میرپورخاص،پولیس کا آمنہ قتل کیس میں ملوث ملزم کی گرفتاری کادعویٰ
اشاعت کی تاریخ: 12th, November 2025 GMT
data-id="863a0a8" data-element_type="widget" data-widget_type="theme-post-content.default">
میرپورخاص(نمائندہ جسارت) مورخہ 4 نومبر کو میرپورخاص کی تحصیل شجاع آباد کے علاقہ جھلوری میں ایک معصوم بچی پرائمری اسکول کی طالبہ آمنہ بنت غلام حیدر کنڈانی بلوچ عمر 7/8 سال کی گمشدگی کا مقدمہ نمبر 73/2025 زیر دفعہ پولیس اسٹیشن تعلقہ میں والد کی مدعیت میں داخل کیا گیا مقدمہ نامعلوم ملزمان کے خلاف داخل کیا گیا ۔ایس ایس پی میرپورخاص ڈاکٹر سمیر نور چنا کے احکامات پر اسپیشل ٹیم تعینات کی گئیں۔ ایس ایس پی ڈاکٹر سمیر نور چنا نے بتایا کہ دوران تفتیش ابتدائی معلومات میں یہ ظاہر کیا گیا کہ بچی کو اسکول ٹائم کے دوران اغوا کیا گیا۔ دوران تفتیش9 نومبر کو ایک نامعلوم لاش دبکا شاخ سے برآمد ہوئی۔ جس کی شناخت آمنہ بنت غلام حیدر سے ہوئی جو بروقت مقتول آمنہ کا پوسٹ مارٹم کرایا گیا۔ تاکہ قتل کی وجوہات سامنے آسکیں جو ابتدائی میڈیکل رپورٹ میں موت کی وجہ گلے میں پھندہ بتائی گئی۔ جو فائنل میڈیکل رپورٹ ابھی آنا باقی ہے دوران تفتیش پولیس ٹیم نے مزید پیشرفت کرتے ہوئے مختلف پہلوؤں کو زیر غور رکھا اور انہی کی بنا پر مختلف پیشہ سے تعلق رکھنے والے افراد سے فرداً فرداً معلومات حاصل کی اور مشکوک افراد کی نا صرف سرویلینس کی گئی بلکہ تفتیش میں بھی شامل کیا گیا اسی دوران تفتیشی ٹیم نے کیس کے مرکزی ملزم زاہد ولد محمد اشرف عرف کھبڑ خاصخیلی کو 12نومبر کو نزد گوٹھ مبین خاصخیلی سے گرفتار کیا دوران تفتیش ملزم زاہد خاصخیلی نے ابتدائی تفتیش میں بتایا کہ اس نے مقتو لہ آمنہ کو اغوا کرنے کے بعد پوشیدہ طریقہ سے گورنمنٹ پرائمری گرلز اسکول جھلوری میں زنا کے ارادے سے لے گیا۔ البتہ بچی کے رونے اور شور مچانے پر ملزم نے کچرے میں پڑی ڈرپ کی ٹیوب سے بچی کا گلہ گھونٹ کر قتل کر دیا اور بچی کی لاش کو اسکول کی دیوار کے عقب میں چھپا کر روانہ ہو گیا ملزم نے جرم چھپانے کی خاطر مقتولہ آمنہ کے باپ کو جا کر اطلاع دی کہ مقتولہ آمنہ اسکول کے پاس رو رہی تھی جسے میں اسکول چھوڑ کر آیا ہوںملزم نے مزید انکشاف کیا کہ ایسی غلط اطلاع دینے کا مقصد تفتیشی ٹیم کو گمراہ کرنا تھا ملزم نے دوران تفتیش مزید انکشاف کیا کہ4 نومبر کو رات کے وقت واپس ایک بند ویران اسکول کی عمارت کے اندر جا کر لاش کو ایک بیگ (کٹا) میں چھپا کر اسکول سے کچھ دور فاصلے پر واقع جمڑاو نہر کے اندر لاش کو پھینک دیا۔ ملزم نے مزید انکشاف کیا کہ وہ بچی کو اکثر و بیشتر چیز دے کر اپنی جانب راغب کرنے کی کوشش کرتا تھا ملزم نے مزید انکشاف کیا کہ وہ بچی کے آنے جانے کہ اوقات پر نظر رکھے ہوا تھا اور موقع دیکھتے ہی اس نے اغوا کیا،ملزم نے چالاکی سے مقتولہ کی فیملی اور پولیس کو گمراہ کرنے کی کوشش سے غلط انفارمیشن دیتا رہاملزم نے اپنی بیوی کو کافی ٹائم سے طلاق دی ہے اور علاقہ میں حجام کا کام کرتا ہے۔
ذریعہ
ذریعہ: Jasarat News
کلیدی لفظ: مزید انکشاف کیا کہ دوران تفتیش کیا گیا
پڑھیں:
سیکیورٹی فورسز کی مستونگ میں کارروائی کے دوران فتنہ الہندوستان کے 6 دہشت گرد ہلاک
اسلام آباد: سیکیورٹی فورسز نے مستونگ میں کارروائی کے دوران فتنہ الہندوستان کے 6 دہشت گردوں کو ہلاک اور متعدد کو گرفتار کرلیا. گرفتار شدگان میں سہولت کار سمیت مرد اور خواتین خودکش بمبار بھی شامل ہیں۔بلوچستان میں انٹیلی جنس بیسڈ آپریشن کامیابی سے جاری ہے. سیکیورٹی فورسز نے کارروائیاں تیز کرتے ہوئے دہشت گردوں کے خلاف گھیرا مزید تنگ کردیا۔سیکیورٹی ذرائع کے مطابق سیکیورٹی فورسز نے بلوچستان میں مستونگ کےعلاقہ کھڈ کوچہ میں بروقت کارروائی کرتے ہوئے فتنہ الہندوستان کے 6 دہشت گرد وں کو جہنم واصل کر دیا۔سیکیورٹی ذرائع کے مطابق خفیہ اطلاعات کی بنیاد پر کی گئی سیکیورٹی فورسز کی اس کارروائی کے دوران متعدد دہشت گردوں کو گرفتار بھی کر لیا گیا. گرفتار دہشت گردوں میں سہولت کار سمیت مرد اور خواتین خودکش بمبار بھی شامل ہیں۔سیکیورٹی ذرائع کے مطابق سیکیورٹی فورسز کی مؤثر کاروائی میں دہشت گردوں کی متعدد کمین گاہیں مکمل طور پر تباہ کر دی گئیں. کارروائی کے دوران دہشت گردوں کے ٹھکانوں سے بھاری مقدار میں اسلحہ اور گولہ بارود بھی برآمد کر لیا گیا۔آپریشن کے دوران علاقے میں سرچ اور کلیئرنس کارروائیاں جاری ہیں، سیکیورٹی فورسز کی جانب سے مکمل نگرانی برقرار ہے. حالیہ دنوں میں مستونگ کےعلاقہ کھڈ کوچہ میں دہشتگردوں کی مذموم کاروائیوں کے بعد سیکیورٹی فورسز کی جانب سے انٹیلی جنس بیسڈ آپریشن تیز کر دیے گئے ہیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار