لاہور، سرگودھا، خوشاب سمیت پنجاب کے کئی شہروں میں بارش
اشاعت کی تاریخ: 26th, June 2025 GMT
پنجاب میں لاہور ، خوشاب، بھلوال اور سرگودھا سمیت پنجاب کے مختلف شہروں میں بارش ہوئی، جس سے موسم خوشگوار ہوگیا۔
محکمہ موسمیات کے مطابق کرک میں بھی بارش کے بعد گرمی کا زور ٹوٹ گیا۔
بلوچستان کے وسط مشرقی علاقوں میں بھی پری مون سون سیزن کا آغاز ہوگیا جبکہ بلتستان ڈویژن میں بھی آج سے بارش کا امکان ہے۔
.ذریعہ: Jang News
پڑھیں:
جڑواں شہروں میں بارش کا سلسلہ وقفے وقفے سے جاری
راولپنڈی/ اسلام آباد:مون سون کے پہلے اسپیل کے تحت جڑواں شہروں اسلام آباد اور راولپنڈی میں گزشتہ روز سے بارش کا سلسلہ وقفے وقفے سے جاری ہے۔
بارش کے باعث جڑواں شہروں میں گرمی کی شدت میں کمی آگئی جبکہ موسم خوش گوار ہوگیا۔
گزشتہ روز سے ہونے والی بارش کے باعث اسلام آباد کا کم سے کم درجہ حرارت 24 اور راولپنڈی کا 25 ڈگری سینٹی گریڈ ریکارڈ کیا گیا۔ جڑواں شہروں میں مجموعی طور 35 ملی میٹر سے زائد بارش ریکارڈ کی جا چکی ہے۔
ادھر، محکمہ موسمیات کی پیش گوئی پر واسا راولپنڈی ہائی الرٹ ہے اور رین ایمرجنسی نافذ کر دی گئی ہے۔
ایم ڈی واسا محمد سلیم اشرف کے مطابق نشیبی علاقوں میں عملہ ہیوی مشینری کے ساتھ تعینات ہے، انڈر پاس کمیٹی چوک اور مری روڈ پر بارش شروع ہوتے ہی ہیوی مشینری پہنچا دی گئی۔
محکمہ موسمیات کے مطابق سیدپور کے مقام پر 31 ملی میٹر، گولڑہ میں 23 اور بوکڑہ کے مقام پر 35 ملی میٹر بارش ریکارڈ ہوئی جبکہ پی ایم ڈی میں 23، شمس آباد پر 18 ملی میٹر اور پیر ودھائی میں 33 ملی میٹر بارش ریکارڈ کی جا چکی ہے۔
ترجمان ایم ڈی واسا کے مطابق حالیہ بارشوں سے راول ڈیم اور خان پور ڈیم میں پانی کا لیول بڑھ گیا ہے۔ مون سون بارشوں سے پینے کے صاف پانی کی فراہمی میں بہتری آئی ہے۔
نالہ لئی اور نالوں کی بروقت بھل صفائی کروائی گئی ہے۔ شہر بھر کے نالوں اور نالہ لئی کی مانیٹرنگ کی جا رہی ہے، ابھی نالہ لئی میں پانی کا بہاؤ معمول کے مطابق ہے۔ نالہ میں کٹاریاں کے مقام پر 7 فٹ جبکہ گوالمنڈی پل پر 6 فٹ ہے، کسی بھی قسم کی ایمرجنسی سے نپٹنے کے لیے تیار ہیں۔
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی