راولپنڈی ،سود خوروں کی شادی شدہ خاتون سے بارہا زیادتی، کروڑوں ہتھیائے ، زہر دیکر مار ڈالا
اشاعت کی تاریخ: 6th, November 2025 GMT
راولپنڈی میں سود خوروں کی شادی شدہ خاتون سے بارہا زیادتی، کروڑوں ہتھیائے ، زہر دیکر مار ڈالا
راولپنڈی (نیوز ڈیسک) انتہائی دلخراش واقعہ پیش آیا جہاں سود خوروں نے خاتون کو نہ صرف کروڑوں روپے سے محروم کیا بلکہ متعدد بار مبینہ زیادتی کا نشانہ بناکر زہر کھلا کر مار ڈالا۔
راولپنڈی کے تھانہ گوجرخان کے علاقے سٹی پیلس بابا رحیم شاہ کے علاقے میں انسانیت سوز واقعہ پیش آیا، جہاں مقامی جیولرز و فنانس بینک کے ملازم نے ساتھی کے ساتھ مل کر شادی شدہ خاتون کے کروڑوں روپے مالیت کے زیورات ہتھیا کے لین دین کے معاملے میں پھنسایا اور پھر بلیک میل کرکے متعدد بار زیادتی کا نشانہ بناکر زہریلی گولیاں کھلا دیں۔
خاتون کی پراسرار حالات میں زہر خوانی سے موت موبائل فون سے ہوشروبا انکشافات کی وڈیوز سامنے آئیں جس میں خاتون نے جیولرز اور ملزمان پر سود پر پیسے دیکر بلیک میل کرنے کا انکشاف کیا۔
پولیس نے متاثرہ خاتون کے شوہر کی مدعیت میں مقدمہ درج کرکے تفتیش شروع کردی۔
پولیس کے مطابق گوجر خان کے رہاہشی شیراز آفتاب نے پولیس کو مقدمہ درج کراتے ہوئے بتایاکہ والد ، اہلیہ اور گیارہ سالہ بیٹی ساتھ رہتے ہیں۔ طلحہ جیولرز کے مالک عدیل کو طویل عرصے سے خاندانی زیورات بنا رہا تھا اور اُس کے ساتھ ہمارے گھریلو مراسم بھی تھے۔
مدعی کے مطابق چار پانچ سال کے دوران اس نے اہلیہ سے مراسم قائم کیے، جسکا مجھے علم نہ تھا جبکہ میں گھر پر موجود تھا کہ اہلیہ کی طبیعت اچانک خراب ہوئی اور قہہ شروع کردی، جس پر پوچھا تو اس نے کہا زندہ نہیں رہنا چاہتی ہے زہر دیا گیا ہے۔
شوہر کے مطابق ریسکیو 1122 ایمبولینس بلوا کر ہسپتال منتقل کیا اس دوران اہلیہ نے بتایاکہ موبائل مین ویڈیوز موجود ہیں دیکھ لینا اور بتایاکہ طلحہ جیولرز کے عدیل نے مجھے بھلا پھسلا کر شادی والے زیورات و دیگر جو تقریبا 40 تولے بنتا ہےلے لیا اور دکان پر موسی نامی شخص سے ملایا جنہوں نے زیور لیکر تسلی دیکر فروخت کروادیا۔
’بار بار استفسار کرنے پر وہ مجھے موبی لنک فنانس بینک لے گیے اور بینک کے ملازم جوار سے ملوایا اور میرے زیورات میں کچھ زیورات جو تقریبا ڈیڑھ کروڑ روپے کے تھے جمع کروا کر میرے نام پر قرض لیا بعد ازاں گھر آگیا اور چار لاکھ روپے طلب کرکے نہ دینے کی صورت میں دھمکیاں دیں کہ پولیس کو بلوا لوں گا اور بلیک میل کرنا شروع کردیا‘۔
شوہر کے مطابق ملزمان نے دھکمی تھی کہ تمھارے خاوند کو مروا دیں گے کبھی کہتے تمیں جیل بھجوا دیں گے اور بدنام کردیں گے، ڈر خود کی وجہ سے گھر میں پڑے پرائز بانڈ اور نقدی اٹھا کر دیتی رہی جب انھیں یقین ہوگیا کہ مجھے اپنی مٹھی میں کرلیا ہے تو مختلف اوقات میں میرے ساتھ زنا بالجبر کیا اور مسلسل بلیک میل کرتے، سود اور بھتے کے نام پر رقوم ہتھیاتے رہے۔
