’پاکستانی کھلاڑیوں کو کیوں منتخب کیا؟‘، شاہ رخ خان بڑی مشکل میں پھنس گئے
اشاعت کی تاریخ: 26th, June 2025 GMT
بولی ووڈ سپر اسٹار شاہ رخ خان کو پاکستانی کھلاڑیوں محمد عامر اور عثمان طارق کو اپنی کیریبین پریمیئر لیگ یعنی سی پی ایل کی ٹیم ٹرنباگو نائٹ رائیڈرز میں شامل کرنے پر بھارت میں دائیں بازو کے حلقوں کی جانب سے شدید تنقید کا سامنا ہے۔
یہ معاملہ ایسے وقت میں سامنے آیا ہے جب بھارت اور پاکستان کے درمیان کشیدگی عروج پر ہے، بھارتی میڈیا رپورٹس کے مطابق شاہ رخ خان کی سی پی ایل ٹیم نے محمد عامر اور عثمان طارق کو باضابطہ طور پر ٹیم میں شامل کر لیا ہے۔
یہ بھی پڑھیں:
محمد عامر اس سے قبل چار سیزنز میں سی پی ایل کھیل چکے ہیں اور مجموعی طور پر 39 میچز میں 51 وکٹیں حاصل کر چکے ہیں، تاہم یہ پہلی بار ہوگا کہ وہ ٹرنباگو نائٹ رائیڈرز کی نمائندگی کریں گے، عثمان طارق کو پی ایس ایل 2025 میں شاندار کارکردگی کے باعث منتخب کیا گیا، جہاں انہوں نے 10 وکٹیں حاصل کی تھیں۔
شاہ رخ خان کے اس فیصلے پر ہندو انتہا پسند حلقوں میں غصے کی لہر دوڑ گئی ہے، جنہوں نے ان پر’قومی مفاد کے خلاف‘ اقدام اٹھانے کا الزام لگایا ہے، سوشل میڈیا پر متعدد صارفین اور کچھ سیاسی شخصیات نے ان کے اس فیصلے کو ’غیر محبِ وطن‘ قرار دیا ہے، جب کہ بعض نے دھمکی آمیز بیانات بھی دیے ہیں۔
مزید پڑھیں:
یہ ردِعمل ایسے وقت میں سامنے آیا ہے جب مقبوضہ کشمیر کے سیاحتی مقام پہلگام میں ایک مبینہ فالس فلیگ آپریشن کے بعد دونوں ممالک کے تعلقات مزید کشیدہ ہو چکے ہیں، اس صورتحال میں ایک بھارتی ملکیت والی ٹیم میں پاکستانی کھلاڑیوں کی شمولیت ایک حساس سیاسی مسئلہ بن گئی ہے۔
ابھی تک شاہ رخ خان کی جانب سے اس تنازع پر کوئی باضابطہ بیان سامنے نہیں آیا، واضح رہے کہ سی پی ایل 2025 کے ڈرافٹ میں مجموعی طور پر 5 پاکستانی کھلاڑی منتخب کیے گئے تھے، جن میں سے محمد عامر اور عثمان طارق شاہ رخ خان کی ٹیم کا حصہ بنے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارت بھارتی ملکیت پاکستانی کھلاڑی پہلگام ٹرنباگو نائٹ رائیڈرز دائیں بازو سی پی ایل سیاسی مسئلہ شاہ رخ خان عثمان طارق فالس فلیگ آپریشن کیریبین پریمیئر لیگ محمد عامر مقبوضہ کشمیر.ذریعہ: WE News
کلیدی لفظ: بھارت بھارتی ملکیت پاکستانی کھلاڑی پہلگام سی پی ایل سیاسی مسئلہ شاہ رخ خان فالس فلیگ آپریشن کیریبین پریمیئر لیگ شاہ رخ خان سی پی ایل
پڑھیں:
لیبر قوانین پر عمل نہیں ہورہا، مزدور آج بھی مشکل میں ہیں ، شکیل احمد
data-id="863a0a8" data-element_type="widget" data-widget_type="theme-post-content.default">
حیدرآباد(اسٹاف رپورٹر)نیشنل لیبر فیڈریشن سندھ کے صدر شکیل احمد شیخ ،مرکزی نائب صدر تشکیل احمد صدیقی ، نائب صدر قاسم جمال، جنرل سیکریٹری محمد عمر شر، NLF ڈہرکی زون کے صدر عبد الفتاح ملک ، جنرل سیکریٹری عبد الستار سیال ، حیدرآباد زون کے صدر عبد القیوم بھٹی، سنیئر نائب صدر مبین راجپوت، جنرل سیکریٹری اعجاز حسین ، انفارمیشن سیکریٹری محمد احسن شیخ اور دیگرنے اپنے مشترکہ بیان میں نوری آباد اور کوٹری سائٹ کے بڑے صنعتی زون قائم ہیں جس میں ہزاروں کی تعداد میں محنت کش اپنا روزگار حاصل کرتے ہیں بد قسمتی سے نوری آباد اور کوٹری کے محنت کش تمام لیبر قوانین اور کم از کم اجرت کے قانون پر عمل نہ ہونے کی وجہ سے کلیل تنخواہوں پر ملازمت کرنے پر مجبور ہیں اور کسی بھی قسم کی قانونی مراعات انہیں حاصل نہیں ہے نوری آباد کی تمام فیکٹری اور کارکخانہ، ٹیکسٹائل انڈسٹریوں میں محنت کشوں کے ساتھ 8 گھنٹے ڈیوٹی کے بجائے 12 سے 14گھنٹے مشقت لی جا رہی ہے یہ ہی حال کوٹری صنعتی علاقہ کا ہے جس میں بھی لیبر قوانین کی دھجیاں اڑائی جا رہی ہیں تمام صنعتکار محنت کشوں کو ظلم کی چکی میں پیس رہے ہیں اور انکی مجبوریوں سے مفادات حاصل کر رہے ہیں جبکہ لیبر ڈیپارٹمنٹ اور ہیلتھ اینڈ سیفٹی کے افسران نے چشم پوشی اختیار کی ہوئی ہے جس کی وجہ سے محنت کشوں کی بڑی تعداد مختلف بیماریوں اور حادثات کا شکار ہو رہی ہے ۔شکیل احمد شیخ نے کہا کہ کوٹری کی نیشنل اسپینگ فیکٹری میں کام کرتے ہوئے محنت کش کی آنکھ ضائع ہو گئی جس کی شکایت بھی متعلقہ لیبر آفیسر کو کی لیکن کسی قسم کی کوئی سناوئی نہیں ہوئی جس سے اس غریب کی دوسری آنکھ بھی متاثر ہے ایسا ہی حال نوری آباد کے محنت کشوں کا ہو رہا ہے لہذا لیبر ڈیپارٹمنٹ او ر متعلقہ ہیلتھ اینڈ سیفٹی کے افسران فوری طور پر ان فیکٹریوں کا دورہ کریں اور حقیقی معائنوں میں محنت کشوں کا نمائندہ بنتے ہوئے انکے جائز قانونی اور صحت مندانہ ماحول فراہم کرنے کے لئے فیکٹریوں میں اقدامات کئے جائیں۔
غزہ میں عالمی فوج کی تعیناتی کیلئے امریکا نے اقوام متحدہ سے منظوری مانگ لی