میساچوسٹس میں آسمان پر پراسرار چیز، ویڈیو نے سوشل میڈیا پر ہلچل مچادی
اشاعت کی تاریخ: 30th, June 2025 GMT
data-id="863a0a8" data-element_type="widget" data-widget_type="theme-post-content.default">
بوسٹن:امریکا کی ریاست میساچوسٹس کے ایک شہر میں آسمان پر نمودار ہونے والی ایک پراسرار پرواز کرتی چیز نے عوامی دلچسپی اور تجسس کو بے حد بڑھا دیا ہے۔
یہ حیران کن واقعہ اس وقت منظرِ عام پر آیا جب مقامی شہری کولین میکورمیک نے اپنے موبائل فون سے اس ناقابلِ فہم مظہر کی مختصر ویڈیو ریکارڈ کی، جو بعد ازاں سوشل میڈیا پر جنگل کی آگ کی طرح پھیل گئی۔ ویڈیو میں نظر آنے والی چیز کی شکل اور حرکت نے نہ صرف مقامی افراد بلکہ ماہرین فلکیات اور یو ایف او (Unidentified Flying Object) کے محققین کو بھی حیرت میں ڈال دیا ہے۔
کولین کے مطابق یہ واقعہ شام کے وقت اُس وقت پیش آیا جب وہ اپنے گھر کے باہر پرسکون ماحول میں بیٹھی تھیں۔ اچانک ان کی نظر آسمان پر ایک چمکتی ہوئی گول چیز پر پڑی جو نہایت تیزی سے نیچے کی طرف حرکت کر رہی تھی۔ اس کا رنگ نارنجی اور سرخی مائل تھا اور ایسا محسوس ہو رہا تھا جیسے وہ چیز کسی جلتی ہوئی آگ میں لپٹی ہو۔ خاتون نے فوراً موبائل نکالا اور تقریباً 8 سیکنڈ کی مختصر ویڈیو محفوظ کرلی۔
ویڈیو میں دیکھا جا سکتا ہے کہ آسمان کی تاریکی میں ایک چمکتی ہوئی چیز آہستہ آہستہ نیچے کی طرف آ رہی ہے۔ دلچسپ بات یہ ہے کہ اس شے کی حرکت بالکل خاموش تھی، نہ کوئی آواز، نہ شور، نہ کوئی مشینی جھنجھناہٹ یا بیپ، جو عام ڈرونز یا ہوائی جہازوں سے الگ خصوصیت ہے۔ اسی پر اسرار خاموشی نے اس منظر کو اور بھی ڈراؤنا بنا دیا ہے۔
اس واقعے کے بعد علاقے میں خاصی ہلچل مچ گئی۔ مقامی پولیس اور فائر ڈیپارٹمنٹ کو اطلاع دی گئی لیکن نہ کسی شے کا ملبہ ملا اور نہ ہی کوئی سراغ۔ واقعے کی جگہ پر کوئی باقیات، دھات یا ٹکڑے نہیں ملے، جس سے اندازہ لگانا اور بھی مشکل ہو گیا ہے کہ اصل میں وہ شے کیا تھی۔
واقعے کی خبر سوشل میڈیا پر وائرل ہوتے ہی مختلف قیاس آرائیاں سامنے آنے لگیں۔ Reddit جیسے پلیٹ فارمز پر کچھ صارفین نے اسے جلتی ہوئی لالٹین یا آسمانی فائر ورک قرار دیا جب کہ دیگر کا ماننا ہے کہ یہ کم آواز والا کوئی خصوصی ڈرون یا فضائی مشق کا حصہ بھی ہو سکتا ہے۔ مگر یہ خیال بھی زور پکڑ رہا ہے کہ شے کی روشنی اور حرکت کسی عام فضائی مشین سے بہت مختلف تھی۔
