پبلک اکائونٹس کمیٹی ذیلی کمیٹی نے 3 روزہ اجلاس کا شیڈول جاری
اشاعت کی تاریخ: 30th, June 2025 GMT
data-id="863a0a8" data-element_type="widget" data-widget_type="theme-post-content.default">
اسلام آ باد (آن لائن) پبلک اکائونٹس کمیٹی ذیلی کمیٹی کے 3 روزہ اجلاس کا شیڈول جاری کردیا گیا۔ قومی اسمبلی سیکرٹریٹ کی جانب سے جاری نوٹیفیکیشن کے مطابق پی اے سی کی ذیلی کمیٹی کا اجلاس کنوینر ملک عامر ڈوگر کی سربراہی میں پارلیمنٹ ہائوس میں منعقد ہوگا۔ اجلاس میں وزارت داخلہ کے مالی سال 2022/23 اور 2023/24 کے آڈٹ اعتراضات کے حوالے سے سفارشات پر عمل درآمد کا جائزہ لیا جائے گا۔ ذیلی کمیٹی کا بدھ کو ہونے والے اجلاس میں کبینٹ ڈویژن جبکہ بدھ 16جولائی کو ہونے والے اجلاس میں وزارت ریلوے کے آڈٹ اعتراضات کا جائزہ لیا جائے گا۔
.ذریعہ: Jasarat News
کلیدی لفظ: ذیلی کمیٹی
پڑھیں:
5 جی ٹیکنالوجی، اسپیکٹرم نیلامی کیلیے انڈوائزری کمیٹی کی تشکیل نو
اسلام آباد:حکومت نے ملک میں نیٹ ورک کی توسیع اور 5G ٹیکنالوجی کے نفاذ کیلیے اسپیکٹرم کی نیلامی کا عمل تیزکرنے کی غرض سے اعلیٰ سطح ایڈوائزری کمیٹی کی تشکیل نو کی منظوری دیدی ہے۔
وزارت انفارمیشن ٹیکنالوجی و ٹیلی کمیونیکیشن نے اقتصادی رابطہ کمیٹی کو بریفنگ دیتے ہوئے بتایا کہ فریکوئنسی اسپیکٹرم کے مؤثر استعمال سے ٹیلی کام نیٹ ورک کی توسیع، ٹیلی ڈینسٹی میں اضافہ اور موبائل براڈ بینڈ سروسزکے معیار میں بہتری ممکن ہے، جو کہ ملک میں 5G ٹیکنالوجی کیلیے اہم قدم ہے۔
وزارت نے بتایا کہ پاکستان میں اب تک 700 MHz، 2300 MHz، 2600 MHz اور 3500 MHz بینڈزکاکمرشل سیلولر سروسزکیلیے استعمال عالمی معیارکے مقابلے میں کافی کم ہے، ماضی میں 2014، 2016، 2017 اور 2021 میں اسپیکٹرم نیلامی ہو چکی ہیں، جن کے تحت مختلف بینڈز میں اسپیکٹرم سیلولرکمپنیوں کو الاٹ کیاگیا۔
ای سی سی کو آگاہ کیاگیا کہ وزیر اعظم ، وفاقی کابینہ کی ہدایت پر ایک ایڈوائزری کمیٹی کے تحت آئندہ سپیکٹرم نیلامی کا عمل مکمل کیا جائے گا۔
کمیٹی کی ابتدائی تشکیل 6 نومبر 2023 کو ہوئی جبکہ اس میں 28 جون 2024 کو ترامیم کی گئیں۔ وزارت نے مزید بتایاکہ وزارت صنعت و پیداوار نے درخواست دی تھی کہ وزیر اعظم کے معاون خصوصی برائے صنعت و پیداوارکو بھی کمیٹی میں شامل کیا جائے۔
اس کے پیش نظرکمیٹی کی نئی تشکیل میں مذکورہ معاون خصوصی کے ساتھ ساتھ متعلقہ وزرا اور سیکریٹریز کو بھی شامل کیا گیا۔ای سی سی نے وزارت انفارمیشن ٹیکنالوجی و ٹیلی کمیونیکیشن کی جانب سے پیش کی گئی سمری اور کمیٹی کی نئی تشکیل کی تجویزکو منظورکر لیاہے، جو ملک میں جدید موبائل براڈ بینڈ سروسزکے فروغ اور 5G ٹیکنالوجی کی راہ ہموارکرنے میں مددگار ثابت ہو گی۔
وزیراعظم کی جناح میڈیکل کمپلیکس میں اسپیشلائزڈ ہیلتھ کئیر کو عالمی معیار کے مطابق رکھنے کی ہدایت