پاکستان اسٹاک مارکیٹ میں شدید مندی، 800 پوائنٹس کی کمی
اشاعت کی تاریخ: 9th, July 2025 GMT
بدھ کے روز پاکستان اسٹاک ایکسچینج میں شیئرز کی فروخت کا شدید دباؤ دیکھا گیا، جہاں بینچ مارک کے ایس ای 100 انڈیکس دورانِ کاروبار 783 پوائنٹس کی کمی کے ساتھ 132,619.72 پر پہنچ گیا، جو کہ 0.59 فیصد کمی کو ظاہر کرتا ہے۔
یہ مندی بینکنگ، فرٹیلائزر، تیل و گیس کی تلاش، اور ریفائنری جیسے اہم شعبوں میں فروخت کے باعث دیکھی گئی، نمایاں مندی کا شکار ہونے والے بڑے اسٹاکس میں اے آر ایل، این آر ایل، ایم اے آر آئی، او جی ڈی سی، پی پی ایل، پی او ایل، ایم سی بی، میزان بینک اور یو بی ایل شامل ہیں۔
یہ بھی پڑھیں: پاکستان اسٹاک ایکسچینج میں تیزی، کے ایس ای 100 انڈیکس 134,000 کی سطح عبور کر گیا
واضح رہے کہ گزشتہ روز یعنی منگل کو اسٹاک مارکیٹ اتار چڑھاؤ کا شکار رہی اور اختتام پر انڈیکس صرف 33 پوائنٹس کے اضافے کے ساتھ 133,403.
عالمی سطح پر، امریکی ڈالر بدھ کو دیگر بڑی کرنسیوں کے مقابلے میں ڈھائی ہفتے کی بلند ترین سطح کے قریب رہا، دوسری جانب، امریکی صدر ڈونلڈ ٹرمپ کے نئے تجارتی اقدامات کے اعلان کے بعد تانبے کی قیمت میں تاریخی اضافہ دیکھا گیا۔
صدر ٹرمپ نے تانبے پر 50 فیصد ٹیرف عائد کرنے کی دھمکی دی، جبکہ سیمی کنڈکٹرز اور دوا سازی کی مصنوعات پر بھی عنقریب محصولات لگانے کا عندیہ دیا، جس سے وال اسٹریٹ دباؤ میں آ گئی۔
مزید پڑھیں: پاکستان اسٹاک ایکسچینج میں کاروباری حجم 26 ارب روپے سے زائد، اسٹاک مارکیٹ کا مستقبل کیا ہوگا؟
ایشیا پیسفک کی اسٹاک مارکیٹوں میں ملا جلا رجحان رہا، جاپان کا نکی انڈیکس 0.2 فیصد نیچے آیا، آسٹریلیا 0.4 فیصد اور ہانگ کانگ 0.9 فیصد نیچے چلے گئے، دوسری جانب چین کے بلیو چپ اسٹاکس میں 0.2 فیصد اور جنوبی کوریا کے کوسپی میں 0.5 فیصد اضافہ دیکھا گیا۔
امریکی ایس اینڈ پی 500 فیوچرز میں بھی معمولی 0.1 فیصد کمی دیکھی گئی، جو ہفتے کے آغاز سے مجموعی طور پر 0.9 فیصد نیچے ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
100 انڈیکس او جی ڈی سی ایشیا پیسفک بینچ مارک پاکستان اسٹاک ایکسچینج پی پی ایل وال اسٹریٹ
ذریعہ
ذریعہ: WE News
کلیدی لفظ: 100 انڈیکس او جی ڈی سی پاکستان اسٹاک ایکسچینج پی پی ایل وال اسٹریٹ
پڑھیں:
سوناہزاروں روپے سستا، ایک دن کی بڑی کمی نے مارکیٹ ہلا دی
اسلام آباد(نیوز ڈیسک)عالمی مارکیٹ میں سونے کی قیمتوں میں نمایاں کمی کے اثرات پاکستان کی مقامی صرافہ مارکیٹ پر بھی مرتب ہوئے جہاں جمعہ کے روز سونے اور چاندی دونوں کی قیمتوں میں بڑی گراوٹ ریکارڈ کی گئی۔
آل پاکستان صرافہ جیمز اینڈ جیولرز ایسوسی ایشن کے مطابق 24 قیراط فی تولہ سونے کی قیمت میں 4 ہزار 600 روپے کی نمایاں کمی کے بعد نئی قیمت 4 لاکھ 27 ہزار 436 روپے مقرر ہوگئی۔
اسی طرح 10 گرام سونے کی قیمت 3 ہزار 944 روپے کم ہو کر 3 لاکھ 66 ہزار 457 روپے تک آگئی جس سے گزشتہ چند روز سے جاری اضافے کا رجحان وقتی طور پر رک گیا۔
دوسری جانب فی تولہ چاندی 61 روپے سستی ہونے کے بعد 6 ہزار 309 روپے میں فروخت ہونے لگی جبکہ عالمی منڈی میں بھی قیمتی دھاتوں کی قیمتوں میں کمی دیکھی گئی۔
بین الاقوامی مارکیٹ میں فی اونس سونے کی قیمت 46 ڈالر کمی کے بعد 4 ہزار 50 ڈالر پر آگئی۔ ماہرین کے مطابق امریکی ڈالر کی مضبوطی، عالمی مالیاتی منڈیوں میں اتار چڑھاؤ اور سرمایہ کاروں کی جانب سے محتاط حکمت عملی اختیار کیے جانے کے باعث سونے کی قیمتیں دباؤ کا شکار رہیں۔
تجزیہ کاروں کا کہنا ہے کہ عالمی مارکیٹ میں قیمتوں میں کمی کے باعث مقامی صرافہ بازار میں بھی سونا سستا ہوا ہے۔ اگر بین الاقوامی سطح پر یہی رجحان برقرار رہا تو آئندہ دنوں میں مقامی مارکیٹ میں مزید کمی کا امکان بھی موجود ہے تاہم ڈالر کی قدر اور عالمی معاشی صورتحال قیمتوں کے تعین میں اہم کردار ادا کریں گی۔
مزید پڑھیں۔جوز بٹلر نے ویسٹ انڈیز کے لیجنڈ کو بھی پیچھے چھوڑ دیا
بھارت سے جنگ اور افغانستان میں کارروائی خارج ازامکان نہیں، وزیردفاع