سائنس اور فلکیات سے وابستہ ادارے جیسے ناسا (NASA) اور امریکی فیڈرل ایوی ایشن ایڈمنسٹریشن (FAA) نے اب تک اس واقعے پر کوئی باضابطہ بیان جاری نہیں کیا،تاہم بعض ماہرین کا کہنا ہے کہ زمین کی فضا میں داخل ہونے والا خلائی ملبہ بعض اوقات ایسی چمکدار روشنی اور جلنے کا اثر پیدا کر سکتا ہے، جو نیچے آتے ہوئے راکٹ یا سیٹلائٹ کے ٹکڑوں جیسا دکھائی دیتا ہے،لیکن ایسی کسی سرگرمی کی بھی تصدیق نہیں ہوئی۔
چونکہ یہ شے اپنی نوعیت میں غیر شناخت شدہ تھی، اس لیے بہت سے لوگ اسے یو ایف او سمجھنے لگے ہیں۔ گزشتہ چند برسوں میں امریکا اور دیگر ممالک میں ایسے کئی واقعات ریکارڈ کیے جا چکے ہیں جن میں آسمان پر پراسرار چیزوں کی موجودگی نوٹ کی گئی، مگر ان کی حقیقت آج تک ایک معما بنی ہوئی ہے۔
.ذریعہ: Jasarat News
پڑھیں:
سابق ڈی جی آئی ایس آئی فیص حمید سوشل میڈیا پر ٹاپ ٹرینڈ کیوں کر رہے ہیں؟
سوشل میڈیا پر سابق ڈی جی آئی ایس آئی جنرل (ر) فیض حمید اس وقت سوشل میڈیا پر ٹاپ ٹرینڈ کر رہے ہیں، ان کے حوالے سے خبریں گردش کر رہی ہیں جس میں دعویٰ کیا گیا ہے کہ انہیں سزا سنا دی گئی ہے۔
ایک صارف نے لکھا کہ ایک جماعت سے وابستہ سوشل میڈیا پیجز کے مطابق ریٹائرڈ جنرل فیض حمید کو تاحیات قیدِ با مشقت کی سزا دی گئی ہے، ان کی تمام منقولہ اور غیر منقولہ جائیداد بحکمِ سرکار ضبط کرلی گئی ہے اور کورٹ مارشل کے بعد تمام سرکاری مراعات اور پنشن بھی ختم کردی گئی ہیں۔
یہ بھی پڑھیں: جنرل فیض حمید کیس کا فیصلہ کب آئےگا، اور کتنی سزا کا امکان ہے؟
ٹوئٹ میں مزید کہا گیا کہ پورے خاندان کے نام ای سی ایل میں ڈال دیے گئے ہیں جبکہ ان کے بھائی نجف حمید کی فوری گرفتاری کا حکم بھی جاری کیا گیا ہے۔ اس کے علاوہ ان کے تمام بینک اکاؤنٹس بھی ہمیشہ کے لیے منجمد کر دیے گئے ہیں۔
ن لیگ سے وابستہ سوشل میڈیا پیجز پر چلائے جانے والی خبر۔۔۔
ریٹائرڈ جنرل فیض حمید کو سخت ترین سزائیں سنا دی گئی ہیں، انہیں چار ستارہ سابق جنرل ہونے کے باوجود تاحیات قیدِ با مشقت کی سزا دی گئی ہے، تمام منقولہ اور غیر منقولہ جائیداد بحکمِ سرکار ضبط کرلی گئی ہے، کورٹ مارشل کے بعد تمام… pic.twitter.com/ha3r15hOwa
— Nadir Baloch (@BalochNadir5) November 17, 2025
ایک صارف کا کہنا تھا کہ واٹس ایپ اور دیگر سوشل میڈیا پر سابق ڈی جی آئی ایس آئی جنرل فیض حمید سے متعلق گردش کرنے والی خبر مکمل طور پر جھوٹی اور گمراہ کن ہے۔ جنرل فیض حمید کے خلاف کسی قسم کی سزا کا کوئی اعلان نہیں ہوا۔
