الیکشن کمیشن آف انڈیا کانگریس کی انتخابی شکست کا ذمہ دار ہے، راہل گاندھی
اشاعت کی تاریخ: 27th, July 2025 GMT
کانگریس کے مرکزی لیڈر و رکن پارلیمنٹ نے کہا کہ بی جے پی کو اس کے اہم گڑھ گجرات میں شکست دینا ضروری ہے۔ اسلام ٹائمز۔ انڈین نیشنل کانگریس کے لیڈر راہل گاندھی نے ایک بار پھر الیکشن کمیشن کو نشانہ بنایا۔ انہوں نے الیکشن کمیشن پر جانبداری کا الزام لگایا۔ راہل گاندھی نے یہ بات پارٹی کو مضبوط کرنے کی مہم کے تحت کانگریس کے ضلع صدور کے تربیتی کیمپ میں اپنے خطاب کے دوران کہی۔ انہوں نے پارٹی کی ضلعی اکائیوں کے سربراہوں کو یقین دلایا کہ انتخابات کے لئے امیدواروں کا انتخاب کرتے وقت ان کی رائے پر بھی غور کیا جائے گا۔ کانگریس لیڈر نے کہا کہ بی جے پی کو اس کے اہم گڑھ گجرات میں شکست دینا ضروری ہے۔ آپ کو بتاتے چلیں کہ 2027ء کے ریاستی اسمبلی انتخابات کے پیش نظر کانگریس نے آنند شہر کے قریب ایک ریزورٹ میں ضلع پارٹی کمیٹیوں کے نو منتخب صدور کے لئے ایک کیمپ کا انعقاد کیا ہے۔ کانگریس کے مشن 2027ء کے لئے بلیو پرنٹ تیار کرنے کے مقصد سے منعقد کیا گیا یہ کیمپ 28 جولائی کو اختتام پذیر ہوگا۔
وہیں گجرات کانگریس کے سربراہ امت چاوڑا نے میٹنگ کے بعد بتایا کہ راہل گاندھی نے ضلعی صدور کی رہنمائی کی اور یقین دلایا ہے کہ پارٹی قیادت پوری طرح کارکنوں کے ساتھ ہے۔ اسی سلسلے میں راجکوٹ ضلع کانگریس کے سربراہ راجدیپ سنگھ جڈیجہ نے کہا کہ راہل گاندھی نے عوام سے متعلق مسائل اٹھانے کی ہدایت دی۔ انہوں نے یقین دلایا کہ مختلف انتخابات کے لئے امیدواروں کے انتخاب سے قبل شہر اور ضلعی اکائیوں کے سربراہوں سے بات چیت کی جائے گی۔ اس کے علاوہ ایک اور لیڈر نے کہا کہ راہل گاندھی نے کرکٹ کی اصطلاحات کا استعمال کرتے ہوئے الیکشن کمیشن پر "متعصب امپائر" ہونے کا الزام لگایا، جس کی وجہ سے کانگریس انتخابات ہار رہی ہے۔
ذریعہ: Islam Times
کلیدی لفظ: راہل گاندھی نے الیکشن کمیشن کانگریس کے نے کہا کہ کے لئے
پڑھیں:
ڈکی بھائی کی طرح انڈیا کے نامور اداکار اور سابق کرکٹرز بھی آن لائن جوئے کی تشہیر پر گرفت میں آگئے
آن لائن بیٹنگ (جوئے) کی ایپ کی تشہیر کے کیس میں بھارت کے معروف سابق کرکٹرز اور اداکار کو طلب کر لیا گیا ہے۔
انڈیا کے انفورسمنٹ ڈائریکٹوریٹ (ای ڈی) نے سابق کرکٹرز رابن اُتھپا اور یووراج سنگھ جبکہ معروف اداکار سونو سود کو منی لانڈرنگ کیس میں پوچھ گچھ کے لیے طلب کیا ہے۔
ای ڈی حکام کے مطابق رابن اُتھپا کو 22 ستمبر، یووراج سنگھ کو 23 ستمبر جبکہ سونو سود کو 24 ستمبر کو پیش ہونے کی ہدایت دی گئی ہے۔ یہ کیس مبینہ غیر قانونی آن لائن بیٹنگ ایپ 1xBet سے متعلق ہے۔
یہ بھی پڑھیے: جوئے کی تشہیر کا معاملہ، رجب بٹ کو نوٹس مل گیا، یوٹیوبر کا ردعمل بھی سامنے آگیا
اس سے قبل ایجنسی سابق کرکٹرز سریش رائنا اور شیکھر دھون سے بھی تفتیش کر چکی ہے۔ پیر کو سابق ٹی ایم سی رکن پارلیمنٹ اور اداکارہ میمی چکرورتی کا بیان ریکارڈ کیا گیا جبکہ منگل کو بنگالی اداکار انکُش ہزرا بھی ای ڈی کے سامنے پیش ہوئے۔
ذرائع کے مطابق اداکارہ اور 1xBet کی انڈیا برانڈ ایمبیسڈر اروشی روتیلا کو بھی طلب کیا گیا تھا لیکن وہ تاحال پیش نہیں ہوئیں۔
تحقیقات میں انکشاف ہوا ہے کہ مبینہ غیر قانونی جوئے کی ایپس سرمایہ کاروں کو کروڑوں روپے کا نقصان پہنچانے اور بڑے پیمانے پر ٹیکس چوری میں ملوث ہیں۔ کمپنی کے مطابق 1xBet عالمی شہرت یافتہ جوئے کی ایپ ہے جو گزشتہ 18 برسوں سے جوئے کی انڈسٹری میں کام کر رہا ہے اور اس کی ویب سائٹ و ایپ 70 زبانوں میں دستیاب ہے۔
یہ بھی پڑھیے: جوئے کی پروموشن کا الزام: ڈکی بھائی کے بعد مزید 2 ٹک ٹاکرز این سی سی آئی اے کے نشانے پر، نوٹسز جاری
دوسری طرف پاکستان میں معروف یوٹیوبر سعد الرحمان المعروف ڈکی بھائی کو تحقیقاتی اداروں نے غیرقانونی جوئے کی ایپس کی تشہیر میں گرفتار کرچکے ہیں۔
ڈکی بھائی کو 17 اگست کو نیشنل سائبر کرائم ایجنسی نے ریاست کی مدعیت میں درج مقدمے کے تحت گرفتار کیا تھا۔ انہیں علامہ اقبال انٹرنیشنل ایئرپورٹ سے حراست میں لیا گیا تھا۔
حکام کے مطابق یوٹیوبر نے اپنی ویڈیوز میں ایک بیٹنگ (جوا) ایپ کو فروغ دیا، جس سے متعدد افراد کو مالی نقصان پہنچا۔ ان پر کئی قانونی دفعات کے تحت کارروائی کی گئی ہے، اور ان کے جسمانی ریمانڈ میں اب تک 6 بار توسیع ہو چکی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
تفتیش جوئے کی ایپ ڈکی بھائی یووراج سنگھ
اسٹاک ایکسچینج میں بلندی کا نیا ریکارڈ؛ معیشت کی سمت درست اور ترقی کا سفر جاری ہے، وزیراعظم