مائنس عمران خان ہماری لاشوں سے گزر کر ہوگا، علی امین گنڈاپور کا علیمہ خان کے بیان پر ردعمل
اشاعت کی تاریخ: 24th, June 2025 GMT
وزیراعلیٰ خیبرپختونخوا علی امین گنڈاپور نے کہا ہے کہ مائنس عمران خان ہماری لاشوں سے گزر کر ہوگا۔
بانی چیئرمین پی ٹی آئی عمران خان کی ہمشیرہ علیمہ خان کے بیان ’لگتا ہے مائنس عمران خان مائنس ہو ہی گیا‘ کے رد عمل میں وزیراعلیٰ خیبرپختونخوا علی امین گنڈاپور نے کہا کہ عمران خان کے مخالفین سن لیں کہ مائنس عمران خان اس وقت ہوگا جب ہم زندہ نہیں رہیں گے۔
یہ بھی پڑھیں: ’لگتا ہے مائنس عمران ہو ہی گیا ہے‘، علیمہ خان نے بڑی بات کہہ دی
علی امین گنڈاپور نے کہا کہ ان کے ساتھ جو لوگ ملے ہوئے ہیں چاہے ہمارے اندر کے ہیں یا باہر کے وہ سن لیں کہ جب تک ہم زندہ ہیں کسی کا باپ بھی مائنس عمران خان نہیں کرسکتا۔
انہوں نے کہا کہ یہ ہرکسی کے لیے واضح پیغام ہے کہ مائنس عمران خان ہماری لاشوں سے گزر کرہوگا، یہ بات سمجھ لیں، اپنے اندر کے منافقوں کو، اپنے اندر کے سازشیوں کو اور عمران خان کے دشمنوں کو پہیچانیں، یہ آپ کو اپنے مقصد سے ہٹا کر آپ کو کنفیوز کرکے آپ کی تحریک کو، آپ کے مقصد کو، آپ کے لیڈر کی تحریک کو نقصان پہنچا رہے ہیں۔
یہ بھی پڑھیں: آڈیو لیک کیس: علی امین گنڈاپور پر فرد جرم کے لیے 2 جولائی کی تاریخ مقرر، وارنٹ گرفتاری منسوخ
یاد رہے کہ بانی پی ٹی آئی عمران خان کی ہمشیرہ علیمہ خان نے اپنے بیان میں کہا تھا کہ لگتا ہے عمران خان کو مائنس کردیا گیا ہے۔
علیمہ خان سے صحافیوں نے سوال کیا کہ کیا عمران خان کو مائنس کر دیا گیا ہے؟ جس کے جواب میں انہوں نے کہا کہ ’میرا خیال ہے کہ مائنس ہی ہو گئے ہیں‘۔
ایک صحافی نے ان سے سوال کیا کہ خیبر پختونخوا کے ایم پی اے کہتے ہیں کہ علی امین گنڈاپور بہت طاقتور ہیں ہم انہیں ’ناں‘ نہیں کہہ سکتے۔ جس کے جواب میں علیمہ خان کا کہنا تھا کہ اگر بوجھ نہیں اٹھا سکتے تو گھر جائیں۔
یہ بھی پڑھیں: اس بار ہتھیاروں کے ساتھ اڈیالہ جیل جائیں گے اور مزاحمت کریں گے، علی امین گنڈاپور
علیمہ خان نے کہاکہ ہم نے خیبرپختونخوا حکومت سے بھیک مانگی کہ اگر آپ کو عمران خان سے ملاقات کی اجازت نہیں دی جاتی تو آپ اڈیالہ جیل کے باہر آکر بیٹھ جائیں لیکن کسی نے نہیں سنی۔
انہوں نے کہاکہ ایک بندہ یہاں آکر نہیں کہتا کہ ہم نے ملاقات کرنی ہے، ہمیں تو یقین ہی نہیں آرہا کہ خیبرپختونخوا اسمبلی نے بجٹ پاس کرلیا ہے کیوں کہ علی امین نے ہم سے وعدہ کیا تھا کہ بجٹ عمران خان سے مشاورت کے بعد پاس ہوگا۔