فیکٹ چیک: واٹس ایپ اور دیگر سوشل میڈیا پر سابق ڈی جی آئی ایس آئی جنرل فیض حمید سے متعلق گردش کرنے والی خبر مکمل طور پر جھوٹا اور گمراہ کن ہے۔ جنرل فیض حمید کے خلاف کسی قسم کی سزا کا کوئی اعلان نہیں ہوا۔افواہوں سے بچیں اور معلومات ہمیشہ مستند ذرائع سے حاصل کریں۔#FactCheck pic.twitter.com/Ngffl4xNmp
— گُل رُخ داوڑ ???????? (@GulRukhDawarr) November 18, 2025
شاہد میتلا نے کہا کہ 3 سال تک فیض حمید کے خلاف کوئی کارروائی نہیں ہوئی، اب ممکنہ طور پر انہیں سزا ہو سکتی ہے۔ ماضی میں ڈی جی آئی ایس آئی اسد درانی کو بھی ملٹری کورٹ نے سزا سنائی تھی، ان کی پنشن ضبط کرلی گئی تھی اور ان کا نام ای سی ایل میں ڈال دیا گیا تھا۔
تین سال تک فیض حمید کے خلاف کوئی کارروائی نہیں ہوئی، اب ممکنہ طور پر انہیں سزا ہو سکتی ہے۔ ماضی میں ڈی جی آئی ایس آئی اسد درانی کو بھی ملٹری کورٹ نے سزا سنائی تھی، ان کی پنشن ضبط کرلی گئی تھی اور ان کا نام ای سی ایل میں ڈال دیا گیا تھا،شاہد میتلا@ShahidMaitla pic.twitter.com/Q1ztPjHEOw
— Muzamal Suharwardy (@MSuharwardy_) November 17, 2025
ایک سوشل میڈیا پوسٹ کے مطابق فیض حمید کا کورٹ مارشل ٹرائل مکمل ہوچکا، اب 4 ہفتوں میں اس کا فیصلہ کسی بھی وقت دیا جاسکتا ہے، ان کو سزا ہونے والی ہے۔ اس فیصلہ کے بعد عمران خان اور ملک ریاض پر بھی گھیرا مزید تنگ ہونے جا رہا ہے۔ انکا بھی ملٹری ٹرائل ممکن ہے، ثاقب نثار کا نام بھی شامل ہے۔
فیض حمید کا کورٹ مارشل ٹرائل مکمل ہوچکا، اب 4 ہفتوں میں اسکا فیصلہ کسی بھی وقت دیا جاسکتا ہے، انکو سزا ہونے والی ہے۔ اس فیصلہ کے بعد عمران خان اور ملک ریاض پر بھی گھیرا مزید تنگ ہونے جا رہا ہے۔ انکا بھی ملٹری ٹرائل ممکن ہے، ثاقب نثار کا نام بھی شامل ہے۔
زاہد گشکوری، مزمل سہروردی pic.twitter.com/RWUQMpsfyZ
— أســـد نثـار (@AsadViews) November 16, 2025
جنرل فیض حمید کو سزا سے متعلق خبروں پر کوئی سرکاری ردعمل سامنے نہیں آیا۔
واضح رہے کہ جنرل فیض حمید کے خلاف فیلڈ جنرل کورٹ مارشل کی کارروائی 12 اگست 2024 کو شروع ہوئی تھی۔ ان پر عائد الزامات میں سیاسی سرگرمیوں میں ملوث ہونا، آفیشل سیکرٹس ایکٹ کی خلاف ورزی، ریاستی مفادات کو نقصان پہنچانا، اختیارات اور سرکاری وسائل کا غلط استعمال اور افراد کو غیر قانونی نقصان پہنچانا شامل ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
عمران خان فیض حمید فیض حمید سزا
گولارچی، ڈینگی اور ملیریا کے کیسز میں تشویشناک اضافہ