محکمہ خزانہ بلوچستان میں اسپشلسٹ ونگ کا قیام
اشاعت کی تاریخ: 10th, July 2025 GMT
سیکرٹری خزانہ عمران زرکون کے مطابق بجٹ سازی، مالیاتی منصوبہ بندی اور وسائل کی تقسیم میں ڈیٹا پر مبنی تجزیاتی ماڈلز استعمال کئے جائینگے، جس سے ترقیاتی منصوبوں کی رفتار اور معیار بہتر ہوگا۔ اسلام ٹائمز۔ بلوچستان کی صوبائی حکومت نے محکمہ خزانہ میں اصلاحات کا آغاز کرتے ہوئے محکمہ میں ایک نیا اسپیشلسٹ ونگ قائم کیا ہے۔ جو مالیاتی تجزیے، بجٹ تحقیق، پالیسی سازی اور آمدنی کے تجزیے جیسے شعبوں میں تکنیکی معاونت فراہم کرے گا۔ مذکورہ خصوصی ونگ مالیاتی امور کے ماہرین پر مشتمل ہوگا، جنہیں شفاف طریقہ کار کے تحت نجی شعبے سے کنٹریکٹ پر بھرتی کیا گیا ہے۔ حکومت کا کہنا ہے کہ اس اقدام کا مقصد صوبے کے مالیاتی نظام کو جدید تقاضوں سے ہم آہنگ کرنا ہے۔ اس ماڈل کا بنیادی مقصد روایتی بیوروکریٹک ڈھانچے کو جدید خطوط پر استوار کرنا اور مالیاتی کارکردگی میں بہتری لانا ہے۔ سیکرٹری خزانہ بلوچستان عمران زرکون نے اس حوالے سے بتایا کہ یہ ماڈل پاکستان میں اپنی نوعیت کا پہلا اور منفرد منصوبہ ہے۔
انکا کہنا ہے کہ اس کے ذریعے سرکاری شعبے میں نجی طرز کی کارکردگی کا تجربہ کیا جا رہا ہے۔ ان کے مطابق اب بجٹ سازی، مالیاتی منصوبہ بندی اور وسائل کی تقسیم میں ڈیٹا پر مبنی تجزیاتی ماڈلز استعمال کئے جائیں گے، جس سے نہ صرف عوامی خدمات میں بہتری آئے گی بلکہ ترقیاتی منصوبوں کی رفتار اور معیار بھی بہتر ہوگا۔ محکمہ خزانہ کے پرانے ڈھانچے میں موجود متعدد خالی اسامیوں کو واپس کر دیا گیا ہے اور اب محکمہ دو علیحدہ ونگز میں کام کرے گا۔ ایک اسپیشلسٹ و ٹیکنیکل ونگ اور دوسرا بیوروکریٹک ونگ ہوگا۔ حکومت کا دعویٰ ہے کہ وزیراعلیٰ سرفراز بگٹی کی مالیاتی اصلاحات پر مبنی پالیسی کے تحت یہ اقدام بلوچستان کے مالیاتی مستقبل کو شفاف، مؤثر اور پائیدار گورننس کی طرف لے جانے میں ایک سنگ میل ثابت ہوگا۔
ذریعہ: Islam Times
پڑھیں:
حکومتِ پاکستان نے پانڈا بانڈ کے اجرا کے لیے چین میں سرمایہ کاروں کے ساتھ پیشگی مارکیٹنگ پر مبنی ملاقاتوں کا سلسلہ شروع کر دیا
اسلام آباد (اُردو پوائنٹ اخبارتازہ ترین - اے پی پی۔ 10 جولائی2025ء) وزارتِ خزانہ کے وفد نے ممکنہ سرمایہ کاروں، انڈر رائٹرز، ممکنہ ضمانت دہندگان، چینی ریٹنگ ایجنسی اور چینی قانونی مشیروں کے ساتھ تکنیکی مذاکرات کیے ہیں، ریگولیٹری عمل، کریڈٹ کے تحفظ سے متعلق انتظامات اورآئندہ اجرا میں سرمایہ کاروں کی دلچسپی پر بھی گفتگو کی گئی۔وزیرِ خزانہ کے مشیر خرم شہزاد نے سوشل میڈیا پلیٹ فارم ایکس پر بتایا ہے کہ ان ملاقاتوں میں پاکستان کی مجموعی معاشی صورتحال اور مستقبل کے امکانات، قرضوں کے انتظام سے متعلق جاری اصلاحات اور مجوزہ پانڈا بانڈ ٹرانزیکشن کے ڈھانچے اور پیش رفت پر توجہ مرکوز رہی۔ ایکس پر پوسٹ کے مطابق اس غیر تجارتی روڈ شو (این ڈی آر) کو ابتدائی طور پر سرمایہ کاروں کی جانب سے خاصی دلچسپی حاصل ہوئی جو پاکستان کی اصلاحاتی سمت پر اعتماد اور بین الاقوامی مالیاتی منڈیوں میں اس کی بڑھتی ہوئی ساکھ کا مظہر ہے۔(جاری ہے)
بیان میں کہا گیا ہے کہ یہ دورہ سرمایہ کاروں سے فعال رابطے اور چین کی مقامی کیپیٹل مارکیٹ تک رسائی کے ذریعے فنڈنگ کے ذرائع میں تنوع پیدا کرنے کے حکومتی عزم کی عکاسی کرتا ہے۔
پانڈا بانڈ کا پہلا اجرا ءرواں سال متوقع ہے، جو کہ تمام دستاویزات کی تکمیل اور درکار منظوریوں ، بشمول کثیر الجہتی ترقیاتی شراکت داروں کی جانب سے کریڈٹ گارنٹی کے بعد عمل میں آئے گا۔یہ سنگِ میل اس بات کی علامت ہے کہ پاکستان اب چین کی وسیع اور متنوع مقامی بانڈ مارکیٹ سے فائدہ اٹھانے، اپنے سرمایہ کاروں کا دائرہ وسیع کرنےاور کثیرالجہتی شراکت داروں کی پشت پناہی سے مقامی کرنسی میں مالی وسائل حاصل کرنے کی سٹریٹجک سمت میں آگے بڑھ رہا ہے۔اب تک اس روڈ شو کی کامیابی حکومت کے اُس عزم کی عکاسی کرتی ہے جو جدید اور مستقبل بین مالیاتی سفارت کاری پر مبنی ہے اور یہ ایک واضح پیغام دیتی ہے کہ پاکستان اعتماد اور ساکھ کے ساتھ نئی سرمایہ مارکیٹوں میں داخلے کے لیے تیار ہے۔\932
پاکستان کو چین سے ہماری براہ راست معلومات مل رہی تھیں، بھارتی نائب آرمی چیف