حیران کن ممالک جلد اسرائیل کو تسلیم کریں گے، امریکی مشیر
اشاعت کی تاریخ: 26th, June 2025 GMT
data-id="863a0a8" data-element_type="widget" data-widget_type="theme-post-content.default">
واشنگٹن: امریکی صدر ڈونلڈ ٹرمپ کے مشیر برائے مشرق وسطیٰ اسٹیو وٹکوف نے انکشاف کیا ہے کہ آئندہ کچھ عرصے میں چند ایسے ممالک اسرائیل کو تسلیم کرنے والے ہیں جن کے بارے میں پہلے کبھی سوچا بھی نہیں گیا تھا، یہ پیشرفت مشرق وسطیٰ میں طاقت کا توازن تبدیل کرنے میں اہم کردار ادا کرے گی۔
عالمی میڈیا رپورٹس کےمطابق امریکی مشیر نے کہا کہ امریکی صدر ڈونلڈ ٹرمپ کی اولین ترجیح ابراہام معاہدے کو مزید وسعت دینا ہے، جس کے تحت ٹرمپ کے گزشتہ دورِ صدارت میں متحدہ عرب امارات، بحرین، مراکش اور سوڈان نے اسرائیل کے ساتھ سفارتی تعلقات قائم کیے تھے۔
ان کا کہنا تھا کہ ہم ایسے ممالک سے بات چیت کے مراحل میں ہیں جن کے اسرائیل سے تعلقات کا تصور بھی مشکل تھا لیکن ٹرمپ کی قائدانہ صلاحیتوں اور وژن کے باعث یہ ممکن ہونے جا رہا ہے۔
اسٹیو وٹکوف نے یہ دعویٰ بھی کیا کہ ان نئے ممکنہ معاہدات کے نتیجے میں مشرق وسطیٰ میں استحکام پیدا ہوگا اور خطے میں معاشی و دفاعی شراکت داریوں کو فروغ ملے گا،ٹرمپ انتظامیہ کی کوشش ہے کہ خطے میں پرامن روابط کے ذریعے ایران کے اثر و رسوخ کو محدود کیا جائے۔
واضح رہے کہ ابراہام معاہدے کی پالیسی کو ٹرمپ حکومت کی بڑی سفارتی کامیابی سمجھا جاتا ہے، جس کے ذریعے کئی عرب ممالک نے دہائیوں بعد اسرائیل کو باقاعدہ طور پر تسلیم کیا۔
تاحال اسٹیو وٹکوف نے ان ممکنہ ممالک کے نام ظاہر نہیں کیے، لیکن ان کے بیان نے عالمی سطح پر چہ میگوئیاں تیز کر دی ہیں کہ کیا سعودی عرب یا دیگر نمایاں مسلم ممالک بھی اس فہرست میں شامل ہوں گے۔
.ذریعہ: Jasarat News
پڑھیں:
قومی سلامتی کے مشیر کی ایس سی او رکن ممالک کے اجلاس میں شرکت، سیکیورٹی تعاون بڑھانے پر اتفاق
’جیو نیوز‘ گریبقومی سلامتی کے مشیر لیفٹیننٹ جنرل محمد عاصم ملک نے ایس سی او سلامتی کونسل کے سیکریٹریز کے اجلاس میں شرکت کی۔
بیجنگ میں جاری ایس سی او سلامتی کونسل کے سیکریٹریز کے اجلاس میں مشیر قومی سلامتی نے عالمی صورتِ حال اور امن و سلامتی کے لیے پاکستان کے مؤقف کا اعادہ کیا۔
قومی سلامتی کے مشیر نے چینی قیادت سے ملاقاتیں کیں اور سیکیورٹی تعاون بڑھانے پر اتفاق کیا۔
لیفٹیننٹ جنرل محمد عاصم ملک نے پاکستان کی جانب سے پُرامن ہمسائیگی کے کردار کے لیے بھرپور خواہش کا اظہار کیا۔
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی