حارث رؤف ٹی 20 کرکٹ میں پچھلے 5 برسوں کے بہترین پیسر
اشاعت کی تاریخ: 27th, June 2025 GMT
قومی فاسٹ بولر حارث رؤف گزشتہ 5 سالوں سے ٹی 20 کرکٹ میں مسلسل پہلے نمبر پر ہیں۔
اعداد و شمار ثابت کرتے ہیں کہ حارث رؤف گزشتہ 5 برسوں کے دوران ٹی 20 فارمیٹ کے بہترین فاسٹ باؤلر ہیں۔ پاکستان کے لیے اور دنیا بھر کی بڑی فرنچائزز کے لیے کھیلتے ہوئے انہوں نے نہ صرف خود کو منوایا بلکہ کئی ریکارڈز اپنے نام کر لیے۔
یہ بھی پڑھیں: لوگ انتظار میں ہوتے ہیں کہ ٹیم ہارے تو تنقید کریں، حارث رؤف
حارث رؤف نے اپنے مختصر مگر شاندار کیریئر میں تیزی سے ترقی کی ہے اور آج وہ دنیا کے خطرناک ترین فاسٹ باؤلرز میں شمار ہوتے ہیں۔ 31 سالہ حارث رؤف وقت کے ساتھ ساتھ مزید بہتر ہوتے جا رہے ہیں، اور ہر پہلو میں اپنے ہم عصروں سے آگے نکل چکے ہیں، خواہ بات وکٹوں کی ہو، اوسط کی یا اکانومی ریٹ کی۔
حالیہ دستیاب اعداد و شمار کے مطابق، گزشتہ پانچ برسوں میں حارث رؤف ٹی ٹوئنٹی فارمیٹ میں سب سے زیادہ کامیاب پیسر رہے ہیں۔ انہوں نے 206 میچوں میں 278 وکٹیں حاصل کی ہیں، ان کی اوسط 22.
یہ بھی پڑھیں: حارث رؤف نے نومولود بیٹے کے ساتھ ویڈیو شیئر کردی، نام بھی بتادیا
اگرچہ شاہین آفریدی، نوین الحق اور کرس جورڈن جیسے باؤلرز بھی اپنی کارکردگی کی بنیاد پر نمایاں رہے ہیں، لیکن حارث رؤف کی تسلسل کے ساتھ شاندار پرفارمنس انہیں سب سے آگے لے جاتی ہے۔ وہ نہ صرف پاکستان کے لیے بلکہ مختلف لیگز میں فرنچائزز کے لیے بھی مرکزی فاسٹ باؤلر کے طور پر جانے جاتے ہیں۔
ان کی موجودہ فارم اور تجربے کو دیکھتے ہوئے توقع کی جا رہی ہے کہ وہ آنے والے ایشیا کپ اور ٹی ٹوئنٹی ورلڈ کپ میں پاکستان کی فاسٹ باؤلنگ کی قیادت کریں گے۔ اگر وہ اسی رفتار سے کارکردگی جاری رکھتے ہیں تو یہ کہنا غلط نہیں ہوگا کہ حارث رؤف کرکٹ کی تاریخ کے بہترین فاسٹ باؤلرز میں سے ایک بننے جا رہے ہیں۔
یہ بھی پڑھیں: بھارت سے مقابلے کو عام میچ کی طرح دیکھیں گے، کوئی دباؤ نہیں، حارث رؤف
ٹی 20 کرکٹ میں ان کی مستقل مزاجی اور خطرناک باؤلنگ نے یہ ثابت کر دیا ہے کہ حارث رؤف کا مستقبل روشن ہے، اور وہ آنے والے برسوں میں بھی دنیا بھر کے بلے بازوں کے لیے ایک بڑا چیلنج ثابت ہوتے رہیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پاکستان ٹی 20 کرکٹ حارث رؤف فاسٹ بولرذریعہ: WE News
کلیدی لفظ: پاکستان ٹی 20 کرکٹ فاسٹ بولر ٹی 20 کرکٹ رہے ہیں کے لیے
پڑھیں:
