں کے
پڑھیں:
پی آئی اے کی خریداری میں متعدد اداروں کی دلچسپی
data-id="863a0a8" data-element_type="widget" data-widget_type="theme-post-content.default">
کراچی(کامرس رپورٹر)پاکستان انٹرنیشنل ایئر لائن کی فروخت میں متعدد اداروں نے دلچسپی ظاہر کی ہے۔ دلچسپی ظاہر کرنے والوں میں ایئر بلیو لمیٹڈ اور معروف سفری و سیاحتی گروپ جیریز گروپ شامل ہیں۔رپورٹ کے مطابق ایئر بلیو کے منیجنگ ڈائریکٹر اسلم چوہدری اور جیریز گروپ کے منیجنگ ڈائریکٹر اکرم ولی محمد نے اس بات کی تصدیق کی ہے کہ وہ پی آئی اے کے 51 سے 100 فیصد حصص کی ممکنہ خریداری کے عمل میں حصہ لینے کا ارادہ رکھتے ہیں۔اس کے علاوہ معروف کاروباری شخصیات محمد علی ٹبہ اور عارف حبیب نے بھی پی آئی اے کی خریداری کے لیے علیحدہ علیحدہ کنسورشیم قائم کرلیے ہیں۔رپورٹ کے مطابق پاکستان کے ایک اور نمایاں کاروباری ادارے یونس برادرز گروپ نے بھی بولی میں حصہ لینے کا فیصلہ کیا ہے، جو میگا گروپ، کوہاٹ سیمنٹ کمپنی اور میٹرو گروپ پر مشتمل کنسورشیم کے ساتھ اس عمل میں شریک ہے۔پی آئی اے میں 100 فیصد حصص تک کی فروخت کے لیے ایکسپریشن آف انٹرسٹ (ای او آئی) جمع کروانے کی19 جون کو آضری تاریخ تھی ۔
حکومت پاکستان ایران کو ہر قسم کی دفاعی مدد فراہم کرے، جماعت اسلامی