ان کا مزید کہنا تھا کہ عمران خان پانچ ہفتے سے کہہ رہے تھے کہ مجھے سے مشاورت کے بغیر بجٹ پاس نہیں ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پاکستان پی ٹی آئی علی امین گنڈاپور علیمہ خان مائنس عمران خان وزیراعلیٰ خیبرپختونخوا.ذریعہ: WE News
کلیدی لفظ: پاکستان پی ٹی ا ئی علی امین گنڈاپور علیمہ خان وزیراعلی خیبرپختونخوا علی امین گنڈاپور علیمہ خان نے کہا کہ کہ مائنس تھا کہ خان کے
پڑھیں:
توشہ خانہ کیس میں گواہ جھوٹا نکلا، جھوٹی گواہی پر کیس ختم ہونا چاہیے، علیمہ خان
تحریک انصاف کے بانی عمران خان کی بہن علیمہ خان نے دعویٰ کیا ہے کہ توشہ خانہ 2 کیس میں ایک اہم گواہ جھوٹا ثابت ہو چکا ہے، لہٰذا ایسے کیس کو مزید چلانے کا کوئی جواز باقی نہیں رہتا۔
اڈیالہ جیل کے باہر میڈیا سے گفتگو کرتے ہوئے علیمہ خان کا کہنا تھا کہ سابق ملٹری سیکریٹری نے عدالت میں پیش ہو کر تمام متعلقہ دستاویزات کو درست قرار دیا ہے، جس سے ثابت ہوتا ہے کہ مقدمہ بنیاد سے ہی کمزور ہے۔ ان کا کہنا تھا کہ اگر انصاف کے تقاضے پورے کیے جائیں تو یہ کیس آئندہ چند سماعتوں میں ختم ہو سکتا ہے۔
ان کاکہناتھا کہ عمران خان نے جیل سے چار اہم پیغامات بھیجے ہیں، جن میں سعودی عرب کے ساتھ پاکستان کے تعلقات کی اہمیت پر زور دیا گیا ہے۔ عمران خان کا کہنا ہے کہ پاکستان کو عالمی سطح پر اپنے سفارتی روابط مضبوط اور فعال رکھنے چاہییں، اور حرمین شریفین کا تحفظ ہمارے لیے باعثِ سعادت ہے۔
علیمہ خان نے کہا کہ ہمیں پوری امید ہے کہ اس مقدمے میں عمران خان اور بشریٰ بی بی جلد بری ہو جائیں گے۔
تاہم علیمہ خان کی میڈیا سے گفتگو اس وقت تناؤ کا شکار ہو گئی جب صحافیوں نے احتجاج کرتے ہوئے شکوہ کیا کہ وہ صرف اپنی بات کر کے چلی جاتی ہیں اور سوالات کے جواب نہیں دیتیں۔ صحافیوں کا کہنا تھا کہ یہ یکطرفہ گفتگو ہے اور غیر پیشہ ورانہ رویہ ہے۔ علیمہ خان نے وعدہ کیا کہ ٹاک کے بعد سوالات کے جوابات دیں گی، لیکن بات مکمل کرتے ہی بغیر سوالات سنے میڈیا ٹاک ختم کر دی، جس پر صحافیوں نے شدید احتجاج کیا۔
اسی دوران موقع پر موجود پی ٹی آئی کارکنوں اور صحافیوں کے درمیان تلخ جملوں کا تبادلہ بھی ہوا، اور ماحول کشیدہ ہو گیا۔
Post Views: 1
عوام پر مزید بوجھ؛ کراچی سمیت ملک بھر کے صارفین کیلیے بجلی مہنگی ہونے کا امکان