وزیراعظم کی زیر صدارت قومی سلامتی کمیٹی کا اجلاس، ایران پر حملے کے بعد کی صورتحال پر غور
اشاعت کی تاریخ: 23rd, June 2025 GMT
data-id="863a0a8" data-element_type="widget" data-widget_type="theme-post-content.default">
وزیراعظم شہباز شریف کی سربراہی میں قومی سلامتی کمیٹی کا اہم اجلاس اسلام آباد میں جاری ہے، جس میں ملک کی اعلیٰ عسکری قیادت، وفاقی وزرا اور حساس اداروں کے سربراہان شریک ہیں۔
ذرائع کے مطابق اجلاس میں مشرقِ وسطیٰ میں اسرائیل اور ایران کے درمیان جاری کشیدگی اور اس کے خطے پر ممکنہ اثرات پر تفصیلی غور کیا جا رہا ہے۔ کمیٹی امریکی حملے کے بعد پیدا ہونے والی صورتحال کا بھی جائزہ لے رہی ہے، جس کے باعث عالمی اور علاقائی سطح پر تناؤ میں اضافہ دیکھا گیا ہے۔
اجلاس میں ملک کی اندرونی و بیرونی سلامتی، سرحدی صورتحال، اور قومی سلامتی کے دیگر پہلوؤں پر بھی بریفنگ دی جا رہی ہے، جبکہ خطے میں بڑھتی ہوئی غیر یقینی صورتحال کے تناظر میں پاکستان کی پالیسی پر اہم فیصلے کیے جانے کا امکان ہے۔
ذرائع کا کہنا ہے کہ قومی سلامتی کمیٹی خطے میں جاری بحران کے پیش نظر اپنی حکمت عملی میں ممکنہ رد و بدل پر بھی غور کرے گی۔
.
ذریعہ
ذریعہ: Jasarat News
کلیدی لفظ: قومی سلامتی
پڑھیں:
اسحاق ڈار ایس سی او وزرائے خارجہ اجلاس کیلئے کرغزستان پہنچ گئے
دفتر خارجہ کے ترجمان کے مطابق نائب وزیراعظم ایس سی او وزرائے خارجہ کے غیر رسمی عشائیے میں شرکت کریں گے اور رکن ممالک کے اپنے ہم منصبوں سے باہمی دلچسپی کے امور پر تبادلہ خیال کریں گے۔ اسلام ٹائمز۔ نائب وزیراعظم اور وزیر خارجہ سینیٹر محمد اسحاق ڈار شنگھائی تعاون تنظیم (ایس سی او) کے وزرائے خارجہ کونسل کے اجلاس میں شرکت کے لیے کرغزستان کے شہر چولپون آتا پہنچ گئے۔ ترجمان دفتر خارجہ کے مطابق چولپون آتا پہنچنے پر کرغزستان کے نائب وزیر خارجہ کیرات تورسنکولوف نے نائب وزیراعظم کا استقبال کیا۔ اس موقع پر کرغزستان میں پاکستان کے سفیر التمش وزیر اور ایس سی او کے لیے قومی رابطہ کار ڈاکٹر محمد فیصل بھی موجود تھے۔ ترجمان نے بتایا کہ نائب وزیراعظم ایس سی او وزرائے خارجہ کے غیر رسمی عشائیے میں شرکت کریں گے اور رکن ممالک کے اپنے ہم منصبوں سے باہمی دلچسپی کے امور پر تبادلہ خیال کریں گے۔ دفتر خارجہ کے ترجمان کے مطابق ملاقاتوں میں کل ہونے والے ایس سی او وزرائے خارجہ کونسل کے اجلاس کے ایجنڈے پر بھی بات چیت کی جائے گی۔
پاکستان نے ورلڈ کپ 2028 کیلیے براہ راست کوالیفائی کر لیا