حیران کن ممالک جلد اسرائیل کو تسلیم کریں گے، امریکی مشیر
اشاعت کی تاریخ: 26th, June 2025 GMT
data-id="863a0a8" data-element_type="widget" data-widget_type="theme-post-content.default">
واشنگٹن: امریکی صدر ڈونلڈ ٹرمپ کے مشیر برائے مشرق وسطیٰ اسٹیو وٹکوف نے انکشاف کیا ہے کہ آئندہ کچھ عرصے میں چند ایسے ممالک اسرائیل کو تسلیم کرنے والے ہیں جن کے بارے میں پہلے کبھی سوچا بھی نہیں گیا تھا، یہ پیشرفت مشرق وسطیٰ میں طاقت کا توازن تبدیل کرنے میں اہم کردار ادا کرے گی۔
عالمی میڈیا رپورٹس کےمطابق امریکی مشیر نے کہا کہ امریکی صدر ڈونلڈ ٹرمپ کی اولین ترجیح ابراہام معاہدے کو مزید وسعت دینا ہے، جس کے تحت ٹرمپ کے گزشتہ دورِ صدارت میں متحدہ عرب امارات، بحرین، مراکش اور سوڈان نے اسرائیل کے ساتھ سفارتی تعلقات قائم کیے تھے۔
ان کا کہنا تھا کہ ہم ایسے ممالک سے بات چیت کے مراحل میں ہیں جن کے اسرائیل سے تعلقات کا تصور بھی مشکل تھا لیکن ٹرمپ کی قائدانہ صلاحیتوں اور وژن کے باعث یہ ممکن ہونے جا رہا ہے۔
اسٹیو وٹکوف نے یہ دعویٰ بھی کیا کہ ان نئے ممکنہ معاہدات کے نتیجے میں مشرق وسطیٰ میں استحکام پیدا ہوگا اور خطے میں معاشی و دفاعی شراکت داریوں کو فروغ ملے گا،ٹرمپ انتظامیہ کی کوشش ہے کہ خطے میں پرامن روابط کے ذریعے ایران کے اثر و رسوخ کو محدود کیا جائے۔
واضح رہے کہ ابراہام معاہدے کی پالیسی کو ٹرمپ حکومت کی بڑی سفارتی کامیابی سمجھا جاتا ہے، جس کے ذریعے کئی عرب ممالک نے دہائیوں بعد اسرائیل کو باقاعدہ طور پر تسلیم کیا۔
تاحال اسٹیو وٹکوف نے ان ممکنہ ممالک کے نام ظاہر نہیں کیے، لیکن ان کے بیان نے عالمی سطح پر چہ میگوئیاں تیز کر دی ہیں کہ کیا سعودی عرب یا دیگر نمایاں مسلم ممالک بھی اس فہرست میں شامل ہوں گے۔
.
ذریعہ
ذریعہ: Jasarat News
پڑھیں:
جرمنی کا بڑا فیصلہ، یکم اگست سے توسیع شدہ افغان پاسپورٹ تسلیم نہیں کیے جائیں گے
جرمنی کی وفاقی وزارت داخلہ نے اعلان کیا ہے کہ یکم اگست 2026 یا اس کے بعد توسیع کیے جانے والے افغان پاسپورٹس کو جرمنی میں درست سفری دستاویز کے طور پر تسلیم نہیں کیا جائے گا۔
وزارت داخلہ کی ترجمان ایلینا سنگر نے افغانستان انٹرنیشنل کو جاری بیان میں کہا کہ یہ فیصلہ افغان سفارتی مشنز میں پاسپورٹ کے حصول کے طریقہ کار میں ہونے والی تبدیلیوں، بین الاقوامی قانونی تقاضوں اور بین الاقوامی شہری ہوا بازی تنظیم (ICAO) کی سفارشات کو مدنظر رکھتے ہوئے کیا گیا ہے۔
انہوں نے بتایا کہ جرمنی کے رہائشی قانون (Residence Act) کی دفعہ 3(1) کے تحت ملک میں داخل ہونے یا رہائش اختیار کرنے والے غیر ملکیوں کے لیے لازم ہے کہ ان کے پاس ایک درست اور تسلیم شدہ پاسپورٹ یا اس کے متبادل منظور شدہ سفری دستاویز موجود ہو۔
وزارت داخلہ نے واضح کیا کہ یکم اگست 2026 سے پہلے توسیع کیے گئے افغان پاسپورٹس اس نئی پالیسی سے متاثر نہیں ہوں گے اور بدستور قابل قبول رہیں گے۔
بیان میں مزید کہا گیا کہ جرمنی میں اپنے رہائشی اجازت نامے (ریذیڈنس پرمٹ) کی تجدید کے خواہش مند افغان شہریوں کو بھی ایک درست اور تسلیم شدہ سفری دستاویز پیش کرنا ہوگی۔
تاہم جرمنی کے مقامی امیگریشن حکام ہر درخواست کا انفرادی بنیادوں پر جائزہ لیتے رہیں گے تاکہ یہ طے کیا جا سکے کہ متعلقہ افغان شہری کے لیے افغان سفارتی مشن سے پاسپورٹ حاصل کرنا ممکن اور مناسب ہے یا نہیں۔
اگر متعلقہ اتھارٹی اس نتیجے پر پہنچتی ہے کہ کسی افغان شہری کے لیے افغان سفارت خانے یا قونصل خانے سے پاسپورٹ حاصل کرنا ممکن یا مناسب نہیں، تو ایسے فرد کو ٹریول ڈاکیومنٹ فار فارنرز (غیر ملکیوں کے لیے سفری دستاویز) جاری کی جا سکتی ہے۔
جرمن وزارت داخلہ نے اس بات پر بھی زور دیا کہ 1951 کے جنیوا ریفیوجی کنونشن کے تحت تسلیم شدہ افغان مہاجرین کو افغان سفارتی مشنز سے رجوع کرنے کی ضرورت نہیں ہوگی۔ ایسے افراد جرمنی کے قانونی تقاضے پورے کرنے کے لیے ریفیوجی ٹریول ڈاکیومنٹ حاصل کر سکتے ہیں۔
وزارت کے مطابق اس وقت یہ اندازہ لگانا ممکن نہیں کہ نئی پالیسی سے کتنے افغان شہری متاثر ہوں گے، تاہم نئے افغان پاسپورٹس کے اجرا کے لیے درخواستیں بدستور دی جا سکتی ہیں۔
جرمن وزارت داخلہ نے یہ بھی واضح کیا کہ اس فیصلے کا جرمنی میں طالبان کی جانب سے مقرر کردہ سفارتی عملے کی موجودگی یا افغان شہریوں کی ملک بدری سے متعلق جرمن حکومت کے پروگرام سے کوئی تعلق نہیں ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارت سے جنگ اور افغانستان میں کارروائی خارج ازامکان نہیں، وزیردفاع