پنجاب سے ’را‘ کے لیے کام کرنے والے 6 دہشتگرد گرفتار، دہشتگردی کے بڑے منصوبے ناکام
اشاعت کی تاریخ: 25th, June 2025 GMT
محکمہ انسداد دہشتگردی (سی ٹی ڈی) پنجاب نے بھارتی خفیہ ایجنسی ’را‘ کے لیے کام کرنے والے 6 دہشتگردوں کو مختلف شہروں سے گرفتار کیا ہے۔
لاہور میں ایڈیشنل آئی جی آپریشنز پنجاب شہزادہ سلطان اور ایس ایس پی سی ٹی ڈی وقار عظیم نے پریس کانفرنس میں انکشاف کیا کہ بھارتی خفیہ ایجنسی’را‘ کے لیے کام کرنے والے 6 دہشتگردوں کو مختلف شہروں سے گرفتار کرلیا۔
یہ بھی پڑھیں: دہشتگردی میں ملوث ’را‘ کے 2ایجنٹس کراچی سے گرفتار
شہزاد سلطان کے مطابق ’را‘ نیٹ ورک پاکستان میں بڑی دہشتگردی کی منصوبہ بندی کررہا تھا، را نیٹ ورک کے 3 ایجنٹس ٹوبہ ٹیک سنگھ سے گرفتار کیے گئے جن میں بہاولنگر کا اعظم عرف ججی، منظور عرف قاری، اور پاکپتن کا امجد شامل ہیں۔
انہوں نے بتایا کہ دہشتگردوں کو دبئی سے فنڈنگ فراہم کرنے والا را کا سہولت کار ذوالفقار بہاولپور سے پکڑا گیا، جبکہ بھارت کی بارڈر سیکیورٹی فورس (بی ایس ایف) سے دھماکہ خیز مواد لینے والے اسلم اور اکبر علی کو بھی رنگے ہاتھوں گرفتار کیا گیا۔
یہ بھی پڑھیں: سیکیورٹی فورسز کی کارروائی میں بھارتی پراکسی تنظیم ’فتنہ الہندوستان‘ کے 5 دہشتگردوں ہلاک ہوگئے، آئی ایس پی آر
گرفتار ملزمان کے قبضے سے بھاری مقدار میں دھماکہ خیز مواد، آئی ای ڈی، ڈیٹونیٹرز، حفاظتی فیوز اور حساس مقامات کے خفیہ نقشے برآمد کیے گئے۔
تفتیش کے دوران انکشاف ہوا کہ دہشتگردوں کو بہاولپور میں ایک مسجد اور ریلوے اسٹیشن پر حملے کا حکم دیا گیا تھا، جبکہ کئی حساس تنصیبات کو نشانہ بنانے اور اہم شخصیات کی ٹارگٹ کلنگ کا منصوبہ بھی تیار کیا گیا تھا۔
یہ بھی پڑھیں: بھارتی سفارتکار کینیڈا میں مجرمانہ کارروائیوں میں ملوث ہیں،کینیڈین وزیرخارجہ
سی ٹی ڈی حکام نے یہ بھی بتایا کہ گرفتار دہشتگردوں اور ’را‘ کے اعلیٰ افسران میجر رویندرا راٹھور اور انسپکٹر سنگھ کے درمیان فون پر ہونے والی بات چیت کے شواہد بھی حاصل کرلیے گئے ہیں۔
ایڈیشنل آئی جی پنجاب شہزادہ سلطان کا کہنا تھا کہ بھارت پاکستان میں دہشتگردی اور انتشار پھیلانے کی کوشش کررہا ہے لیکن پاکستان کی سیکیورٹی فورسز ہر سازش کو ناکام بنانے کے لیے پرعزم ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news انسداد دہشتگردی بھارت پاکستان را ایجنٹس شہزادہ سلطان محکمہ داخلہ پنجاب.ذریعہ: WE News
کلیدی لفظ: انسداد دہشتگردی بھارت پاکستان را ایجنٹس محکمہ داخلہ پنجاب دہشتگردوں کو سے گرفتار کے لیے یہ بھی
پڑھیں:
پاکپتن میں خاتون پر تشدد کرنیوالا پولیس اہلکار گرفتار
پاکپتن میں ایک بیوہ خاتون پر پولیس اہلکاروں کے تشدد کی ویڈیو سوشل میڈیا پر وائرل ہونے کے بعد شدید عوامی ردِعمل سامنے آیا، جس پر اعلیٰ حکام نے فوری ایکشن لیتے ہوئے متعلقہ اہلکار کو معطل کر کے گرفتار کر لیا ہے، اور اس کے خلاف مقدمہ بھی درج کر لیا گیا ۔
وائرل ویڈیو میں دیکھا جا سکتا ہے کہ پولیس چوکی فرید کوٹ کے اے ایس آئی ملک اعجاز ایک خاتون کو تھپڑ مار رہا ہے، جبکہ ایک خاتون پولیس اہلکار بھی اس واقعے میں اس کا ساتھ دیتی نظر آ رہی ہے۔ متاثرہ خاتون کا کہنا ہے کہ اس کے سسرالی رشتہ داروں نے اسے گھر سے نکالنے کے لیے پولیس کے ذریعے تشدد کروایا۔
پاکپتن میں چوکی فرید کوٹ کے اے ایس آئی ملک اعجاز کا دوران ریڈ خاتون کو تھپڑ مارنے کا معاملہ، ڈی پی او پاکپتن جاوید چدھڑ نے متعلقہ پولیس اہلکار کو معطل کر دیا، اے ایس آئی کو گرفتار کرکے مقدمہ بھی درج کر لیا گیا ہے،
وزیر اعلیٰ پنجاب مریم نواز کے ویژن کے تحت خواتین کا تحفظ ہماری… https://t.co/0vplHNjFqC pic.twitter.com/vAoKbtwI11
— Punjab Police Official (@OfficialDPRPP) August 7, 2025
پنجاب پولیس نے اپنے ایکس (سابقہ ٹوئٹر) اکاؤنٹ پر جاری بیان میں تصدیق کی ہے کہ ڈی پی او پاکپتن جاوید چدھڑ نے اے ایس آئی ملک اعجاز کو فوری طور پر معطل کر کے گرفتار کر لیا ہے اور اس کے خلاف باقاعدہ مقدمہ درج کر لیا گیا ۔
ڈی پی او پاکپتن کا کہناہے کہ وزیراعلیٰ پنجاب مریم نواز شریف کے ویژن کے مطابق خواتین کا تحفظ پنجاب پولیس کی اولین ترجیح ہے۔ اختیارات سے تجاوز کرنے والے اہلکاروں کی فورس میں کوئی جگہ نہیں۔ قانون ہاتھ میں لینے کی کسی کو اجازت نہیں دی جا سکتی۔
اپوزیشن والے ذہنی بیماری کا شکار، چیخ و پکار کا فائدہ نہیں: عطا تارڑ