data-id="863a0a8" data-element_type="widget" data-widget_type="theme-post-content.default">
پروفیسر شاداب احمد صدیقی
بھارتی ریاست گجرات میں احمد آباد ائر پورٹ کے قریب برطانیہ کے شہر لندن کے لیے اُڑان بھرنے والا ائر انڈیا کا مسافر طیارہ کالج ہاسٹل پر گر کر تباہ ہوگیا، حادثے میں 242 مسافروں میں سے 241 ہلاک ہوگئے جبکہ صرف ایک مسافر زندہ بچا، پولیس کے ڈپٹی کمشنر کنان ڈیسائی کے مطابق مجموعی طور پر حادثے میں 265 افراد ہلاک اور متعدد زخمی ہوگئے، کئی زخمیوں کو قریبی اسپتال منتقل کردیا گیا، طیارہ اس وقت ڈاکٹرز کے رہائشی کمپلیکس میں جاگھسا جب لوگ دوپہر کا کھانا کھا رہے تھے۔ حکام کے مطابق ہاسٹل میں موجود میڈیکل کے تمام طلبہ کو بھی اسپتال منتقل کردیا گیا ہے، بھارتی میڈیا نے میڈیکل کے 5 طلبہ کے ہلاک ہونے کی بھی تصدیق کی ہے، طیارے میں 242 افراد سوار میں دو نوازائیدہ سمیت 11 بچے بھی تھے، ائر انڈیا کے مطابق ہلاک ہونے والوں میں 169 بھارتی شہری، 53 برطانوی، 7 پرتگالی اور ایک کینیڈین شہری شامل ہیں، مسافروں میں سابق وزیراعلیٰ گجرات وجے روپانی بھی شامل ہیں۔ اس سے قبل بنگلور میں آئی پی ایل کی جیت کے جشن میں بھگدڑ، 11 افراد ہلاک، 50 سے زائد زخمی ہوئے۔
جنگ کے بعد بھارت اور پنوتی مودی کے خراب دن چل رہے ہیں۔ جہاز کے حادثے سے مودی کی کمر ٹوٹ گئی ہے اتنی بڑی ہلاکت کے بعد بھی جنگ کا سوچنا بربادی کے سوا کچھ نہیں ہے۔ پاکستان نے انڈیا کے جوابی حملہ میں پہلے ہی بھارت کو معاشی، سفارتی اور عسکری نقصان پہنچایا ہے۔ جنگ کے بعد بھارت عالمی سطح پر تنہا رہ گیا ہے اس کے دوست ممالک بھی اس کا ساتھ چھوڑ گئے۔
باغباں نے آگ دی جب آشیانے کو مرے
جن پہ تکیہ تھا وہی پتے ہوا دینے لگے
پاکستانی عوام نے 6 رافیل تباہ ہونے اور جیت کا جشن منایا لیکن بھارت کے ایک مسافر طیارے کی تباہی پر افسردہ ہیں۔ نفرت بھارت سے نہیں جارحیت سے ہے۔ محبت فقط انسانیت سے ہے جبکہ بھارت میں انسانیت ختم ہو گئی ہے جس کی واضح مثال مودی نے انڈیا کے مسلمانوں کے ساتھ ظلم کی انتہا کی اور گجرات کا قصاب کہلایا۔ مودی کا تکبر غرور گھمنڈ اور طاقت کے نشے میں مدہوش اکھنڈ بھارت کا خواب دیکھنے والے نے پہل گام میں پہلے اپنے ہی شہریوں کو قتل کروایا اور اس واقعہ کا الزام ہمیشہ کی طرح پاکستان پر مسلط کر دیا۔ اس کو جواز بنا کر پاکستان میں بھارت نے بزدلانہ حملہ کرتے ہوئے پاکستان کے شہر مرید کے میں واقع ایک مسجد کو نشانہ بنایا تھا۔ بھارت کی جانب سے بزدلانہ کارروائی میں شہید کی جانے والی مریدکے کی مسجد میں نمازیوں کی بڑی تعداد نماز فجر کی ادائیگی کے لیے جمع ہوئی۔ بھارتی فوج نے رات کی تاریکی میں بزدلانہ حملہ کرتے ہوئے آزاد کشمیر کے علاقوں کوٹلی، مظفر آباد اور باغ کے علاوہ مریدکے اور احمد پور شرقیہ میں شہری آبادی کو نشانہ بنایا جس میں 2 مساجد بھی شہید ہوئیں۔ بھارت کے حملوں کے نتیجے میں 2 بچوں سمیت 26 پاکستانی شہید اور 46 افراد زخمی ہوئے۔
معصوم بیگناہ بچوں اور شہریوں کو شہید کر کے ظالم مودی نے اللہ کے غضب اور قہر کو للکارا۔ بھارت میں ہندوتوا سوچ رکھنے والے دہشت گردوں نے مساجد کو شہید کر دیا۔ بی جے پی کی حکومت کے دوران بہت سارے مسلمانوں کو قتل کیا جاتا رہا۔ بھارت اقلیتوں بالخصوص مسلمانوں کے حقوق کے تحفظ کی ناکامی میں سرِ فہرست ہے، مودی انسانیت کا قاتل ہے، اس کے ہاتھ بیگناہ شہریوں کے خون سے رنگے ہوئے ہیں۔
ظلم پھر ظلم ہے بڑھتا ہے تو مٹ جاتا ہے
خون پھر خون ہے ٹپکے گا تو جم جائے گا
بھارت میں مودی دور میں جتنے بھی فالس فلیگ آپریشن، دہشت گردی کے حملے ہوئے وہ خود مودی اور اس کے حواریوں نے اپنے اقتدار کے حصول کے لیے کروائے۔ یہ لاشوں پر سیاست کرنے والے جابر و فاسق حکمران ٹولہ ہے۔
گزشتہ دنوں میں آرمی پبلک اسکول پر حملہ ہو، چاہے آرمی پبلک اسکول بس پر حملہ ہو، معصوم بیگناہ بچوں کو درندے صفت دہشت گردوں نے سفاکانہ شہید کر دیا اس کے علاوہ بلوچستان میں جعفر ٹرین پر حملہ ہوا معصوم شہریوں کی ہلاکت پر بھارت کے شہریوں نے خوشی کا اظہار کیا اور بھارتی کسی بھی کھلاڑی، اداکار اور سیاستدان نے اظہار افسوس نہیں کیا۔ اب حال ہی میں بھارت میں ائر انڈیا کا جہاز گر کر تباہ ہوا تو پاکستانی شہریوں سمیت ملک کے کھلاڑیوں، سیاستدانوں اور فنکاروں نے اظہار افسوس کیا۔ یہ ایک مہذب ملک کی پہچان ہے۔ مودی نے پانی بند کرنے کی دھمکی دی اس کے جواب میں پاکستان نے اپنی فضائی حدود بند کر دی جس کی وجہ سے بھارت کو کروڑوں روپے کا نقصان ہو رہا ہے۔ بھارتی فضائی کمپنیوں کو نہ صرف پروازوں میں تاخیر بلکہ ایندھن اور دیگر آپریٹنگ اخراجات میں دوگنا اضافے جیسے چیلنجز کا سامنا ہے۔ ماہرین کا کہنا ہے کہ بھارتی حکومت کی جنگ پسندی صرف ائرلائن انڈسٹری ہی نہیں بلکہ معیشت کے دیگر شعبوں کو بھی نقصان پہنچا رہی ہے، خاص طور پر کاروباری طبقہ بری طرح متاثر ہوا ہے۔ فضائی کمپنیوں کا ماننا ہے کہ اگر پاک بھارت کشیدگی کم ہوجائے اور تعلقات معمول پر آجائیں تو ایوی ایشن سیکٹر کو بڑا ریلیف مل سکتا ہے۔ تاہم کروڑوں کے نقصان کے باوجود مودی حکومت سبق سیکھنے کو تیار نہیں دکھائی دیتی۔ بھارتی حکومت نے پاک بھارت سیز فائر کو محض عارضی قرار دیا ہے۔ بھارت میں ائر انڈیا کی تباہی کے بعد وہاں شہریوں میں خوف و ہراس پھیل گیا ہے۔ جہاز کا سفر اب بھیانک خواب بن گیا ہے۔ بھارتی جہاز اور نا تجربہ کار پائلٹ دونوں ناکارہ ہیں۔
معروف امریکی تھنک ٹینک کونسل آن فارن ریلیشنز (CFR) نے ایک تہلکہ خیز رپورٹ جاری کرتے ہوئے انکشاف کیا ہے کہ جنوبی ایشیا میں بھارت کا اثر رسوخ زوال کا شکار ہو چکا ہے، جبکہ چین خطے میں مضبوط سفارتی، معاشی اور اسٹرٹیجک پوزیشن حاصل کر چکا ہے۔ سی ایف آر کی رپورٹ میں کہا گیا ہے کہ پاکستان کے ہاتھوں جنگی شکست کے بعد بھارتی وزیر اعظم نریندر مودی نہ صرف عسکری محاذ پر پسپا ہوئے بلکہ اب سفارتی محاذ پر بھی پے در پے ناکامیوں سے دوچار ہیں۔ رپورٹ میں بتایا گیا ہے کہ خطے میں بھارت کی اجارہ داری ختم ہو چکی ہے اور جنوبی ایشیائی ممالک اب نئی قیادت اور شراکت داریوں کی طرف مائل ہو چکے ہیں۔ خاص طور پر چین کی اسمارٹ ڈپلومیسی اور وسیع سرمایہ کاری نے بھارت کو بیک فٹ پر دھکیل دیا ہے۔ سی ایف آر کے مطابق بنگلا دیش، نیپال، سری لنکا اور مالدیپ جیسے بھارت کے قریبی اتحادی اب چین کے ساتھ مضبوط تعلقات قائم کر چکے ہیں۔ مالدیپ میں انڈیا آؤٹ تحریک کامیاب ہوئی اور نئی حکومت نے واضح طور پر چین سے دوستی کو ترجیح دی ہے۔ نیپال کی کمیونسٹ حکومت نے کھل کر چین کی حمایت کی اور بھارت کو نظرانداز کرنا شروع کر دیا ہے۔ سری لنکا کے نئے صدر نے چین کی معیشت کو رول ماڈل قرار دیا ہے، جو بھارت کے لیے بڑا دھچکا ہے۔ بنگلا دیش میں عوامی سطح پر بھارت مخالف جذبات میں اضافہ ہوا ہے۔ رپورٹ میں یہ بھی تسلیم کیا گیا کہ پاکستان اور چین خطے کی ابھرتی ہوئی طاقت کے طور پر نمایاں ہو رہے ہیں۔ چین کی اقتصادی سرگرمیاں اور انفرا اسٹرکچر منصوبے نے توازن قائم کر دیا ہے۔ سی ایف آر کی رپورٹ میں واضح کیا گیا ہے کہ جنوبی ایشیا میں بھارت کا غلبہ اب ماضی کا قصہ بنتا جا رہا ہے۔ چین کی حکمت عملی، سرمایہ کاری اور علاقائی اتحادوں نے مودی حکومت کی سفارتی تنہائی کو مزید گہرا کر دیا ہے۔
.ذریعہ: Jasarat News
کلیدی لفظ: بھارت میں ائر انڈیا میں بھارت رپورٹ میں کے مطابق بھارت کو بھارت کے چین کی کے بعد دیا ہے گیا ہے کر دیا کے لیے
پڑھیں:
نریندر مودی پر اب کون اور کیسے بھروسہ کرے گا، سنجے راوت
