مشرق وسطیٰ میں جنگ کے باعث، اسٹاک مارکٹ میں 100 انڈیکس 3855 پوائنٹس گرگیا
اشاعت کی تاریخ: 23rd, June 2025 GMT
data-id="863a0a8" data-element_type="widget" data-widget_type="theme-post-content.default">
مشرق وسطیٰ میں جاری جنگی صورت حال کے پاکستان کی معیشت پر منفی اثرات نمایاں ہونے لگے ہیں، خاص طور پر اسٹاک مارکیٹ میں شدید مندی کا رجحان دیکھنے میں آیا۔
پاکستان اسٹاک ایکسچینج میں کاروباری ہفتے کے آغاز پر شدید مندی ریکارڈ کی گئی، جس کے نتیجے میں 100 انڈیکس 3855 پوائنٹس کی کمی کے بعد 116167 پوائنٹس پر بند ہوا۔
ٹریڈنگ کے دوران ایک موقع پر مارکیٹ میں 4000 سے زائد پوائنٹس کی کمی ہوئی، تاہم بعد میں معمولی ریکوری دیکھی گئی اور انڈیکس میں 500 پوائنٹس کا اضافہ ہوا۔ ماہرین کے مطابق یہ اتار چڑھاؤ سرمایہ کاروں کی بے یقینی اور مشرق وسطیٰ کی صورتحال سے پیدا ہونے والے عالمی معاشی دباؤ کی عکاسی کرتا ہے۔
حصص بازار میں کاروباری دن کے دوران 59 کروڑ شیئرز کا لین دین ہوا، جن کی مالیت 23 ارب روپے کے لگ بھگ رہی۔ یہ لین دین سرمایہ کاروں کی بڑھتی ہوئی بے چینی کے باوجود خاصا فعال رہا، تاہم بیشتر سرمایہ کار خسارے میں رہے۔
مارکیٹ کیپٹلائزیشن میں بھی نمایاں کمی دیکھنے میں آئی، جو 473 ارب روپے گھٹ کر 14063 ارب روپے پر آ گئی۔ معاشی ماہرین کا کہنا ہے کہ اگر خطے میں کشیدگی برقرار رہی تو آئندہ دنوں میں مالیاتی منڈیوں پر اس کے مزید اثرات پڑ سکتے ہیں۔
تجزیہ کاروں کا ماننا ہے کہ سرمایہ کار فی الحال محتاط رویہ اختیار کر رہے ہیں، اور کسی بھی نئی پیشرفت یا بین الاقوامی ردعمل کا انتظار کر رہے ہیں تاکہ وہ مستقبل کی سرمایہ کاری کی حکمت عملی مرتب کر سکیں۔
.
ذریعہ
ذریعہ: Jasarat News
پڑھیں:
حیسکو میں ایک ارب 6 کروڑ سے زائد کی کرپشن کا انکشاف
حیدرآباد الیکٹرک سپلائی کمپنی (حیسکو) میں تنخواہوں اور الاؤنسز کی مد میں ایک ارب 6 کروڑ سے زائد کرپشن کا انکشاف ہوا ہے۔
قومی اسمبلی کی پبلک اکاؤنٹس کمیٹی کے اجلاس میں آڈٹ حکام نے انکشاف کیا کہ حیسکو میں گھوسٹ ملازمین، ڈبل تنخواہوں کے ذریعے قومی خزانے کو نقصان پہنچایا گیا اور وفاقی تحقیقاتی ادارہ (ایف آئی اے)99 کروڑ 62 لاکھ کی مبینہ کرپشن کی تحقیقات کر رہا ہے۔
آڈٹ حکام نے مزید انکشاف کیا کہ حیسکو کی اندرونی انکوائری میں مزید 6 کروڑ 78 لاکھ روپے کی مشتبہ ادائیگیاں ہوئی ہیں۔
چیئرمین کمیٹی شاہدہ اختر کی زیرصدارت اجلاس میں ایف آئی اے حکام نے بتایا کہ اس معاملے میں ایف آئی آرز کی تعداد 5 ہوگئی تھی، 151 ملزمان تھے جن میں سے 14 کو گرفتار کیا گیا جبکہ دیگر ضمانت پر ہیں، ایک ارب روپے میں سے 13 کروڑ روپے کی ریکوری ہوئی ہے۔
رکن کمیٹی قاسم نون نے کہا کہ 13 کروڑ روپے کچھ بھی نہیں ہیں، سخت ایکشن لیا جائے، سید امین الحق نے کہا کہ گھوسٹ ملازمین کی تصدیق بھی کی گئی کہ وہ موجود ہیں۔
سینیٹر افنان اللہ خان نے کہا کہ وزارت کو چاہیے کہ وہ مداخلت کرے اور ذمہ داران کا تعین کرے۔
چیئرمین کمیٹی شاہد اختر نے کہا کہ یہ تو آڈٹ نے نشان دہی کر دی ہے، لگتا ہے کہ پاور ڈویژن کا کوئی چیک اینڈ بیلنس نہیں ہے، جس پر سی ای او حیسکو نے بتایا کہ 756 ملین روپے کی ذمہ داری بھی فکس ہو چکی ہے۔
شاہدہ اختر نے کہا کہ عدالت کے حکم تک یہ آڈٹ پیرا زیر التوا رہے گا، رکن کمیٹی سید حسین طارق نے سوال کیا کہ حیسکو میں بائیو میٹرک سسٹم کیوں نہیں ہے۔
پاکستان پیپلزپارٹی (پی پی پی) کی رکن شازیہ مری نے کہا کہ ہم ڈسکوز کو یہاں کمنٹس کے لیے نہیں احتساب کے لیے بلاتے ہیں، یہ لوگوں کو چور کہتے ہیں اور اپنی پرفارمنس کے گیت گاتے نہیں تھکتے۔
پبلک اکاؤنٹس کمیٹی نے ہدایت کی کہ 13 کروڑ روپے کی ریکوری کی آڈٹ سے تصدیق کرائی جائے، جو ریکوری رہ گئی ہے وہ معاملہ زیر التوا رہے گا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا