وزیراعلیٰ پنجاب کے صوبہ بھر میں مفت تعلیم کے ذریعے مزدوروں کے بچوں کو بااختیار بنانے کے اقدام قابل تحسین ہیں، عوامی رائے
اشاعت کی تاریخ: 21st, June 2025 GMT
اسلام آباد (اُردو پوائنٹ اخبارتازہ ترین - اے پی پی۔ 21 جون2025ء) پنجاب کے عوام نے وزیر اعلیٰ پنجاب مریم نواز کے مزدوروں کے بچوں کو مفت تعلیم فراہم کرنے کے تاریخی اقدام کو سراہتے ہوئے کہا ہے کہ اس سے آئندہ نسل کو بااختیار بنانے اور صوبے میں شرح تعلیم کو فروغ حاصل ہو گا۔ پی ٹی وی نیوز چینل سے گفتگو کرتے ہوئے شہریوں نے وزیر اعلیٰ مریم نواز کی قیادت پر اعتماد کا اظہار کیا اور مفت تعلیم فراہم کرنے کے اقدام کو سراہتے ہوئے کہا کہ اس سے مزدوروں کے بچے مستفید ہوں گے۔
کامسیٹس یونیورسٹی کے پروفیسر ڈاکٹر سرفراز احمد نے اپنے ریمارکس میں کہا کہ ورکرز کے بچوں کی مفت تعلیم کا پروگرام مستحق طلباء کو یونیورسٹی کے سات کیمپسز میں سے کسی ایک میں بھی داخلہ حاصل کرنے کے قابل بنائے گا، پنجاب حکومت ان کے تعلیمی اخراجات برداشت کرے گی جس سے پسماندہ افراد کے بچوں کے لیے معیاری تعلیم کے دروازے کھلیں گے۔(جاری ہے)
انہوں نے مزید کہا کہ مزدوروں کے بچوں کے لیے بھی ایک مخصوص کوٹہ مختص کیا گیا ہے جو اس بات کو یقینی بنائے گا کہ ان کے لیے مخصوص نشستیں ہوں اور اعلیٰ تعلیم اور سماجی ترقی کے یکساں مواقع فراہم کیے جائیں۔ ایک طالب علم فردوس جمال نے پرجوش انداز میں کہا کہ یہ اقدام لاکھوں غریب بچوں کے لیے گیم چینجر ثابت ہو گا، جنہیں اب مفت تعلیم حاصل کرنے کا موقع ملے گا، وہ غربت سے نکلنے اور ایک روشن مستقبل کے لیے بااختیار ہوں گے۔ ایک مزدور عبدالجبار نے بھی اظہار تشکر کرتے ہوئے کہا کہ یہ اقدام ان کے اور ان کے ساتھی کارکنوں کے لیے ایک نعمت ثابت ہو گا کیونکہ ہمارے بچوں کو اب بغیر کسی مالی بوجھ کے معیاری تعلیم تک رسائی حاصل ہو گی جس سے آنے والی نسلوں کے بہتر مستقبل اور روشن امکانات کی راہ ہموار ہو گی۔ ایک اور طالب علم احتشام نے بھی اسی طرح کے جذبات کا اظہار کیا اور کہا کہ مفت تعلیم کا پروگرام نہ صرف مزدوروں کے بچوں کو فائدہ دے گا بلکہ معاشرے میں ایک مثبت تبدیلی بھی لائے گا جس سے پسماندہ افراد بھی ملک کی ترقی میں اپنا حصہ ڈال سکیں گے۔.
ذریعہ
ذریعہ: UrduPoint
کلیدی لفظ: تلاش کیجئے مزدوروں کے بچوں مفت تعلیم بچوں کو کہا کہ کے لیے
پڑھیں:
ٹیسلا نے بچوں کے لیے نئی بیلنس بائیک متعارف کرا دی، قیمت کتنی ہے؟
اسلام آباد: معروف امریکی الیکٹرک گاڑیاں بنانے والی کمپنی ٹیسلا نے 2 سے 5 سال عمر کے بچوں کے لیے نئی بیلنس بائیک متعارف کرا دی ہے، جسے جدید ڈیزائن اور ہلکے وزن کے ساتھ تیار کیا گیا ہے۔
کمپنی کے مطابق یہ ٹیسلا بچوں کی بیلنس بائیک مضبوط مگر ہلکے میگنیشیم فریم پر مشتمل ہے، جبکہ اس میں بچوں کی سہولت کے لیے ایڈجسٹ ہونے والی نشست بھی دی گئی ہے۔ بائیک کے سائیڈ پر ٹیسلا کا نام اور سامنے نمایاں T لوگو بھی موجود ہے۔
یہ بائیک روایتی سائیکل سے مختلف ہے کیونکہ اس میں نہ پیڈل موجود ہیں، نہ موٹر اور نہ ہی بریک۔ بچے اپنے پیروں کی مدد سے اسے چلاتے ہیں، جس سے ان میں توازن برقرار رکھنے اور سائیکل چلانے کی بنیادی مہارت پیدا کرنے میں مدد ملتی ہے۔
کمپنی نے اس منفرد بائیک کی قیمت 225 امریکی ڈالر مقرر کی ہے، جو عام بیلنس بائیکس کے مقابلے میں زیادہ ہے، کیونکہ مارکیٹ میں ایسی بیشتر بائیکس تقریباً 100 ڈالر میں دستیاب ہوتی ہیں۔
قیمت نسبتاً زیادہ ہونے کے باوجود یہ بائیک فروخت کے آغاز کے فوراً بعد آؤٹ آف اسٹاک ہو گئی، جس سے صارفین کی غیر معمولی دلچسپی ظاہر ہوتی ہے۔
ٹیسلا کے مطابق نئی کھیپ کے لیے 31 جولائی سے پری آرڈر دوبارہ شروع کیے جائیں گے۔
کمپنی کا کہنا ہے کہ یہ بائیک 2 سے 5 سال عمر کے بچوں کے لیے موزوں ہے۔ اس کے استعمال کے لیے بچے کی ٹانگ کی کم از کم لمبائی 13.7 انچ (35 سینٹی میٹر) ہونی چاہیے، جبکہ تجویز کردہ زیادہ سے زیادہ وزن 30 کلوگرام اور قابل برداشت زیادہ سے زیادہ وزن 35 کلوگرام رکھا گیا ہے۔
ٹیسلا نے یہ بھی بتایا کہ بائیک کی اسمبلنگ کے لیے درکار تمام ضروری اوزار پیکج میں شامل ہوں گے، جبکہ صارفین کو مکمل ہدایات پر مشتمل استعمال کا کتابچہ بھی فراہم کیا جائے گا۔
ماہرین کے مطابق بچوں کی مصنوعات کی مارکیٹ میں ٹیسلا کی یہ نئی پیشکش کمپنی کی برانڈ توسیع کی حکمت عملی کا حصہ ہے، جس کے ذریعے وہ گاڑیوں کے علاوہ دیگر صارفین کی مصنوعات میں بھی اپنی موجودگی مضبوط بنا رہی ہے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی