واٹس ایپ نے مصروف صارفین کے لیے بڑی سہولت متعارف کرا دی
اشاعت کی تاریخ: 27th, June 2025 GMT
واٹس ایپ نے صارفین کے لیے ایک نیا فیچر متعارف کروایا ہے جس کے تحت آپ اپنی ذاتی چیٹس کا آرٹیفیشل انٹیلی جنس کی مدد سے خلاصہ حاصل کر سکتے ہیں۔ یہ سہولت خاص طور پر ان صارفین کے لیے مفید ہے جنہیں بہت زیادہ ذاتی قسم کے پیغامات آتے ہیں لیکن وہ وقت کی کمی کے باعث فوری طور پر سب پیغامات پڑھ نہیں سکتے۔ یوں بعض اہم ترین پیغامات بھی ان کی وقت کی کمی کی نذر ہوجاتے ہیں۔
یہ بھی پڑھیے اب بغیر انٹرنیٹ ترجمہ کریں، واٹس ایپ کے نئے فیچر میں خاص بات کیا ہے؟
واٹس ایپ کی جانب سے جاری کردہ ایک ’Unread messages‘ والے بٹن پر ٹیپ کرنے کے بعد، میٹا اے آئی خودکار طور پر ساری ذاتی چیٹ کا نکات کی صورت میں خلاصہ پیش کرتا ہے۔ یوں سارے پیغامات دیکھنے کے بجائے آپ کو صرف اہم نکات ہی نظر آئیں گے۔
یہ فیچر میٹا کی ‘Private Processing’ ٹیکنالوجی استعمال کرتا ہے، جو کمپنی کے مطابق اس بات کو یقینی بناتی ہے کہ میٹا یا کوئی تیسری پارٹی آپ کے پیغامات تک رسائی حاصل نہ کر سکے۔ اسی طرح چیٹ میں موجود دیگر صارفین خلاصہ نہیں دیکھ سکیں گے۔
فیچر کن ملکوں میں دستیاب ہے؟واٹس ایپ کا یہ فیچر فی الحال صرف انگلش زبان اور امریکا میں دستیاب ہے۔ دیگر ممالک اور زبانوں میں دائرہ کار اس سال کے اختتام تک بڑھایا جائے گا۔
فیچر اختیاری ہوگا یا لازمی؟واٹس ایپ کے مطابق، آرٹیلی فیشل انٹیلی جنس خلاصے کا فیچر لازمی نہیں بلکہ اختیاری ہوگا۔ کوئی اس فیچر سے استفادہ نہ کرنا چاہے تو اس کی مرضی۔ یہ ڈیفالٹ طور پر بند ہو گا، اور صارف چاہے تو اسے فعال کر سکتا ہے۔
گروپ چیٹس میں بھی ایڈوانسڈ پرائیویسی سیٹنگز کے ذریعے AI کے استعمال کو محدود کیا جا سکتا ہے۔
یہ بھی پڑھیے واٹس ایپ صارفین اپنی مرضی کے اے آئی کریکٹر تخلیق کرسکیں گے
نئے فیچر کے بارے میں خدشات کیا ہیں؟اگرچہ واٹس ایپ نے صارفین کو پرائیویسی کی یقین دہانی کرائی ہے، تاہم ابھی تک یہ واضح نہیں کہ یہ AI خلاصے کس قدر درست اور قابل اعتماد ہوں گے۔
AI فیچرز پر صارفین کا کا ردعمل کیسا ہے؟گزشتہ ایک سال میں، واٹس ایپ میں کئی اے آئی فیچرز شامل کیے گئے ہیں مثلاً چیٹ کے اندر Meta AI سے سوال پوچھنے کی سہولت، اور تصاویر بنانے کی سہولت وغیرہ۔
تاہم، بہت سے صارفین ایپ کے نیچے دائیں جانب مستقل نظر آنے والے Meta AI بٹن سے نالاں ہیں، جسے نہ ہٹایا جا سکتا ہے، نہ بند۔ اسی طرح، واٹس ایپ میں اشتہارات کی آمد نے بھی لوگوں کو مضطرب کردیا ہے۔ واٹس ایپ کے بانیوں نے بھی کسی دور میں اشتہارات کی مخالفت کی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آرٹیفیشل انٹیلی جنس اے آئی ٹیکنالوجی میٹا واٹس ایپ.
ذریعہ
ذریعہ: WE News
کلیدی لفظ: ا رٹیفیشل انٹیلی جنس اے ا ئی ٹیکنالوجی میٹا واٹس ایپ واٹس ایپ اے ا ئی کے لیے ایپ کے
پڑھیں:
بجلی صارفین کے لیے ایک اور جھٹکا، فی یونٹ نرخ بڑھنے کا امکان
اسلام آباد: بجلی کی قیمت میں اضافہ ایک بار پھر زیر غور آ گیا ہے، کیونکہ اپریل 2026 کی ماہانہ فیول ایڈجسٹمنٹ کی مد میں بجلی ایک روپے 73 پیسے فی یونٹ مہنگی کرنے کی درخواست نیپرا میں جمع کرا دی گئی ہے۔
نیشنل الیکٹرک پاور ریگولیٹری اتھارٹی (نیپرا) میں ہونے والی سماعت کے دوران سینٹرل پاور پرچیزنگ ایجنسی (سی پی پی اے) کے حکام نے بتایا کہ اپریل کے دوران خطے میں جاری کشیدگی اور جنگی صورتحال کے باعث توانائی کے شعبے کو متعدد چیلنجز کا سامنا رہا، جس کے اثرات بجلی کی پیداوار پر بھی مرتب ہوئے۔
سی پی پی اے کے مطابق اپریل میں درآمدی ایل این جی کی دستیابی نہ ہونے کے برابر تھی، تاہم مئی کے آغاز میں ایل این جی کے معاہدہ شدہ اور اسپاٹ کارگوز موصول ہونے کے بعد ایل این جی سے چلنے والے بجلی گھروں کو دوبارہ فعال کیا گیا، جس سے نظام میں بہتری آئی۔
حکام نے نیپرا کو آگاہ کیا کہ صنعتی شعبے کے علاوہ تقریباً تمام صارفین کی کیٹیگریز میں بجلی کی کھپت میں کمی ریکارڈ کی گئی۔ اس کے ساتھ آئندہ دو ماہ کے لیے ایل این جی کی یومیہ بنیادوں پر منصوبہ بندی مکمل کر لی گئی ہے تاکہ ایندھن کی فراہمی اور بجلی کی پیداوار میں کسی قسم کی رکاوٹ پیدا نہ ہو۔
سی پی پی اے حکام کا کہنا ہے کہ اگرچہ بجلی کی قیمت میں اضافہ تجویز کیا گیا ہے، تاہم مئی، جون اور جولائی کی فیول ایڈجسٹمنٹ میں صارفین کو بڑے اضافی بوجھ کا سامنا نہیں کرنا پڑے گا کیونکہ ضروری انتظامات اور ایندھن کی دستیابی کو یقینی بنایا جا چکا ہے۔
اب نیپرا درخواست پر تمام فریقین کا مؤقف سننے کے بعد حتمی فیصلہ جاری کرے گا، جس کے بعد یہ طے ہوگا کہ صارفین کو بجلی کے بلوں میں کتنا اضافی بوجھ برداشت کرنا پڑے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