مظفرگڑھ: 30 ڈاکو 180 بھینسیں لے گئے
اشاعت کی تاریخ: 8th, July 2025 GMT
فائل فوٹو
مظفر گڑھ کی تحصیل علی پور کے علاقے موضع لنگرواہ میں ڈکیتی کی انوکھی واردات نے سب کو حیران کردیا۔
اس انوکھی واردات میں 30 ڈاکو 180 بھینسیں ساتھ لے گئے۔
اہل علاقہ کے مطابق 30 مسلح ڈاکوؤں نے علاقے میں یلغار کی اور ملزمان 180 بھینسیں لے کر کچے میں فرار ہوگئے۔
اس حوالے سے پولیس کا مؤقف بھی سامنے آیا ہے۔
پولیس کے مطابق ڈاکوؤں کا تعلق بوسن اور دیگر جرائم پیشہ گینگز سے ہے جن کی تلاش کے لیے مظفرگڑھ اور راجن پور کے کچے کے علاقے میں ناکہ بندی کردی گئی ہے۔
.
ذریعہ
ذریعہ: Jang News
پڑھیں:
مارکیٹوں اور دکانوں کے اوقات کار میں توسیع کی منظوری
فوٹو: فائلکفایت شعاری اقدامات کی نگرانی و عملدرآمد کمیٹی نے مارکیٹوں اور دکانوں کے اوقات کار میں توسیع کی منظوری دے دی گئی۔
نائب وزیراعظم و وزیر خارجہ اسحاق ڈارکی زیر صدارت کفایت شعاری اقدامات کی نگرانی و عملدرآمد کمیٹی کا اجلاس ہوا، جس میں مارکیٹوں اور دکانوں کے اوقات کار میں توسیع کی منظوری دی گئی۔
اعلامیہ کے مطابق دکانیں، مارکیٹیں، شاپنگ مالز اور جنرل ریٹیل رات 9 بجے تک کھلے رہ سکیں گے جبکہ ریسٹورنٹس رات 11 بجے تک کھلے رہیں گے، ٹیک اوے اور ڈلیوری سروسز مستثنیٰ ہوں گی۔
اعلامیہ کے مطابق شادی ہالز اور تقریباتی مقامات کے اوقات رات 10 بجے تک برقرار رکھنے کا فیصلہ کیا گیا ہے۔
اعلامیہ کے مطابق فارمیسی، اسپتال، پیٹرول پمپس، آئی ٹی اور ٹیلی کام سے متعلق ضروری خدمات اوقات کار کی پابندی سے مستثنیٰ ہوں گی۔
صوبائی حکومتوں کو وفاقی اداروں کے تعاون سے نئے اوقات کار پر مؤثر عملدرآمد یقینی بنانے کی ہدایت کی گئی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