طالبان حکومت نے عالمی فوجداری عدالت کے وارنٹ گرفتاری کو مسترد کردیا
اشاعت کی تاریخ: 8th, July 2025 GMT
افغانستان کی حکومت اور طالبان کے ترجمان نے عالمی فوجداری عدالت کے طالبان راہنماؤں کے گرفتاری وارنٹ پر رد عمل دیتے ہوئے کہا کہ ایسے احمقانہ اعلانات شرعی قوانین سے ہماری مضبوط وابستگی اور عزم پر اثرانداز نہیں ہوں گے۔ اسلام ٹائمز۔ افغان طالبان نے عالمی فوجداری عدالت کے امیر ملا ہیبت اللہ اخوندزادہ اور چیف جسٹس عبدالحکیم حقانی کے وارنٹ گرفتاری کو مسترد کر دیا۔ افغانستان کی حکومت اور طالبان کے ترجمان ذبیح اللہ مجاہد نے عالمی فوجداری عدالت کے طالبان راہنماؤں کے گرفتاری وارنٹ پر رد عمل دیتے ہوئے کہا کہ ایسے احمقانہ اعلانات شرعی قوانین سے ہماری مضبوط وابستگی اور عزم پر اثرانداز نہیں ہوں گے۔ انہوں نے گرفتاری وارنٹ کو مسترد کرتے ہوئے کہا کہ طالبان حکومت اس عدالت کو تسلیم نہیں کرتی۔
یاد رہے کہ بین الاقوامی فوجداری عدالت ( آئی سی سی) نے خواتین کے خلاف جبری اقدمات پر افغان طالبان راہنماؤں کے وارنٹ گرفتاری جاری کیے ہیں، عدالت کی جانب سے افغان سپریم لیڈر ہیبت اللہ اخوندزادہ اور چیف جسٹس عبدالحکیم حقانی کے وارنٹ گرفتاری جاری کیے گئے۔ آئی سی سی کے جج نے وارنٹ جاری کرتے ہوئے لکھا کہ ایسے معقول شواہد موجود ہیں جن سے پتہ چلتا ہےکہ طالبان راہنماؤں نےخواتین کے خلاف صنفی بنیادوں پر انسانیت کے خلاف جرائم کا ارتکاب کیا ہے۔
ذریعہ: Islam Times
کلیدی لفظ: نے عالمی فوجداری عدالت کے کے وارنٹ گرفتاری طالبان راہنماؤں
پڑھیں:
علیمہ خان نے ناقابلِ ضمانت وارنٹ گرفتاری پر دستخط کردیے
بانی چیئرمین پاکستان تحریک انصاف (پی ٹی آئی) کی ہمشیرہ علیمہ خان نے ناقابل ضمانت وارنٹ گرفتاری پر دستخط کردیے ہیں۔
عدم حاضری پر انسداد دہشت گردی عدالت (اے ٹی سی) راولپنڈی نے ساتویں بار علیمہ خان کے وارنٹ گرفتاری جاری کیے۔
ڈی ایس پی نے ٹیم کے ہمراہ علیمہ خان سے وارنٹ کی تعمیل کروالی ہے۔
دوسری طرف علیمہ خان کو آج بھی اڈیالہ جیل میں بانی پی ٹی آئی سے ملاقات نہیں کرنے دی گئی۔
ملاقات کی اجازت نہ ملنے پر علیمہ خان کا بارش میں گورکھپور ناکے پر دھرنا جاری ہے، جس کے باعث اڈیالہ روڈ پر ٹریفک جام رہا۔
کراچی، نادرن بائی پاس پر پلاسٹک کے گودام میں آگ لگ گئی