شاہ رخ خان کا پہلا نیشنل فلم ایوارڈ، انعامی رقم کم کیوں؟
بالی ووڈ کے سپر اسٹار شاہ رخ خان نے اپنی فلم ’جوان‘ میں شاندار اداکاری کے اعتراف میں 71ویں نیشنل فلم ایوارڈز میں بہترین اداکار کا اعزاز حاصل کر لیا ہے۔ اس اعزاز میں وہ اداکار وکرانت میسی کے ساتھ شریک ہیں، جنہوں نے فلم ’12ویں فیل‘ میں متاثر کن کردار ادا کیا۔
روایتی طور پر بہترین اداکار کو دو لاکھ روپے نقد، ایک سلور لوٹس اور ایک توصیفی سند دی جاتی ہے۔ تاہم، اس سال چونکہ یہ ایوارڈ مشترکہ طور پر دیا گیا ہے، اس لیے شاہ رخ خان اور وکرانت میسی کو ایک، ایک لاکھ روپے کے علاوہ اپنا الگ تمغہ اور سرٹیفکیٹ دیا جائے گا۔ یہ عمل نیشنل ایوارڈز کی پالیسی کے مطابق ہے جب ایوارڈ مشترکہ طور پر دیا جائے۔
یہ بھی پڑھیں: رانی مکھرجی کی شاہ رخ خان کو نیشنل ایوارڈ کا میڈل پہننے میں مدد، ویڈیو وائرل
دوسری جانب رانی مکھرجی کو فلم ’مسز چیٹرجی ورسز ناروے‘ میں ان کی پرفارمنس پر بہترین اداکارہ کا ایوارڈ دیا گیا ہے، جس کے تحت وہ مکمل دو لاکھ روپے کی انعامی رقم کی حقدار ہیں۔
دیگر زمروں میں بھی کئی ایوارڈز مشترکہ طور پر دیے گئے۔ جیسے بہترین معاون اداکار کا ایوارڈ وجی رگھون (پوکلّم) اور ایم ایس بھاسکر (پارکنگ) کے درمیان، جبکہ بہترین معاون اداکارہ کا اعزاز جانکی بوڈیوالا (وش) اور اورواشی (الوزھککو) کے درمیان تقسیم کیا گیا۔ اسی طرح بہترین چائلڈ آرٹسٹ کے شعبے میں بھی متعدد باصلاحیت بچوں کو نوازا گیا۔
یہ بھی پڑھیں: شاہ رخ خان اور سلمان خان کے ساتھ فلم کرنے کے لیے عامر خان نے شرط رکھ دی
یہ اعزاز شاہ رخ خان کے لیے نہایت اہمیت کا حامل ہے، کیونکہ یہ ان کے فلمی کیریئر کا اداکاری کے حوالے سے پہلا نیشنل فلم ایوارڈ ہے، حالانکہ وہ اس سے قبل پدم شری سمیت کئی قومی و بین الاقوامی اعزازات حاصل کر چکے ہیں۔
فی الوقت شاہ رخ خان پولینڈ میں ہدایتکار سدھارتھ آنند کی فلم ’کنگ‘ کی شوٹنگ میں مصروف ہیں۔ تاہم، وہ جلد ہی دہلی پہنچیں گے جہاں وہ اپنا ایوارڈ وصول کریں گے۔
شاہ رخ خان کے لیے یہ سال غیر معمولی رہا ہے۔ ان کی تین بڑی فلموں پٹھان، جوان، اور ڈنکی نے مجموعی طور پر بھارت میں 1300 کروڑ روپے جبکہ عالمی سطح پر 2500 کروڑ روپے سے زائد کا بزنس کیا۔ یہ اعداد و شمار ان کے ناقابلِ تسخیر اسٹارڈم کی ایک بار پھر تصدیق کرتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بالی ووڈ رانی مکھر جی شاہ رخ خان شاہ رخ خان ایوارڈ وکرانت میسی
بجٹ خسارے کی کہانی