پی پی ایس سی کا مختلف اسامیوں کے تحریری اور حتمی نتائج کا نوٹیفکیشن جاری
اشاعت کی تاریخ: 4th, July 2025 GMT
قیصر کھوکھر : سیکرٹری پنجاب پبلک سروس کمیشن، افضال احمد نےمحکمہ ریونیو، اطلاعات و ثقافت، بلدیات، معدنیات، ہاؤسنگ، مواصلات، اور دیگر مختلف محکموں کی اسامیوں کے تحریری اور حتمی نتائج کا نوٹیفکیشن جاری کردیا ہے۔
پنجاب پبلک سروس کمیشن نے حکومت پنجاب کے 13 مختلف محکموں کی اسامیوں کے تحریری اور حتمی نتائج کا اعلان کیا ہے۔
محکمہ پرائمری اینڈ سیکنڈری ہیلتھ کیئر، ڈائریکٹوریٹ آف ڈرگ کنٹرول میں لاء آفیسر کی 2 آسامیوں کے لیے 11 امیدوار تحریری امتحان میں کامیاب قرار پائے ہیں۔
سپورٹس بورڈ پنجاب، یوتھ افیئرز اینڈ اسپورٹس ڈیپارٹمنٹ میں اسسٹنٹ ڈائریکٹر اسٹیٹ مینجمنٹ کی ایک آسامی کے لیے 5 امیدوار تحریری امتحان میں کامیاب ہوئے ہیں۔
محکمہ اطلاعات و ثقافت کے ذیلی ادارے پنجاب جرنلسٹس ہاؤسنگ فاؤنڈیشن میں ایڈمنسٹریٹر کی ایک آسامی کے لیے ایک امیدوار کو حتمی طور پر کامیاب قرار دیا گیا ہے۔
محکمہ معدنیات میں جیولوجسٹ کی آسامیوں کے لیے 2 امیدواروں کو حتمی طور پر کامیاب قرار دیا گیا ہے۔
محکمہ بلدیات، لوکل گورنمنٹ اینڈ کمیونٹی ڈویلپمنٹ میں میونسپل آفیسر (فنانس) / ڈپٹی میونسپل آفیسر / اسسٹنٹ ڈائریکٹر کی آسامیوں کے لیے 6 امیدواروں کو حتمی طور پر کامیاب قرار دیا گیا ہے۔
محکمہ آبپاشی میں سب انجینئر (سول) سرگودھا زون کی 18 اسامیوں کے لیے 17 امیدواروں کو حتمی طور پر کامیاب قرار دیا گیا ہے جبکہ اقلیتی کوٹہ کی ایک آسامی موزوں امیدوار نہ ملنے کی وجہ سے خالی رہی۔
محکمہ ہاؤسنگ اربن ڈویلپمنٹ اینڈ پبلک ہیلتھ انجینئرنگ، واسا گوجرانوالہ میں اسسٹنٹ ڈائریکٹر (سول انجینئرنگ) کی 3 آسامیوں کے لیے 3 امیدواروں کو کامیاب قرار دیا گیا ہے۔
راولپنڈی ڈویلپمنٹ اتھارٹی میں اسسٹنٹ ڈائریکٹر (پلاننگ / بلڈنگ کنٹرول / میٹروپولیٹن لینڈ یوز) کی 3 آسامیوں کے لیے 3 امیدوار حتمی طور پر کامیاب قرار دیے گئے ہیں۔
ڈپٹی کمشنر / ڈسٹرکٹ کلیکٹر آفس جہلم میں اسٹینوگرافر کی 10 آسامیوں میں سے 2 امیدواروں کو کامیاب قرار دیا گیا ہے جبکہ 8 آسامیاں موزوں امیدواروں کی عدم دستیابی کی وجہ سے خالی رہ گئیں۔
ڈپٹی کمشنر / ڈسٹرکٹ کلیکٹر آفس بہاولنگر میں اسٹینوگرافر کی 10 آسامیاں مشتہر کی گئیں جن میں سے ایک امیدوار کو کامیاب قرار دیا گیا ہے جبکہ 9 آسامیاں موزوں امیدوار نہ ہونے کی وجہ سے خالی رہ گئیں۔
محکمہ سروسز اینڈ جنرل ایڈمنسٹریشن میں کمیونیکیشن سیکیورٹی اسسٹنٹ کی ایک آسامی کے لیے ایک امیدوار کو حتمی طور پر کامیاب قرار دیا گیا ہے۔
محکمہ آبپاشی لاہور زون میں ضلعدار (سروس کوٹہ) کی ایک آسامی کے لیے ایک امیدوار کو کامیاب قرار دیا گیا ہے
محکمہ اسپیشلائزڈ ہیلتھ کیئر اینڈ میڈیکل ایجوکیشن میں سینئر رجسٹرار گائناکالوجی کی 60 آسامیوں کے لیے 57 امیدواروں کو حتمی طور پر کامیاب قرار دیا گیا ہے، جبکہ اقلیتی کوٹہ اور خصوصی افراد کوٹہ کی 3 آسامیاں خالی رہ گئیں۔
حتمی فہرستیں پنجاب پبلک سروس کمیشن کی ویب سائٹ پر بھی دستیاب ہیں۔
معمولی تلخ کلامی پر فائرنگ سے شہری کو زخمی کرنے والا ملزم گرفتار
Ansa Awais Content Writer.ذریعہ: City 42
کلیدی لفظ: امیدواروں کو حتمی طور پر کامیاب قرار دیا گیا ہے کو حتمی طور پر کامیاب قرار دیا گیا ہے محکمہ کو کامیاب قرار دیا گیا ہے کی ایک آسامی کے لیے اسسٹنٹ ڈائریکٹر آسامیوں کے لیے ایک امیدوار کو اسامیوں کے
پڑھیں:
لاہور ہائیکورٹ: بانی پی ٹی آئی کی 9 مئی کے 8 مقدمات میں ضمانت مسترد ہونے کا تحریری فیصلہ جاری
فائل فوٹولاہور ہائیکورٹ نے بانی پی ٹی آئی کی 9 مئی کے 8 مقدمات میں ضمانت مسترد ہونے کا تحریری فیصلہ جاری کردیا۔
جسٹس شہباز علی رضوی کی سربراہی میں 2 رکنی بینچ نے 7صفحات پر مشتمل فیصلہ جاری کیا ہے۔
عدالت کے مطابق تمام مقدمات ضابطہ فوجداری کے سیکشن 497 کے زمرے میں آتے ہیں، کیسز میں مزید تحقیقات کی ضرورت ہے۔ ٹرائل کورٹ نے پولی گرافک، فوٹو گرامیٹک اور وائس میچنگ ٹیسٹ کروانے کی اجازت دی۔
جسٹس شہباز رضوی کی سربراہی میں 2 رکنی بینچ نے درخواستوں پر فیصلہ سنا دیا۔
تحریری فیصلے میں کہا گیا کہ بظاہر بانی پی ٹی آئی نے تفتیشی عمل میں تعاون نہیں کیا، تمام کیسوں میں مزید تفتیش کی ضرورت ہے۔
لاہور ہائیکورٹ کے فیصلے میں کہا گیا کہ بانی پی ٹی آئی کی تمام درخواستیں مسترد کی جاتی ہیں۔
امریکا‘ اسرائیل غزہ اور ایران سے مزاحمت پر سٹپٹا گئے‘ لیاقت بلوچ