کراچی: سرجانی ٹاؤن میں ناراض بیوی کو منانے کے دوران شوہر نے خود پر پیٹرول چھڑک کر آگ لگالی
اشاعت کی تاریخ: 23rd, June 2025 GMT
کراچی:
سرجانی ٹاؤن کے علاقے سیکٹر فور ڈی میں گھر کے اندر خود سوزی کے واقعے میں میاں، بیوی اور ماموں جھلس کر زخمی ہوگئے جنہیں فوری طبی امداد کے لیے سول اسپتال برنس وارڈ لیجایا گیا۔
اس حوالے سے ایس ایچ او سرجانی محمد علی شاہ نے بتایا کہ واقعہ گھریلو جھگڑے کے دوران پیش آیا ہے جس میں 25 سالہ ریحان نے گھریلو جھگڑے کے دوران خود پر پیٹرول چھڑک کر خود سوزی کی تھی جس کی آگ بجھانے کے دوران اس کی اہلیہ 22 سالہ عائشہ اور خاتون کے ماموں 40 سالہ طارق بھی جھلس کر زخمی ہوگئے جبکہ جھلس کر زخمی ہونے والے ریحان کی حالت تشویشناک بتائی جاتی ہے۔
زخمی ریحان اپنی ناراض بیوی کو منانے کے لیے سسرالی رشتے دار کے گھر گیا تھا جہاں بات چیت کے دوران ہونے والی تلخ کلامی میں یہ واقعہ پیش آیا، تاہم پولیس اس حوالے سے واقعے کی مزید تحقیقات اور شواہد حاصل کر رہی ہے۔
.ذریعہ: Express News
کلیدی لفظ: کے دوران
پڑھیں:
سلمان خان چین مخالف فلم کی شوٹنگ کے دوران زخمی
بولی وڈ کے دبنگ اسٹار سلمان خان اپنی آنے والی ایکشن ڈرامہ فلم ”بیٹل آف گلوان“ کی شوٹنگ کے دوران زخمی ہوگئے۔ فلم کا پہلا مرحلہ لداخ کے برفیلے علاقوں میں فلمایا گیا، جس کے بعد اداکار ممبئی واپس پہنچ گئے ہیں جہاں وہ آئندہ شیڈول کی تیاری کریں گے۔
بھارتی میڈیا کے مطابق شوٹنگ کا پہلا شیڈول تقریباً 45 دن پر محیط تھا، جس دوران فلم کی ٹیم نے حقیقی مقامات پر مناظر عکس بند کیے۔ جبکہ سلمان خان خود 15 دن سیٹ پر موجود رہے۔ اس دوران درجہ حرارت منفی 10 ڈگری تک پہنچ جاتا تھا اور آکسیجن کی کمی کے باعث عملے کو شدید مشکلات کا سامنا کرنا پڑا۔
لداخ شوٹنگ کے ذرائع کے مطابق سلمان خان کو شوٹنگ کے دوران معمولی چوٹیں بھی آئیں، لیکن انہوں نے سخت موسمی حالات کے باوجود کام جاری رکھا۔ شوٹنگ مکمل کرنے کے بعد وہ مختصر آرام کر رہے ہیں تاکہ ممبئی شوٹنگ کے اگلے مرحلے میں بھرپور توانائی کے ساتھ شامل ہو سکیں۔
رپورٹ کے مطابق فلم کا دوسرا شیڈول اگلے ہفتے ممبئی میں شروع ہوگا، جو کہ فلم کی کہانی کا سب سے اہم حصہ تصور کیا جا رہا ہے۔ اس مرحلے میں جہاں ایکشن مناظر شامل ہوں گے، وہیں ہدایتکار اپوروا لکھیا کئی گہرے جذباتی اور ڈرامائی مناظر بھی فلم بند کریں گے۔
اداکار نے لداخ کا شیڈول مکمل کرنے کے بعد ممبئی واپسی پر اپنی ٹی وی مصروفیات بھی دوبارہ شروع کر دی ہیں۔ انہیں آج بگ باس 19 کے ویک اینڈ کا وار ایپی سوڈ میں دیکھا جائے گا۔
ہدایتکار اپوروا لکھیا کی ڈائریکشن میں بننے والی یہ فلم 2020 میں بھارت اور چین کے درمیان گلوان وادی میں ہونے والی جھڑپ پر مبنی ہے۔ فلم کی ریلیز کی تاریخ تاحال سامنے نہیں آئی، تاہم قریبی ذرائع کا کہنا ہے کہ پروڈکشن ٹیم جلد ہی اس حوالے سے باضابطہ اعلان کرے گی۔
Post Views: 1
وزیر مواصلات عبدالعلیم خان سے قازقستان کے سفیرکی ملاقات