ریاض اور جدہ میں جائیداد کی خریدو فروخت ، سعودی حکومت نے غیرملکیوں کو بڑی خوشخبری سنادی
اشاعت کی تاریخ: 11th, July 2025 GMT
جدہ (اوصاف نیوز)سعودی حکومت نے غیر ملکی سرمایہ کاروں کیلئے بڑا اعلان کردیا۔۔ ترجمان سعودی حکومت کے مطابق ریاض اور جدہ میں غیرملکیوں کو جائیداد کی خرید و فروخت کی اجازت دیدی ۔ یہ اقدام محمد بن سلمان کے وژن 2030 کے تحت ملکی معیشت کو متنوع بنانے اور غیر ملکی سرمایہ کاری کو فروغ دینے کے عزم کا حصہ ہے۔
نئے قانون کے مطابق غیر ملکی افراد اب سعودی عرب کے ان دو بڑے شہروں میں جائیداد کے مالک بن سکیں گے۔ اس قانون کی منظوری منگل کے روز دی گئی ہے جبکہ اس پر باضابطہ عملدرآمد جنوری 2026 سے متوقع ہے۔
تاہم مقدس شہروں مکہ مکرمہ اور مدینہ منورہ میں جائیداد کی ملکیت کے حوالے سے مخصوص شرائط بدستور برقرار رہیں گی۔ اس پیشرفت کے بعد سعودی ریئل اسٹیٹ مارکیٹ میں مثبت رجحان دیکھنے میں آیا اور ریئل اسٹیٹ اسٹاکس میں اضافہ ریکارڈ کیا گیا۔ سعودی ریئل اسٹیٹ جنرل اتھارٹی کی جانب سے اس حوالے سے مزید تفصیلات جلد جاری کی جائیں گی۔
حکومت سعودی عرب کا مقصد صرف بیرونی سرمایہ کو راغب کرنا نہیں بلکہ ملکی سرمایہ کاروں کو بھی اس بات کی ترغیب دینا ہے کہ وہ اپنی دولت بیرون ملک کے بجائے وطن عزیز میں لگائیں
۔ خصوصاً ایسے شہری جو دبئی، لندن یا دیگر شہروں میں سرمایہ کاری کرتے ہیں، اُن کے لیے سعودی عرب میں موجود مواقع اب زیادہ کشش رکھتے ہیں۔ ریاض میں “نیو مربع” کے منصوبے کے تحت دنیا کی سب سے بڑی عمارت ’المکعب‘ کی تعمیر تیزی سے جاری ہے،
جبکہ ریڈ سی ریزورٹس سمیت متعدد جدید تفریحی اور سیاحتی منصوبے بھی تکمیل کے مراحل میں ہیں۔ ان میں سے بعض ریزورٹس عوام کیلئے کھول بھی دیے گئے ہیں۔
اگرچہ دبئی اب بھی خلیجی ممالک میں پراپرٹی خریداری کا سب سے بڑا مرکز ہے، جہاں صرف 2024 میں جائیداد کی قیمتوں میں 19 فیصد کا اضافہ ہوا، لیکن سعودی عرب بھی اب اس میدان میں قدم جما رہا ہے۔
عالمی ریئل اسٹیٹ کمپنی فرینک نائٹ کی ایک تازہ رپورٹ کے مطابق 2024 میں 79 فیصد مسلم ہائی نیٹ ورتھ افراد نے مکہ یا مدینہ میں جائیداد خریدنے کی خواہش ظاہر کی، جن کا بجٹ چار ملین ڈالر سے زائد تھا۔
اگرچہ ان مقدس شہروں میں ملکیت سے متعلق اب بھی خاص شرائط لاگو ہیں، تاہم ریاض اور جدہ میں جائیداد کی کھلی خریداری کا اعلان اس رجحان میں بڑا اضافہ لا سکتا ہے۔
ایرانی فوج سے منسلک عمارت میں زوردار دھماکہ،ایک اور نامور ایرانی جنرل مبینہ طور پر جاں بحق
.ذریعہ: Daily Ausaf
کلیدی لفظ: میں جائیداد کی ریئل اسٹیٹ
پڑھیں:
کوہاٹ سیمنٹ کی رئیل اسٹیٹ سیکٹر میں 75 کروڑ کی سرمایہ کاری
data-id="863a0a8" data-element_type="widget" data-widget_type="theme-post-content.default">
کراچی(کامرس رپورٹر)کوہاٹ سیمنٹ کمپنی لمیٹڈ نے رئیل اسٹیٹ سیکٹر میں باقاعدہ شمولیت کا اعلان کرتے ہوئے ایک مکمل ملکیتی ذیلی ادارہ الٹرا پراپرٹیز (پرائیویٹ) لمیٹڈ کے قیام کا فیصلہ کیا ہے۔کمپنی نے اس پیش رفت سے متعلق آگاہی جمعرات کے روز پاکستان اسٹاک ایکسچینج کو جاری کردہ اپنے نوٹس میں دی۔کمپنی کے جاری کردہ نوٹس کے مطابق نئے قائم کردہ ادارے کو غیر منقولہ جائیداد کی مارکیٹنگ اور ترقیاتی سرگرمیوں کی ذمہ داری سونپی گئی ہے جس میں فروخت اور کرائے دونوں مقاصد کے لیے رہائشی و تجارتی منصوبے شامل ہوں گے۔تاہم کمپنی نے واضح کیا ہے کہ ادارے کا قیام متعلقہ ریگولیٹری منظوریوں اور تمام قانونی ضوابط کی تکمیل سے مشروط ہوگا۔بورڈ آف ڈائریکٹرز نے مجوزہ ذیلی کمپنی میں 75 کروڑ روپے تک کی سرمایہ کاری کی منظوری بھی دی ہے، جو ایکویٹی اور/یا سود پر مبنی قرض کی صورت میں فراہم کی جائے گی۔ علاوہ ازیں، کمپنی کی ایک سرمایہ کاری جائیداد مجوزہ ادارے کو لیز پر دینے کا بھی فیصلہ کیا گیا ہے، جہاں کثیر المنزلہ کمرشل عمارتیں تعمیر کی جائیں گی، جو کرایہ پر دی جائیں گی۔اسی اجلاس میں بورڈ نے اعزاز منصور شیخ کو دوبارہ تین سالہ مدت کے لیے چیئرمین اور ندیم عطا شیخ کو چیف ایگزیکٹو آفیسر مقرر کرنے کی منظوری بھی دی۔مزید برآں بورڈ نے کمپنی کے شیئرز کی فیس ویلیو 10 روپے سے کم کر کے 2 روپے فی شیئر کرنے کی منظوری بھی دی ہے جس کے تحت ہر ایک شیئر کے بدلے پانچ نئے شیئر جاری کیے جائیں گے۔
سوشل میڈیا پر قابل اعتراض مواد کی تشہیر کرنے والوں کیخلاف کریک ڈاؤن