(محکمہ داخلہ ) ایڈیشنل چیف سیکریٹری اقبال میمن حواس باختہ
اشاعت کی تاریخ: 24th, June 2025 GMT
زیر سماعت قیدی عمران احمد شیخ کی وزیر اعلیٰ کی اجازت کے بغیر پیرول پر رہائی
نیب سے شروع ہونے والی تحقیقات رکوادی ، ڈی جی کی عدالت عالیہ میں طلبی
محکمہ داخلہ کے ایڈیشنل چیف سیکریٹری اقبال میمن نیب سے خوفزدہ، نیب نے اقبال میمن کے خلاف انکوائری شروع کردی، اقبال میمن نے سندھ ہائی کورٹ پہنچ کر انکوائری معطل کروادی، ڈی جی نیب عدالت طلب۔ جرأت کی رپورٹ کے مطابق قومی احتساب بیورو نیب کراچی نے ایڈیشنل چیف سیکریٹری ہوم اقبال میمن پر الزام عائد کیا ہے کہ انہوں نے انڈر ٹرائل قیدی عمران احمد شیخ کو وزیراعلی سندھ کی اجازت کے علاہ پیرول پر آزاد کیا ، ڈی جی نیب کراچی نے ایڈیشنل چیف سیکریٹری ہوم اقبال میمن کو نوٹس ارسال کر کے آگاہ کیا کہ معاملے پر انکوائری کمیٹی قائم کی گئی ہے اور احتساب عدالت میں انکوائری رپورٹ جمع کروانی ہے اس لیے آپ نیب حکام کے سامنے پیش ہو کر انڈر ٹرائل قیدی عمران احمد شیخ کو پیرول پر آزاد کرنے سے متعلق ریکارڈ پیش کریں اور بیان ریکارڈ کروائیں۔ نیب کراچی کی انکوائری اور نوٹس کے بعد ایڈیشنل چیف سیکریٹری داخلہ اقبال میمن نے سندھ ہائی کورٹ میں درخواست دائر کر کے چیلینج کیا، عدالت نے اقبال میمن کے کال اپ نوٹس اور انکوائری کو معطل کرتے ہوئے ڈائریکٹر جنرل نیب، پراسیکیوٹر جنرل نیب کو25 جون بدھ کو پیش ہونے کے احکامات جاری کئے ہیں۔
.
ذریعہ
ذریعہ: Juraat
کلیدی لفظ: ایڈیشنل چیف سیکریٹری اقبال میمن
پڑھیں:
پی اے سی کی تمام ڈسکوز کے ملازمین کی تصدیق کی سفارش
فوٹو: فائلپبلک اکاؤنٹس کمیٹی (پی اے سی) نے تمام ڈسکوز کے ملازمین کی تصدیق کی سفارش کردی اور ہدایت کی ہے کہ تمام ڈسکوز ملازمین کو تنخواہوں کی ڈیجیٹل ادائیگی یقینی بنائیں۔
پی اے سی اجلاس کے دوران سیکریٹری پاور ڈویژن کا کہنا تھا کہ حکومت بجلی بنانے اور تقسیم کے کاروبار سے نکل رہی ہے۔ تین ڈسکوز کی نجکاری کیلئے معاملات حتمی مراحل میں ہیں۔
انہوں نے کہا کہ حیسکو اور سیپکو کی نجکاری کیلئے فنانشل ایڈوائزر مقرر کر رہے ہیں۔ حکومت صرف ٹیسکو اور کیسکو کو اپنے پاس رکھے گی۔ کابینہ کا فیصلہ ہے کہ ٹیسکو اور کیسکو کی نجکاری نہیں کی جائے گی۔
سیکریٹری پاور ڈویژن نے بتایا کہ 2027 کے آغاز میں تین ڈسکوز کی نجکاری مکمل ہوجائے گی۔ گیپکو، فیسکو اور آئیسکو کی نجکاری 2027 کے آغاز میں ہوجائے گی، تمام ڈسکوز کی نجکاری تیزی سے ہوگی۔
بھارت سے جنگ اور افغانستان میں کارروائی خارج ازامکان نہیں، وزیردفاع