ایشیائی 6 ریڈ اسنوکر چیمپئن شپ: پاکستانی کھلاڑیوں کا شاندار کارکردگی کے ساتھ آغاز
اشاعت کی تاریخ: 22nd, June 2025 GMT
ایشیائی 6 ریڈ اسنوکر چیمپئن شپ میں دفاعی چیمپئن اویس منیر نے اپنے ٹائٹل کا دفاع کرتے ہوئے پہلے دن 2 شاندار کامیابیوں کے ساتھ پری کوارٹر فائنل کے لئے کوالیفائی کرلیا ہے۔
سری لنکا کے شہر کولمبو میں منعقدہ اس ایونٹ میں اویس منیر نے اپنے گروپ کے 3 مقابلوں میں سے 2 جیتے، جبکہ پاکستان کے محمد آصف اور محمد ساجد نے بھی اپنے اپنے مقابلے جیت کر ایونٹ کے اگلے مراحل کے لیے کوالیفائی کرلیا۔
یہ بھی پڑھیے؛ اسنوکر ٹورنامنٹ، پاکستان نے بھارت کو دھول چٹادی
گروپ اے میں اپنے پہلے مقابلے میں اویس منیر نے مکاو کے چی کن چان کو 2-4 سے شکست دی، اس مقابلے میں ان کے جیت کا اسکور 1-53، 41-11، 38-6، 9-38، 49-0 اور 57-0 رہا۔ انہوں نے آخری فریم میں 52 پوائنٹ کا بریک بنایا۔
اس کے بعد انہوں نے اپنی برتری برقرار رکھتے ہوئے بنگلہ دیش کے ضیاء الرحمان آزاد کو 75 پوائنٹ کے ساتھ شکست دی جس میں ان کا فریم اسکور 65-0، 47-17، 59-8، اور 75-0 تھا۔
دوسری طرف آئی بی ایس ایف ورلڈ چیمپئن محمد آصف نے کمبوڈیا کے نینگ ٹولا کو 1-4 سے شکست دی، اس میچ میں ان کے فریم اسکورز 37-17، 47-0، 9-59، 44-0، اور 39-9 تھے۔
پاکستان کے محمد ساجد نے بھی زبردست کارکردگی کا مظاہرہ کیا اور مدمقابل بحرین کے خلیل بوآصف کو 4-0 سے شکست دی، ان کے فریم اسکورز 46-15، 34-21، 48-17، 46-13 رہے۔
پری کوارٹر فائنل میں اویس منیر کا مقابلہ بھارت کے پشوپندر سنگھ کے ساتھ ہوگا جبکہ آصف اور ساجد اپنے گروپ مرحلے کی مزید 2 میچز کھیلیں گے۔
یاد رہے کہ اویس منیر نے حال ہی میں ریاض، سعودی عرب میں 2 جولائی 2024 کو ہونے والے ایشیائی سکس ریڈ اسنوکر چیمپئن شپ جیتی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.ذریعہ: WE News
پڑھیں:
ایرانی حملوں کا مقصد اسرائیل کو تباہ کرنا ہے‘صیہونی کابینہ کو بریفنگ