حج 2026 کے لیے 2 لاکھ پاکستانیوں نے رجسٹریشن کرالی
اشاعت کی تاریخ: 8th, July 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد: حج 2026 کے لیے پاکستان بھر سے اب تک 2 لاکھ عازمینِ حج نے اپنی رجسٹریشن مکمل کرالی ہے۔
میڈیا رپورٹس کےمطابق ترجمان وزارت مذہبی امور کاکہنا ہےکہ رجسٹریشن کے عمل کے دوران کوئی فیس وصول نہیں کی گئی، یہ عمل مکمل طور پر بلا معاوضہ تھا، حج 2026 کے لیے قبل از وقت رجسٹریشن لازمی قرار دی گئی ہے تاکہ سعودی حکومت کو بروقت اعداد و شمار فراہم کیے جا سکیں۔
ترجمان کا مزید کہنا تھا کہ صرف وہ افراد جو مقررہ وقت میں رجسٹریشن کرائیں گے، حج 2026 کے اہل تصور کیے جائیں گے۔ رجسٹریشن مکمل کرنے والے درخواست گزار بعد ازاں سرکاری یا نجی حج اسکیم میں سے کسی ایک کا انتخاب کر سکیں گے۔ اخراجات، شرائط و ضوابط اور دیگر تفصیلات آئندہ جاری کی جانے والی حج پالیسی کے مطابق طے ہوں گی۔
حج رجسٹریشن کا یہ عمل سعودی حکومت کی ہدایات کے تحت انجام دیا جا رہا ہے، جس کے مطابق ہر ملک کو اپنے ممکنہ عازمین کی قبل از وقت فہرست فراہم کرنا لازم ہے، پاکستان کی طرف سے رجسٹریشن مکمل ہونے کے بعد سعودی حکومت کو اعداد و شمار مہیا کیے جائیں گے اور انہی کی بنیاد پر پاکستان کے لیے حج کوٹہ مختص کیا جائے گا۔
وزارت مذہبی امور نے تمام خواہش مند شہریوں سے اپیل کی ہے کہ وہ آج کے دن کے اندر اندر اپنی رجسٹریشن مکمل کریں تاکہ حج 2026 کے بابرکت سفر میں شرکت یقینی بنائی جا سکے۔
.ذریعہ: Jasarat News
کلیدی لفظ: حج 2026 کے کے لیے
پڑھیں:
مریم نواز سب سے زیادہ منصوبے شروع اور مکمل کرنیوالی وزیرِاعلیٰ، عظمیٰ بخاری
مریم نواز پنجاب کی سب سے زیادہ منصوبے شروع اور مکمل کرنیوالی وزیرِاعلیٰ، عظمیٰ بخاری
لاہور:(نیوز ڈیسک)وزیر اطلاعات و ثقافت پنجاب عظمیٰ بخاری نے کہا ہے کہ وزیراعلیٰ پنجاب مریم نواز صوبے کی تاریخ میں سب سے زیادہ ترقیاتی منصوبے شروع کرنے اور مکمل کرنے والی وزیرِاعلیٰ ہیں۔
لاہور میں پریس کانفرنس کرتے ہوئے عظمیٰ بخاری نے کہا کہ پنجاب حکومت نے عوامی فلاح و بہبود کے لیے متعدد اقدامات کیے ہیں اور سیلاب متاثرین میں 10 ارب روپے تقسیم کیے جا چکے ہیں۔ ان کا کہنا تھا کہ حکومت نے فیصلہ کیا ہے کہ مریم نواز کے فلاحی منصوبوں سے متعلق تفصیلات عوام تک پہنچائی جائیں گی۔
عظمیٰ بخاری نے بتایا کہ وہ آج پنجاب حکومت کے 16 منصوبوں پر تفصیل سے بات کر رہی ہیں۔ ان کے مطابق پنجاب کے منصوبے ہر قسم کی کرپشن سے پاک ہیں، جبکہ مخالفین کے تو کلرکوں سے بھی اربوں روپے برآمد ہو جاتے ہیں۔
انہوں نے کہا کہ پنجاب میں اب ڈی سی، کمشنر اور اے سی کا ’’ریٹ‘‘ ختم ہو چکا ہے، بیوروکریسی کی کارکردگی کو کے پی آئی سسٹم کے تحت مانیٹر کیا جا رہا ہے۔
وزیر اطلاعات نے طنزیہ انداز میں خیبر پختونخوا حکومت کو تنقید کا نشانہ بناتے ہوئے کہا کہ کل کے پی میں نئی سائنسی ایجاد ہوئی، وزیراعلیٰ نے کوئی عینک لگائی، سمجھ نہیں آئی کہ سینسر لگا کر کیا کیا جا رہا ہے۔ کاش ایسی عینک بن جائے جو اڈیالہ کے مجاوروں کو کے پی کی محرومیاں، اسکول، اسپتال اور امن و امان کی بگڑتی ہوئی صورتحال دکھا سکے۔ اگر ایسی عینک بنانی ہو تو پنجاب حکومت مدد کے لیے تیار ہے۔
انہوں نے پنجاب حکومت کے ’’ستھرا پنجاب پروگرام‘‘ کو تاریخ کا سب سے بڑا صفائی کا منصوبہ قرار دیا۔ ان کا کہنا تھا کہ ستھرا پنجاب کے تحت ایک لاکھ 40 ہزار 400 ورکرز اور دو ہزار سے زائد افسران کام کر رہے ہیں، اب تک 94 لاکھ 4 ہزار ٹن ویسٹ ٹھکانے لگایا جا چکا ہے۔
عظمیٰ بخاری نے کہا کہ ستھرا پنجاب اور الیکٹرک بس سروس عوام میں سب سے زیادہ پذیرائی حاصل کرنے والے منصوبے ہیں۔ الیکٹرک بسوں کا فیز ٹو شروع ہو چکا ہے جس کے تحت 200 نئی بسیں فراہم کی جا رہی ہیں، جبکہ فیز ٹو میں بہاولپور، راجن پور اور گجر خان سمیت کئی اضلاع کو بسیں دی جائیں گی۔
انہوں نے بتایا کہ چکوال، جہلم، بہاولنگر، جھنگ، راولپنڈی، رحیم یار خان اور ٹوبہ ٹیک سنگھ میں بھی الیکٹرک بسیں متعارف کرائی جا رہی ہیں۔ ان کا کہنا تھا کہ دسمبر تک پنجاب بھر کے 42 شہروں میں 1100 الیکٹرک بسیں فراہم کی جائیں گی۔
عظمیٰ بخاری کے مطابق روزانہ 8 لاکھ شہری الیکٹرک بسوں پر جبکہ 4 میٹرو بس سروسز کے ذریعے 9 لاکھ مسافر سفر کر رہے ہیں۔
کراچی، نادرن بائی پاس پر پلاسٹک کے گودام میں آگ لگ گئی