کراچی میں 17 سالہ لڑکی بدترین تشدد کے بعد قتل، خاموشی سے تدفین کی کوشش ناکام
اشاعت کی تاریخ: 23rd, June 2025 GMT
شہر قائد کے علاقے افغان بستی میں پولیس نے خاتون کو قتل کے بعد خاموشی سے تدفین کرنے کی کوشش کو ناکام بناتے ہوئے متوفیہ کے باپ کو گرفتار کرلیا۔
ایکسپریس نیوز کے مطابق افغان بستی میں خاتون کو قتل کرنے کے بعد خاموشی سے اس کی تدفین کی جا رہی تھی کہ اطلاع ملنے پرپولیس موقع پرپہنچ گئی اورتدفین کےعمل کو ناکام بتاتے ہوئے خاتون کے والد کو گرفتارکرلیا۔
پولیس کے مطابق ہمیں اطلاع ملی تھی کہ شوہر، والد یاسین اور دیگر ملزمان نے تشدد کا نشانہ بنا کرآرام بی بی کو قتل کیا اور پھر اپنا جرم چھپانے کیلیے اُسے دفنانے کی کوشش کی۔
پولیس کے مطابق چھاپے کے دوران والد کو گرفتار کرلیا جبکہ مقتولہ کا شوہراور دیگرملزمان فرارہیں جن کی گرفتاری کی کوشش کی جا رہی ہے۔
پولیس کے مطابق واقعہ گلشن معمارتھانے کے علاقےافغان بستی افغان چوک کے قریب پیش آیا تھا جہاں گھر سے خاتون کی تشدد زادہ لاش برآمد ہوئی تھی۔
ایس ایچ اوگلشن معمارانسپکٹرغفارکورائی کے مطابق مقتولہ خاتون کی شناخت 17 سالہ آرام بی بی زوجہ محمد افغانی کے نام سے کی گئی ہے۔ مقتولہ کے ورثا خاموشی سے اسکی تدفین کرنے والے تھے ورثا نے قبربھی تیارکروالی تھی کہ پولیس نے تدفین ناکام بناتے ہوئے لاش تحویل میں لے لی۔
پولیس نے آرام بی بی کے والد کوگرفتار کرلیا ہے مقتولہ کا شوہر محمد افغانی اور دیگر فرار ہوگئے ہیں۔ ایس ایچ اونے بتایا کہ مقتولہ خاتون آرام بی بی کے جسم پرتشدد کے واضح نشانات ہیں لاش قانونی کارروائی کے لیےعباسی اسپتال منتقل کردیا گیا ہے۔
انھوں نے بتایاکہ معلوم ہواہے کہ آرام بی بی کی کم عمری میں شادی کروادی گئی تھی مقتولہ آرام بی بی ایک بچی کی ماں تھی،انھوں نے بتایا کہ خاتون کا قتل گھریلوتنازع کا شاخسانہ معلوم ہوتا ہے۔ پوسٹ مارٹم کے بعد مقدمہ درج کرکے باقاعدہ تفتیش کی جائے تاکہ حتمی وجہ قتل معلوم ہوسکے۔
ذریعہ
ذریعہ: Express News
کلیدی لفظ: کے مطابق کی کوشش کے بعد
پڑھیں:
شہید آیت اللہ خامنہ ای کی تدفین کی تیاریاں، 3 روزہ تقریبات کا اعلان
ایرانی میڈیا میں شہید آیت اللہ سید علی خامنہ ای کی تدفین سے متعلق دعؤوں کے حوالے سے نئی تفصیلات سامنے آئی ہیں، جبکہ ایرانی حکام کی جانب سے مبینہ طور پر تدفین کے انتظامات کے حوالے سے تیاریوں کا ذکر کیا گیا ہے۔ اسلام ٹائمز۔ ایرانی خبررساں ایجنسی کے مطابق تہران کے نائب میئر برائے سماجی و ثقافتی امور محمد امین توکلی زادہ نے کہا ہے کہ تدفین سے قبل 3 روزہ عوامی تقریبات کا انعقاد کیا جائے گا، جن کے دوران عوام کو عظیم شہید راہنما کو خراجِ عقیدت پیش کرنے کا موقع دیا جائے گا۔ محمد امین توکلی زادہ کے مطابق عوامی تقریبات کے اختتام پر نمازِ جنازہ ادا کی جائے گی، جس کے بعد جلوس کا آغاز ہوگا، تہران میں یہ جلوس کم از کم 24 گھنٹے تک جاری رہ سکتا ہے۔ انہوں نے مزید بتایا کہ بعد ازاں تقریبات ایران کے اہم مذہبی مراکز قم اور مشہد میں بھی جاری رہیں گی، شہید آیت اللہ سید علی خامنہ ای کی خواہشات کے مطابق تدفین مشہد میں روضۂ امام رضاؑ کے قریب کیے جانے کا امکان ہے۔
ایرانی حکام کے مطابق یہ تقریب ملک کی جدید تاریخ کے بڑے عوامی اجتماعات میں شمار ہو سکتی ہے، تہران میں انتظامات اس انداز سے کیے جا رہے ہیں کہ ایک کروڑ 50 لاکھ سے 2 کروڑ افراد تک ان تقریبات میں شرکت کر سکیں۔ ان کے مطابق انتظامات کی مجموعی نگرانی پاسدارانِ انقلاب کریں گے جبکہ بلدیاتی حکام اور دیگر ریاستی ادارے لاجسٹک اور عوامی سہولیات کی فراہمی میں معاونت کریں گے۔ تاہم ان دعؤوں اور تفصیلات کی آزاد ذرائع سے تصدیق نہیں ہو سکی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