محمد سلیم کی بیوہ کو واجبات کی ادائیگی کا حکم
اشاعت کی تاریخ: 23rd, June 2025 GMT
data-id="863a0a8" data-element_type="widget" data-widget_type="theme-post-content.default">
داتا کیمیکل کمپنی سائٹ کراچی کے محمد سلیم نے ملازمت سے برطرفی کے بعد کمشنر ورکمین کمپنسیشن اینڈ اتھارٹی انڈر پیمنٹ ایکٹ ویسٹ ڈویژن کراچی کی عدالت سے رجوع کیا۔ دوران سماعت محمد سلیم کا انتقال ہوگیا اور
محمد سلیم کی بیوہ نے پیروی جاری رکھی۔ عدالت نے محمد سلیم کی بیوہ کے نمائندے کے دلائل سے اتفاق کرتے ہوئے محمد سلیم کی بیوہ کو محمد سلیم کا جائز وارث تسلیم کرتے ہوئے محمد سلیم کی بیوہ کو واجبات کی ادائیگی کا حکم جاری کردیا۔ محمد سلیم کی بیوہ کی پیروی نیشنل لیبر فیڈریشن سندھ کے اشتیاق احمد خان نے کی۔ نشینل لیبر فیڈریشن سندھ کے صدر شکیل احمد شیخ نے عدالتی حکم کا خیر مقدم کرتے ہوئے اسے مظلوم کی جیت قرار دیا ہے اور اس عزم کا اظہار کیا کہ نیشنل لیبر فیڈریشن اس ہی طرح محنت کشوں کے حقوق کا تحفظ کرتی رہے گی۔
ذریعہ: Jasarat News
پڑھیں:
محض سیاسی نظریات کی بنیاد پر قید کرنا آئین کی توہین ہے، خوشحال کاکڑ
کوئٹہ میں جلسے سے خطاب کرتے ہوئے خوشحال خان کاکڑ نے بانی پی ٹی آئی کی رہائی کا مطالبہ اور مائنز اینڈ منرلز بل کو مسترد کیا۔ اسلام ٹائمز۔ پختونخوا نیشنل عوامی پارٹی کے چیئرمین خوشحال خان کاکڑ نے تحریک انصاف کے بانی عمران خان کی رہائی کا مطالبہ کرتے ہوئے کہا ہے کہ سیاسی رہنماؤں کو قید میں رکھنا جمہوریت کے اصولوں کے خلاف ہے۔ انہوں نے مائنز اینڈ منرل ایکٹ کو بھی مکمل طور پر مسترد کرتے ہوئے کہا کہ یہ قانون بلوچستان کے وسائل پر وفاقی کنٹرول کی کوشش ہے، جسے کسی صورت قبول نہیں کیا جائے گا۔ ان خیالات کا اظہار انہوں نے کوئٹہ میں عثمان خان کاکڑ کی چوتھی برسی کے موقع پر عوامی جلسے سے خطاب کرتے ہوئے کیا۔ انہوں نے کہا کہ اختلاف رائے جمہوری معاشروں کی بنیاد ہے اور کسی بھی سیاسی رہنماء کو محض سیاسی نظریات کی بنیاد پر قید کرنا نہ صرف آئین کی توہین ہے، بلکہ سیاسی انتقام کی بدترین مثال ہے۔
خوشحال کاکڑ کا کہنا تھا کہ عمران خان کی رہائی انصاف اور جمہوری استحکام دونوں کے لئے ناگزیر ہے، جبکہ مائنز اینڈ منرل ایکٹ بلوچستان کے عوام کو ان کے قدرتی وسائل سے محروم کرنے کی سازش ہے۔ انہوں نے کہا کہ اس قانون کے ذریعے مقامی آبادی کو ترقی کے ثمرات سے محروم رکھا جا رہا ہے، جو کہ قابل مذمت ہے۔ انہوں نے عثمان کاکڑ کو خراجِ عقیدت پیش کرتے ہوئے کہا کہ وہ عوام کے آئینی، جمہوری اور معاشی حقوق کے بے باک ترجمان تھے اور ان کی جدوجہد ہمارے لئے مشعل راہ ہے۔ جلسے میں پارٹی کے دیگر قائدین، کارکنان، سول سوسائٹی کے نمائندے اور شہریوں کی بڑی تعداد نے شرکت کی۔ مقررین نے عثمان کاکڑ کی عوامی خدمات پر انہیں بھرپور خراجِ تحسین پیش کیا اور ان کے مشن کو جاری رکھنے کے عزم کا اظہار کیا۔
پاکستانی فوج کے سربراہ پر کانگریس کا بیان، بی جے پی برہم کیوں؟