پنجاب: آٹھویں جماعت کے بورڈ امتحانات بحال کرنے کا فیصلہ
اشاعت کی تاریخ: 12th, July 2025 GMT
data-id="863a0a8" data-element_type="widget" data-widget_type="theme-post-content.default">
لاہور: پنجاب حکومت نے صوبے بھر میں آٹھویں جماعت کے بورڈ امتحانات دوبارہ نافذ کرنے کا اعلان کر دیا۔
یہ فیصلہ وزیر تعلیم پنجاب رانا سکندر حیات کی زیر صدارت ہونے والے اہم اجلاس میں کیا گیا، جس میں تعلیمی معیار کی بہتری اور طلبہ کی کارکردگی کے شفاف جائزے کے لیے مختلف اقدامات پر غور کیا گیا۔
اجلاس کے دوران وزیر تعلیم پنجاب رانا سکندر حیات نے کہا کہ آٹھویں جماعت کے لیے بورڈ کے تحت امتحانات بحال کیے جا رہے ہیں تاکہ تعلیمی نظام میں شفافیت اور احتساب کو یقینی بنایا جا سکے، جبکہ پانچویں، چھٹی اور ساتویں جماعت کے امتحانات بطور انٹرنل اسسمنٹ ٹیسٹ لیے جائیں گے۔
رانا سکندر حیات نے متعلقہ حکام کو ہدایت دی کہ ایک ماہ کے اندر انٹرنل اسسمنٹ کا مؤثر طریقہ کار وضع کر کے پیش کیا جائے تاکہ اسے آئندہ تعلیمی سال سے لاگو کیا جا سکے۔
علاوہ ازیں اجلاس میں پانچویں سے ساتویں جماعت تک انٹرنل امتحانی نظام کو مزید فعال اور مؤثر بنانے کا فیصلہ بھی کیا گیا۔
یاد رہے کہ پنجاب میں آٹھویں جماعت کے بورڈ امتحانات پانچ سال قبل ختم کر دیے گئے تھے، جس کے بعد طلبہ کی کارکردگی کا جائزہ اسکول سطح پر ہی لیا جا رہا تھا۔
.ذریعہ: Jasarat News
کلیدی لفظ: آٹھویں جماعت کے
پڑھیں:
نجی اسکولوں کی من مانیاں ختم: فیس، کتابوں اور ماحول سے متعلق نئی گائیڈ لائنز جاری
لاہور میں نجی تعلیمی اداروں کی جانب سے والدین پر مالی دباؤ اور غیر ضروری فیسوں کے مطالبات پر قابو پانے کے لیے ڈسٹرکٹ اسکول ایجوکیشن اتھارٹی نے سخت گائیڈ لائنز جاری کر دی ہیں، جن کے تحت کسی بھی اسکول کو مقررہ فیس سے زائد رقم وصول کرنے کی اجازت نہیں ہوگی۔
گائیڈ لائن کے مطابق کوئی بھی نجی اسکول ٹیوشن فیس سالانہ صرف 5 فیصد تک بڑھا سکتا ہے، اس سے زائد اضافہ غیر قانونی قرار دیا گیا ہے۔ اسکول انتظامیہ کسی بھی سرگرمی یا سمر کیمپ کی مد میں اضافی فیس وصول نہیں کرے گی، اور نہ ہی طلبہ کو مخصوص دکانوں سے کتابیں یا کاپیاں خریدنے پر مجبور کیا جائے گا۔
والدین کو درپیش ایک اور اہم مسئلے کا نوٹس لیتے ہوئے ہدایت کی گئی ہے کہ کوئی بھی نجی اسکول طلبہ سے ایڈوانس فیس نہیں لے گا۔ صرف ماہانہ بنیاد پر فیس وصول کرنے کی اجازت ہوگی، اور فیس کی عدم ادائیگی کی صورت میں کسی بھی طالبعلم کو اسکول سے نکالنے یا تذلیل کا نشانہ بنانے پر سخت کارروائی عمل میں لائی جائے گی۔
گائیڈ لائن میں یہ بھی واضح کیا گیا ہے کہ تمام نجی تعلیمی ادارے طلبہ کے لیے ایک محفوظ، دوستانہ اور ہراسگی سے پاک ماحول فراہم کرنے کے پابند ہوں گے۔ اسکول انتظامیہ پر لازم ہوگا کہ وہ تعلیمی ماحول کو خوشگوار بنائے اور طلبہ کے حقوق کا تحفظ یقینی بنائے۔
ڈسٹرکٹ اسکول ایجوکیشن اتھارٹی نے تمام نجی اسکولوں کے مالکان کو مذکورہ نئی ہدایات پر فوری عملدرآمد کا حکم دیا ہے، اور خلاف ورزی کی صورت میں قانونی کارروائی کی بھی تنبیہ کی ہے۔
Post Views: 6
بیجنگ میں ’’قومی آزادی اور عالمی امن کے لئے‘‘تھیم ایگزبیشن کی افتتاحی تقریب کا انعقاد