گوندہ اور کرشنا میں برسوں پرانی رنجش کس نے ختم کروائی؟
اشاعت کی تاریخ: 9th, November 2025 GMT
بالی ووڈ اداکار گوندہ کی اہلیہ سنیتا آہوجہ نے 7 سال سے جاری اپنے خاندان اور کرشنا ابھیشیک کے درمیان چلی آ رہی رنجش پر خاموشی توڑ دی ہے۔ انہوں نے تصدیق کی ہے کہ اب یہ اختلافات ختم ہو چکے ہیں۔
یہ بھی پڑھیں:اداکار گووندا مشکل میں، بیوی سنیتا آہوجا کا بے وفائی اور ظلم کرنے کا الزام
پنک ولا کو دیے گئے ایک انٹرویو میں سنیتا آہوجہ نے کرشنا اور ان کی اہلیہ کشمیرا شاہ سے متعلق پرانے تنازع پر بات کرتے ہوئے کہا کہ اب وہ دل سے مطمئن ہیں۔
انہوں نے کہا کہ آخر میں کب تک اپنے بچوں سے ناراض رہ سکتی ہوں؟ جب سب اپنی زندگی میں خوش ہیں تو رنجش رکھنے کا کیا فائدہ؟ میں سب بچوں کو دعا ہی دے سکتی ہوں، وہ سب میرے اپنے جیسے ہیں۔
سنیتا نے گوندہ کے ساتھ اپنی ابتدائی زندگی کی یادیں تازہ کرتے ہوئے بتایا کہ کرشنا کی والدہ پدما شرما، جو گوندہ کی بہن تھیں، ان کے بہت قریب تھیں۔
کرشنا کی ماں میری پسندیدہ تھیں۔ سب سے پہلے انہی کو میرے اور گوندہ کے تعلق کا علم ہوا تھا۔ گوندہ کی کامیابی میں ان کا بڑا ہاتھ ہے اور وہ اس کی مکمل حق دار ہیں۔
یہ بھی پڑھیں:بھارتی اداکار سنیل شیٹی سابق سپر اسٹار گووندا سے ناراض
یاد رہے کہ گوندہ اور کرشنا کے درمیان 2016 میں شروع ہونے والی کشیدگی ایک شو ’دی کپل شرما شو‘ میں مذاق کے دوران پیدا ہوئی تھی، جس سے گوندہ اور سنیتا ناراض ہو گئے تھے۔ بعد ازاں یہ تنازع عوامی سطح پر بڑھتا چلا گیا۔
تاہم 2024 میں ’دی گریٹ انڈین کپل شو‘ میں گوندہ اور کرشنا کی جذباتی ملاقات کے بعد دونوں خاندانوں کے درمیان صلح ہو گئی، اور بالی ووڈ کی یہ مشہور خاندانی رنجش بالآخر اختتام کو پہنچی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سنیتا آہوجہ کپیل درما شو کرشنا گوندا.ذریعہ: WE News
کلیدی لفظ: سنیتا ا ہوجہ کپیل درما شو گوندا اور کرشنا گوندہ اور
پڑھیں:
فرح خان کیساتھ ہراسانی کا واقعہ، ٹوئنکل کھنہ نے بھی تصدیق کردی
بالی ووڈ کی معروف کوریوگرافر اور فلم ساز فرح خان نے حال ہی میں ایک ٹی وی شو میں اپنے کیریئر کے ابتدائی دنوں سے متعلق ایک ناخوشگوار واقعہ بیان کیا ہے۔
بھارتی میڈیا رپورٹس کے مطابق فرح خان نے ٹوئنکل کھنہ اور کاجول کے پروگرام میں گفتگو کرتے ہوئے بتایا کہ انہیں ایک فلم کی شوٹنگ کے دوران ہراسانی کا سامنا کرنا پڑا تھا۔
فرح کے مطابق وہ اس وقت ایک فلم میں کوریوگرافی کر رہی تھیں۔ شوٹنگ کے دوران کبھی کبھی انہیں کمروں میں بیٹھنے اور آرام کرنے کی ضرورت پڑتی تھی۔ ایک روز جب وہ اپنے کمرے میں موجود تھیں تو فلم کے ڈائریکٹر نے گانے پر بات کرنے کے بہانے ان کے کمرے کا رخ کیا۔
فرح خان کا کہنا ہے کہ ڈائریکٹر ان کے بہت قریب آکر بیڈ پر بیٹھ گیا جس سے انہیں ہراسانی محسوس ہوئی اور انہوں نے فوراً اسے کمرے سے باہر جانے کو کہا۔
فرح خان نے کہا کہ اس دور میں انہیں کام کی بہت ضرورت تھی، اس لیے ایسی صورتحال کے باوجود پیشہ ورانہ ذمہ داریوں کو نبھانا پڑتا تھا۔ انہوں نے مزید کہا کہ وہ اس واقعے کو آج بھی ایک تلخ یاد کے طور پر یاد کرتی ہیں۔ ٹوئنکل کھنہ نے بھی اس واقعے کی تصدیق کی اور کہا کہ وہ اس وقت وہیں موجود تھیں اور مذکورہ ہدایتکار فرح کے پیچھے پڑا رہتا تھا۔
وزیراعلیٰ بلوچستان میر سرفراز بگٹی چلتن گھی مل سے متعلق اجلاس کی صدارت کر رہے ہیں