شیو سینا کے لیڈر نے کہا کہ ٹرمپ بارہا یہ دعویٰ کرچکے ہیں کہ امریکہ نے حالیہ دشمنی کے دوران بھارت پاکستان کے تنازع میں ثالثی کرکے جنگ روکی تھی لیکن بھارت بارہا اس دعوے کی تردید کرتا رہا ہے۔ اسلام ٹائمز۔ شیو سینا کے لیڈر سنجے راوت نے نریندر مودی پر طنز کرتے ہوئے کہا کہ اگر ڈونلڈ ٹرمپ کہہ دیں کہ جنگ انہوں نے نہیں رکوائی تھی اور وہ اپنے الفاظ واپس لے رہے ہیں۔ انہوں نے کہا کہ ورنہ اب مودی جو کہہ رہے ہیں، اس پر کون او کیسے یقین کرے گا۔ کینیڈا میں G-7 سربراہی اجلاس کے دوران بھارتی وزیراعظم نریندر مودی نے ٹرمپ کے ساتھ ٹیلی فون پر بات چیت کی۔ اس اجلاس میں وزیر اعظم اپنے کینیڈین ہم منصب مارک کارنی کی دعوت پر شامل ہوئے تھے۔ سنجے راوت نے کہا کہ بات چیت میں نریندر مودی نے کہا کہ بھارت نے کبھی ثالثی کو قبول نہیں کیا اور نہ کبھی ایسا کرے گا۔ بھارت اس پر قائم ہے اور اپنے موقف سے کبھی پیچھے نہیں ہٹے گا۔ سنجے راوت نے کہا کہ مودی کے لوگ یہ کہہ رہے ہیں لیکن صدر ٹرمپ کو اس کے بارے میں ٹویٹ کرنا چاہیئے اور کہنا چاہیئے کہ وہ اپنے الفاظ واپس لیتے ہیں۔ انہوں نے کہا کہ وہ 17 بار کہہ چکے ہیں کہ میں نے (بھارت اور پاکستان کے درمیان) ثالثی کی ہے۔ سنجے راوت نے کہا کہ اب نریندر مودی جو کہہ رہے ہیں اس پر کون یقین کرے گا۔ انہوں نے کہا کہ صدر ٹرمپ بارہا یہ دعویٰ کر چکے ہیں کہ امریکہ نے حالیہ دشمنی کے دوران بھارت پاکستان کے تنازع میں ثالثی کر کے جنگ روکی تھی لیکن بھارت بارہا اس دعوے کی تردید کرتا رہا ہے۔
انہوں نے کہا کہ نریندر مودی نے صدر ٹرمپ پر واضح کر دیا کہ اس پوری کہانی کے دوران ہندوستان اور پاکستان کے درمیان ہندوستان امریکہ تجارتی معاہدہ یا امریکہ کی ثالثی جیسے مسائل پر کسی بھی سطح پر بات نہیں کی گئی۔ انہوں نے کہا کہ فوجی کارروائی روکنے پر دونوں فوجوں کے موجودہ چینلز کے ذریعے ہندوستان اور پاکستان کے درمیان براہ راست بات چیت ہوئی اور یہ پاکستان کی درخواست پر کیا گیا۔ انہوں نے کہا کہ مودی نے زور دے کر کہا کہ ہندوستان نے کبھی ثالثی کو قبول نہیں کیا اور نہ ہی کبھی قبول کرے گا۔ نریندر مودی پر تنقید کرتے ہوئے کانگریس کے لیڈر جے رام رمیش نے زور دے کر کہا کہ ہندوستان کی خارجہ پالیسی اور سفارت کاری کو سخت دھچکا لگا ہے۔ مودی اور ڈونلڈ ٹرمپ کے درمیان ٹیلی فون پر بات چیت کے معاملے پر رمیش نے زور دے کر کہا کہ پاکستان کے فیلڈ مارشل عاصم منیر، جن کے "اشتعال انگیز" تبصرے پہلگام دہشت گردانہ حملوں سے براہ راست منسلک ہیں، کو صدر ٹرمپ کے ساتھ خصوصی ون آن ون لنچ کے لئے مدعو کیا گیا ہے۔ جے رام رمیش نے کہا کہ یہ بھارتی سفارتکاری پر کاری ضرب ہے اور حکومت اس معاملے پر خاموش ہے۔
وزیراعظم کا ایرانی صدر سے رابطہ، اسرائیلی جارحیت کیخلاف ایران کی مکمل حمایت اور یکجہتی کا اظہار