سفارت خانہ پاکستان بیلجیئم کے زیر اہتمام یورپ کے دارالحکومت برسلز میں عظیم الشان، کلچرل پروگرام کا انعقاد
اشاعت کی تاریخ: 25th, June 2025 GMT
یورپ کے دارالحکومت برسلز میں سفارت خانہ پاکستان بیلجیئم کے زیر اہتمام ایک عظیم الشان کلچرل پروگرام کا انعقاد کیا گیا جس میں یورپی یونین اور بیلجیئم پارلیمنٹ کے اراکین، اعلیٰ یورپی حکام، معروف کاروباری شخصیات اور یورپی میڈیا سے تعلق رکھنے والے افراد نے شرکت کی۔ اس ثقافتی پروگرام کا اہتمام منسٹری آف کامرس اور ٹریڈ ڈویلپمنٹ اتھارٹی آف پاکستان کے تعاون سے کیا گیا۔
پروگرام کا مقصد یورپ میں پاکستان کے تاریخی و تہذیبی ورثے کو اجاگر کرنا اور پاکستان میں تجارت و سیاحت کے وسیع مواقع سے دنیا کو روشناس کروانا تھا۔ اس موقع پر سیلاب سے متاثرہ خواتین کی دستکاری سے تیار کردہ خصوصی ملبوسات کی نمائش نے مہمانوں کی خصوصی توجہ حاصل کی، جو پاکستان میں خواتین کی ہنرمندی اور خود انحصاری کی علامت ہے۔
تقریب کے شرکاء کی تواضع معروف پاکستانی کھانوں سے کی گئی، جبکہ پاکستان کے ثقافتی، سیاحتی اور تجارتی امکانات پر مبنی خصوصی ڈاکومینٹریز بھی دکھائی گئیں جنہیں حاضرین نے بے حد سراہا۔
اس پروگرام کو یورپ میں پاکستان کی سافٹ امیج اور مثبت پہچان کو فروغ دینے کی ایک مؤثر کاوش قرار دیا جا رہا ہے۔ امید ظاہر کی جا رہی ہے کہ سفارت خانہ پاکستان بیلجیئم کی اس ثقافتی کوشش سے پاکستان اور یورپ کے درمیان ثقافتی، تجارتی اور کثیرالجہتی تعاون میں مزید وسعت آئے گی۔
Post Views: 2.ذریعہ: Daily Mumtaz
کلیدی لفظ: پروگرام کا
پڑھیں:
ویگروگروپ کے تحت ریسرچ بیس سیمینار کا انعقاد ، زمینداروں کی شرکت
data-id="863a0a8" data-element_type="widget" data-widget_type="theme-post-content.default">
گولارچی (نمائندہ جسارت) ویگرو گروپ پاکستان کے زیرِ اہتمام ریسرچ، ٹرائل اینڈ ٹیسٹنگ فارم گولارچی پر ایک شاندار، منظم اور معلوماتی میگا ہائی پروفائل سپر ہائبرڈ رائس ورائٹیز فیلڈ ڈے کا انعقاد کیا گیا۔تقریب میں سندھ بھر سے 600 سے زائد ترقی پسند زمینداروں، 100 سے زیادہ بزنس پارٹنرز، ویگرو سیڈز اینڈ کراپ سائنسز، مڈلینڈ انٹرپرائزز، لونگ ون ہائی ٹیک پرائیویٹ لمیٹڈ کی ٹیموں اور چائنیز ڈیلیگیشن نے بھرپور شرکت کی۔تقریب کے مہمانِ خصوصی امیر سلطان چانڈیو تھے، جنہوں نے ویگرو گروپ پاکستان کی کسان دوست کاوشوں کو سراہا۔اس موقع پر ویگرو گروپ پاکستان کے چیئرمین چوہدری امتیاز وڑائچ، ڈائریکٹر سیلز اینڈ مارکیٹنگ چوہدری طلحہ امتیاز، ڈپٹی جنرل منیجر چوہدری اصغر وڑائچ، مڈلینڈ انٹرپرائزز کے بزنس منیجر محمد احمد رضا، لونگ ون ہائی ٹیک پرائیویٹ لمیٹڈ کے جنرل منیجر غلام حیدر مہر، ڈائریکٹر ٹیکنیکل و سابق ڈی جی پیسٹ وارننگ ڈاکٹر اسلم، ہیڈ آف ریسرچ اینڈ ڈیولپمنٹ عبدالکریم مری، اور ہیڈ آف مارکیٹ ڈیولپمنٹ سندھ و بلوچستان کاشف رضا سمیت دیگر ماہرین نے کسانوں سے خطاب کیا۔پروگرام کے دوران شرکاء کو W-314 سپر ہائبرڈ رائس ورائٹیز کے ریسرچ و ٹیسٹنگ ٹرائلز کا تفصیلی معائنہ کرایا گیا۔زمینداروں نے ویگرو گروپ کی تیار کردہ اقسام کو زبردست قرار دیتے ہوئے ان کے پیداواری معیار، قوتِ برداشت اور زیادہ پیداوار کو خوش آئند قرار دیا۔مقررین نے کہا کہ ویگرو گروپ پاکستان جدید تحقیق، اعلیٰ معیار کے بیج اور جدید زرعی ٹیکنالوجی کے ذریعے ملک کے زراعتی مستقبل کو روشن بنانے کے لیے پرعزم ہے۔
پی آئی اے ایئرکرافٹ انجینئرزکا احتجاج، قومی ایئر لائن کا بین الاقوامی آپریشن شدید متاثر