مدعی مقدمہ نے مزید موقف اختیار کیا کہ میرے اور والد کے گھر سے کام پر جانے کے بعد وہ لوگ گھر آجاتے اور کبھی اہلیہ کو باہر بلواتے تھے۔ مدعی کے مطابق ہم لوگ کاروباری لوگ گھر میں گندم میں رکھنے والی گولیوں کی موجودگی کا سوال ہی پیدا نہیں ہوتا، عدیل ،موسی اور جواد نے اہلیہ کو بلیک میل کرکے پہلے سود اور پھر بھتہ لیتے رہے انھوں نے اہلیہ کو یا تو گولیاں لا کر دیں یا خود پلائیں اور متعدد مرتبہ زیادتی کی
اہلیہ عزت اور طلاق کے خوف کیوجہ سے خاموش رہی۔
مذکورہ افراد نے اہلیہ کو لوٹ کر زیادتی کا نشانہ بناکر قتل کردیا ہے، اہلیہ کے فون میں تمام وڈیوز موجود ہیں اور باقی باتیں اہلیہ نے مجھے بتائیں، معاشرے کے ناسوروں نے ہنستا بستا گھر اجاڑ دیا ہے۔
پولیس نے قتل اور مبینہ زیادتی کے جرم میں مقدمہ درج کرکے تفتیش شروع کردی، مقتولہ کا نزع کی حالت میں وڈیو بیان اور اس سے پہلے کا شدید کرب میں ریکارڈ کیا گیا ویڈیو بیان بھی سامنے آیا ہے۔ جس میں وہ جیولرز وغیرہ کو تمام معاملات کا زمہ دار قرار دیتی سنی و دیکھی جاسکتی ہے۔
اے ایس پی گوجر خان دانیال کاظمی کا کہنا تھا کہ مقدمہ درج کرکے تفتیش شروع کردی گی ملزمان کی گرفتاری کے لیے چھاپے جاری ہیں۔
.ذریعہ: Daily Mumtaz
کلیدی لفظ: بلیک میل کے مطابق نے اہلیہ اہلیہ کو
پڑھیں:
کراچی میں ایک اور ڈمپر نے موٹر سائیکل سواروں کو روند ڈالا، نوجوان جاں بحق
کراچی:شہر قائد میں ایک اور ڈمپر نے موٹر سائیکل سواروں کو روند ڈالا، واقعے میں ایک نوجوان جاں بحق اور دوسرا زخمی ہوگیا۔
یہ خبر بھی پڑھیں: کراچی میں دندناتے ہوئے ڈمپر نے ایک اور موٹر سائیکل سوار نوجوان کی جان لے لی
کراچی میں دندناتے بے لگام ڈمپرز کی ٹکر سے شہریوں کی ہلاکت کا سلسلہ تھم نہیں رہا۔ اس سلسلے میں تازہ واقعہ لانڈھی کے علاقے اسپتال چورنگی کے قریب پیش آیا، جہاں تیز رفتار ڈمپر نے موٹر سائیکل سواروں کو روند ڈالا۔
مزید پڑھیں: کراچی: رامسوامی حادثے کے بعد ڈمپرز ایسوسی ایشن اور شہریوں میں تصادم، لیاقت محسود کے گارڈ کی فائرنگ
حادثے میں ایک نوجوان جاں بحق اور دوسرا زخمی ہوگیا۔ ریسکیو ذرائع کے مطابق جاں بحق ہونے والے نوجوان کی شناخت 20 سالہ کاشان کے نام سے ہوئی ہے جب کہ زخمی نوجوان 19 سالہ جواد ہے۔
یہ بھی پڑھیں: کراچی؛ ڈمپرز ایسوسی ایشن کے سربراہ کیخلاف مقدمہ درج، لیاقت محسود کا سپر ہائی وے بند کرنے کا اعلان
ڈمپر سے پیش آنے والے حادثے میں جاں بحق نوجوان کی لاش اور زخمی کو جناح اسپتال منتقل کردیا گیا ہے۔
واضح رہے کہ گزشتہ روز بھی گارڈن کے علاقے رامسوامی میں ایک ڈمپر سے ٹکر کے نتیجے میں نوجوان جاں بحق ہوگیا تھا، جس کی چار ماہ قبل ہی شادی ہوئی تھی۔
سندھ میں گاڑیوں کی نمبر پلیٹس بنوانے کی تاریخ میں مزید 2 ماہ کی توسیع