پاکستانی عازمین حج کی رجسٹریشن کی آخری تاریخ آج ختم ہو جائے گی
اشاعت کی تاریخ: 9th, July 2025 GMT
وزارتِ مذہبی امور کے مطابق حج 2026 کے خواہش مند پاکستانیوں کے لیے رجسٹریشن کی آخری تاریخ آج بروز بدھ ہے، جس کے بعد کوئی بھی شخص رجسٹریشن کے بغیر سرکاری یا نجی حج اسکیم میں شامل نہیں ہو سکے گا۔
وزارت کا کہنا ہے کہ خواہشمند عازمین ملک بھر کے 15 منظور شدہ بینکوں کے ذریعے رجسٹریشن کرا سکتے ہیں، جب کہ آن لائن رجسٹریشن کی سہولت بھی دستیاب ہے، جس کے ذریعے لوگ گھر بیٹھے خود کو رجسٹر کر سکتے ہیں۔
رجسٹریشن کے لیے کسی قسم کی فیس نہیں لی جا رہی، رجسٹریشن مکمل ہونے کے بعد عازمین سرکاری یا نجی حج اسکیم میں سے کسی ایک کا انتخاب کر سکیں گے۔
وزارت کے بیان کے مطابق حج 2026 کی لاگت، شرائط و ضوابط اور دیگر تفصیلات علیحدہ سے حج پالیسی کے تحت جاری کی جائیں گی۔
حکومت نے واضح کیا ہے کہ وہ افراد بھی رجسٹریشن کے پابند ہیں جو گزشتہ سال نجی اسکیم کے تحت رہ گئے تھے، اس کے علاوہ بیرونِ ملک مقیم پاکستانیوں کے لیے بھی رجسٹریشن لازمی قرار دی گئی ہے۔
یاد رہے کہ حج 2025 کے لیے پاکستان کو سعودی عرب سے 1,79,210 عازمین کا کوٹہ ملا تھا، جسے حکومت اور نجی حج آپریٹرز کے درمیان برابر تقسیم کیا گیا تھا۔
اگرچہ سرکاری اسکیم کا مکمل کوٹہ استعمال کیا گیا، تاہم نجی اسکیم میں بڑی تعداد میں کوٹہ استعمال نہیں ہو سکا کیونکہ بعض کمپنیوں نے ادائیگی اور رجسٹریشن کے عمل میں تاخیر کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان حج کوٹہ رجسٹریشن عازمین حج وازرت مذہبی امور.
ذریعہ
ذریعہ: WE News
کلیدی لفظ: پاکستان حج کوٹہ وازرت مذہبی امور رجسٹریشن کے کے لیے
پڑھیں:
5 جون کا وفاقی بجٹ اجلاس مؤخر، نئی تاریخ کا فیصلہ نہ ہوسکا
پانچ جون کا وفاقی بجٹ اجلاس مؤخر کردیا گیا، نئی تاریخ کا فیصلہ نہ ہوسکا۔
بجٹ پر پیپلز پارٹی کے خدشات دور کرنے کے لیے وزارت خزانہ میں حکومت اور پیپلز پارٹی کے منگل کی رات مذاکرات ہوئے مگر پیپلز پارٹی کے خدشات دور نہ کیے جاسکے۔
ذرائع کے مطابق پیپلز پارٹی اورحکومتی ٹیم کا اجلاس آج دوبارہ ہوگا۔
پیپلز پارٹی کو گلہ ہے کہ بجٹ پر انہیں اعتماد میں نہیں لیا گیا۔
حکومت بجٹ سے پہلے اہم قانون سازی کرنا چاہتی ہے لیکن پیپلز پارٹی مجوزہ ترامیم کی مخالف ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