ماتلی ، بھٹہ مالکان کا اجلاس، ماحولیاتی آلودگی کنٹرول کرنے پر غور
اشاعت کی تاریخ: 12th, November 2025 GMT
data-id="863a0a8" data-element_type="widget" data-widget_type="theme-post-content.default">
ماتلی (نمائندہ جسارت)اسسٹنٹ کمشنر ماتلی کے دفتر میں ڈپٹی کمشنر بدین یاسر احمد بھٹی کی زیرِ صدارت تمام اینٹوں کے بھٹہ مالکان کا ایک اہم اجلاس منعقد ہوا، جس میں ماحولیات کے تحفظ، فضائی آلودگی میں کمی، اور بھٹہ انڈسٹری سے وابستہ حکومتی پالیسیوں پر تفصیلی غور کیا گیا۔اجلاس کے دوران بھٹہ مالکان کو حکومتِ سندھ اور ماحولیاتی تحفظ کے اداروں کی نئی پالیسی سے آگاہ کیا گیا، جس کے تحت تمام روایتی بھٹوں کو مرحلہ وار زگ زیگ ٹیکنالوجی اور صاف ایندھن پر منتقل کرنے کی ہدایت کی گئی ہے تاکہ فضائی آلودگی میں نمایاں کمی لائی جا سکے۔ڈپٹی کمشنر بدین نے واضح کیا کہ اینٹوں کے بھٹوں سے اٹھنے والا دھواں نہ صرف انسانی صحت بلکہ زراعت اور ماحول کے لیے بھی نقصان دہ ہے۔ انہوں نے کہا کہ حکومتِ سندھ کی پالیسی کے مطابق اب پرانے طرز کے بھٹے ناقابلِ قبول ہیں اور ہر بھٹہ مالک کی ذمے داری ہے کہ وہ ماحول دوست اقدامات کو یقینی بنائے۔انہوں نے تمام بھٹہ مالکان کو پندرہ دن کی مہلت دیتے ہوئے ہدایت کی کہ وہ صاف ایندھن (جیسے بایو ماس، لکڑی کے متبادل یا زگ زیگ سسٹم) پر منتقلی کے اقدامات مکمل کریں۔ ڈپٹی کمشنر نے متنبہ کیا کہ مقررہ مدت کے بعد اگر کسی بھٹے پر مضر یا غیر قانونی ایندھن استعمال ہوتا پایا گیا تو سخت قانونی کارروائی کی جائے گی، اور ایسے بھٹے بند کر دیے جائیں گے۔انہوں نے مزید کہا کہ ضلعی انتظامیہ ماحول دوست پالیسیوں پر عملدرآمد کے لیے بھرپور اقدامات کر رہی ہے تاکہ عوام کو صاف فضا اور بہتر ماحول فراہم کیا جا سکے۔
ذریعہ
ذریعہ: Jasarat News
پڑھیں:
اسحاق ڈار ایس سی او وزرائے خارجہ اجلاس کیلئے کرغزستان پہنچ گئے
دفتر خارجہ کے ترجمان کے مطابق نائب وزیراعظم ایس سی او وزرائے خارجہ کے غیر رسمی عشائیے میں شرکت کریں گے اور رکن ممالک کے اپنے ہم منصبوں سے باہمی دلچسپی کے امور پر تبادلہ خیال کریں گے۔ اسلام ٹائمز۔ نائب وزیراعظم اور وزیر خارجہ سینیٹر محمد اسحاق ڈار شنگھائی تعاون تنظیم (ایس سی او) کے وزرائے خارجہ کونسل کے اجلاس میں شرکت کے لیے کرغزستان کے شہر چولپون آتا پہنچ گئے۔ ترجمان دفتر خارجہ کے مطابق چولپون آتا پہنچنے پر کرغزستان کے نائب وزیر خارجہ کیرات تورسنکولوف نے نائب وزیراعظم کا استقبال کیا۔ اس موقع پر کرغزستان میں پاکستان کے سفیر التمش وزیر اور ایس سی او کے لیے قومی رابطہ کار ڈاکٹر محمد فیصل بھی موجود تھے۔ ترجمان نے بتایا کہ نائب وزیراعظم ایس سی او وزرائے خارجہ کے غیر رسمی عشائیے میں شرکت کریں گے اور رکن ممالک کے اپنے ہم منصبوں سے باہمی دلچسپی کے امور پر تبادلہ خیال کریں گے۔ دفتر خارجہ کے ترجمان کے مطابق ملاقاتوں میں کل ہونے والے ایس سی او وزرائے خارجہ کونسل کے اجلاس کے ایجنڈے پر بھی بات چیت کی جائے گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار