آئندہ سال حج کیلئے 2 لاکھ پاکستانیوں نے رجسٹریشن کرالی
اشاعت کی تاریخ: 9th, July 2025 GMT
data-id="863a0a8" data-element_type="widget" data-widget_type="theme-post-content.default">
آئندہ سال حج 2026 کے لیے اب تک 2 لاکھ پاکستانی شہری رجسٹریشن کرا چکے ہیں۔
ترجمان وزارت مذہبی امور کے مطابق حج 2026 کے لیے لازمی رجسٹریشن کا کل آخری دن ہے، اور خواہش مند افراد گھر بیٹھے آن لائن بھی رجسٹریشن کروا سکتے ہیں۔
ترجمان نے واضح کیا کہ رجسٹریشن کے لیے کسی قسم کی فیس ادا نہیں کرنا ہوگی۔ صرف وہی افراد حج 2026 کے لیے اہل سمجھے جائیں گے جنہوں نے بروقت رجسٹریشن مکمل کی ہو۔
انہوں نے مزید بتایا کہ رجسٹریشن کے بعد درخواست گزار سرکاری یا نجی حج اسکیم کا انتخاب کر سکیں گے، جبکہ حج کے اخراجات اور دیگر شرائط و ضوابط حج پالیسی کے تحت بعد میں جاری کیے جائیں گے۔
ترجمان کا کہنا تھا کہ یہ رجسٹریشن سعودی حکومت کی ہدایات پر کی جا رہی ہے، مکمل اعداد و شمار سعودی حکام کو فراہم کیے جائیں گے، جس کی بنیاد پر پاکستان کے لیے حج کوٹہ مختص کیا جائے گا۔
حج 2026 کے لیے رجسٹریشن کروانے کے لیے یہاں کلک کریں۔
.ذریعہ: Jasarat News
کلیدی لفظ: حج 2026 کے لیے
پڑھیں:
سویڈن نے پاکستانیوں کیلیے ویزا سروس بحال کردی
data-id="863a0a8" data-element_type="widget" data-widget_type="theme-post-content.default">
اسلام آباد (اے پی پی) ترجمان دفتر خارجہ کی جانب سے پیر کو جاری بیان کے مطابق 2 جولائی کو اسٹاک ہوم میں پاکستان اور سویڈن کی وزارت خارجہ کے درمیان ہونے والے دوطرفہ سیاسی مشاورت کے بعد سویڈن کی حکومت نے اسلام آباد میں ویزا سروسز دوبارہ شروع کرنے کا اعلان کیا ہے۔ ترجمان نے کہا کہ اس سے پاکستانیوں کو مختصر قیام کیلیے سویڈن جانے کی سہولت ملے گی۔ اور 7 جولائی 2025 سے موثر پاکستانی شہری 90 دن تک کے سویڈن کے دوروں کے لیے پاکستان سے شینگن ویزا کیلیے درخواست دے سکتے ہیں۔ ترجمان نے کہا کہ پاکستان اس مثبت پیش رفت کا خیرمقدم کرتا ہے جو دونوں ممالک کے درمیان دوطرفہ تعلقات کی مضبوطی کی عکاسی کرتا ہے۔
جی ایچ کیو حملہ اور سانحہ 9 مئی کے مقدمات کی سماعت آج پھر ملتوی