بلوچستان اسٹیٹسٹکس ڈیش بورڈ کا باضابطہ آغاز
اشاعت کی تاریخ: 12th, November 2025 GMT
data-id="863a0a8" data-element_type="widget" data-widget_type="theme-post-content.default">
کوئٹہ(نمائندہ جسارت)بلوچستان میں بیورو آف اسٹیٹسٹکس اور محکمہ منصوبہ بندی و ترقی نے بلوچستان اسٹیٹسٹکس ڈیش بورڈ کا باضابطہ آغاز کر دیا۔ حکام کے مطابق یہ نظام صوبے کے تمام اضلاع کے اعداد و شمار اور ترقیاتی فیصلوں کو ایک ہی پلیٹ فارم پر یکجا کرے گا۔محکمہ اطلاعات بلوچستان کے مطابق وزیرِاعلیٰ میر سرفراز بگٹی کی قیادت میں صوبہ ترقی، ڈیجیٹل جدت اور خود اعتمادی کے ایک نئے دور میں داخل ہو چکا ہے۔ مختلف سرکاری اداروں میں ڈیجیٹل اصلاحات اور جدید ٹیکنالوجی کے استعمال سے صوبائی نظم و نسق، منصوبہ بندی اور عوامی خدمات میں شفافیت اور کارکردگی میں نمایاں بہتری آئی ہے۔بیورو آف اسٹیٹسٹکس اور محکمہ منصوبہ بندی و ترقی کی جانب سے متعارف کردہ بلوچستان اسٹیٹسٹکس ڈیش بورڈ کو صوبے کی تاریخ میں ایک سنگِ میل قرار دیا جا رہا ہے۔ اس جدید نظام کے تحت تمام اضلاع کے اعداد و شمار، منصوبہ بندی اور فیصلے ایک ہی پلیٹ فارم پر دستیاب ہوں گے، جس سے پالیسی سازی میں شفافیت، درستگی اور سہولت میں اضافہ ہوا ہے۔مصنوعی ذہانت سے مزین پی ایس ڈی پی آٹومیشن سسٹم اور فنانس ڈیپارٹمنٹ کی ڈیجیٹل اصلاحات نے گورننس کے شعبے میں انقلاب برپا کر دیا ہے۔ آن لائن فائلنگ، بلنگ، بجٹ مینجمنٹ اور فنانس چیٹ بوٹ جیسے اقدامات نے شفافیت، رفتار اور عوامی سہولت کو نئی جہت دی ہے۔
ذریعہ
ذریعہ: Jasarat News
پڑھیں:
پاکستان کے روشن مستقبل کیلئے قومی اتحاد، استقامت اور مشترکہ کوششیں ناگزیر ہیں: فیلڈ مارشل سید عاصم منیر
سٹی 42 : فیلڈ مارشل سید عاصم منیر نے کہا ہے کہ پاکستان کے روشن مستقبل کے لیے قومی اتحاد، استقامت اور مشترکہ کوششیں ناگزیر ہیں ۔
آئی ایس پی آر کے مطابق فیلڈ مارشل سید عاصم منیر سے جی ایچ کیو میں 20ویں نیشنل ورکشاپ بلوچستان کے شرکاء کی ملاقات ہوئی ۔ فیلڈ مارشل عاصم منیر نے کہا کہ سیکیورٹی فورسز، قانون نافذ کرنے والے اداروں اور عوام کی مشترکہ کوششوں سے بلوچستان میں پائیدار امن قائم ہوگا۔ فتنہ الخوارج اور فتنہ الہندوستان کے خلاف ہدفی کارروائیاں مکمل عزم کے ساتھ جاری رہیں گی۔ انہوں نے کہا کہ دہشت گردی اور اس کے سہولت کاروں کے مکمل خاتمے تک کارروائیاں جاری رہیں گی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
فیلڈ مارشل سید عاصم منیر نے کہا کہ پاکستان اور عوام کے لیے خطرہ بننے والے دہشت گرد نیٹ ورک کا ہر صورت خاتمہ کیا جائے گا، بیرونی سرپرستی میں چلنے والے پراکسی عناصر مسلسل بلوچستان میں بدامنی اور عدم استحکام پھیلانے کی کوشش کر رہے ہیں۔ دشمن کے مذموم عزائم کو مسلح افواج اور پاکستانی عوام کے اتحاد و استقامت سے ناکام بنایا جائے گا۔ انہوں نے کہا کہ بلوچستان پاکستان کا فخر اور قدرتی وسائل سے مالا مال صوبہ ہے۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
فیلڈ مارشل سید عاصم منیر نے کہا کہ بلوچستان کے محب وطن، باصلاحیت اور ثابت قدم عوام صوبے کی سب سے بڑی طاقت ہیں، وفاقی اور صوبائی حکومتوں کے ترقیاتی منصوبے بلوچستان کی سماجی و معاشی ترقی کے لیے عوامی اور جامع حکمت عملی کے تحت جاری ہیں۔
فیلڈ مارشل سید عاصم منیر نے قومی یکجہتی کے فروغ میں سول سوسائٹی، جامعات، میڈیا اور نوجوانوں کے مثبت کردار کو سراہا۔ انہوں نے کہا کہ پاکستان کے روشن مستقبل کے لیے قومی اتحاد، استقامت اور مشترکہ کوششیں ناگزیر ہیں۔
بارشی پانی کی نکاسی نہ ہونے سے گاڑیاں اور موٹرسائیکلیں بند، شہری شدید مشکلات کا شکار
اجلاس کے اختتام پر شرکاء نے پاکستان کے استحکام، ترقی اور خودمختاری کے لیے اپنے مشترکہ عزم کا اعادہ کیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار