کاش آج میں عمران خان سے مل سکتا اور ان کے گلے لگ کر اپنا دکھ کم کرسکتا، حماد اظہر
اشاعت کی تاریخ: 27th, July 2025 GMT
لاہور ( اُردو پوائنٹ اخبارتازہ ترین۔ 27 جولائی 2025ء ) پاکستان تحریک انصاف کے رہنماء حماد اظہر نے اپنے والد سابق گورنر پنجاب اور پی ٹی آئی رکن قومی اسمبلی میاں محمد اظہر کے انتقال کے بعد اپنے ایک پیغام میں کہا ہے کہ کاش آج میں عمران خان سے مل سکتا اور ان کے گلے لگ کر اپنا دکھ کم کرسکتا۔ اس حوالے سے سوشل میڈیا پلیٹ فارم ایکس پر جاری کردہ ایک بیان میں انہوں نے کہا کہ دو درویش طبیعت افراد سے میں نے بہت کچھ سیکھا اور ان کی شفقت کے زیر سایہ رہا، ان میں ایک میرے والد اور دوسرے عمران خان ہیں، والد اللہ کو پیارے ہو گئے اور عمران خان دو سال سے ناحق جیل میں ہیں، کاش آج میں عمران خان سے مل سکتا اور ان کے گلے لگ کر اپنا دکھ کم کر سکتا۔
دو درویش تبعیت افراد سے میں نے بہت کچھ سیکھا اور ان کی شفقت کے زیر سایہ رہا۔ ایک میرے والد اور دوسرا عمران خان۔ والد اللہ کو پیارے ہو گئے اور خان صاحب دو سال سے ناحق جیل میں ہیں۔ کاش آج میں خان صاحب سے مل سکتا اور ان کے گلے لگ کر اپنا دکھ کم کر سکتا۔ pic.
(جاری ہے)
پی ٹی آئی رہنما حماد اظہر 2 سال روپوش رہنے کے بعد اپنے والد کی وفات پر سامنے آئے، انہوں نے کہا کہ اپنی اور اپنے خاندان کی طرف سے ان ہزاروں ساتھیوں کا شکر گزار ہوں جنہوں نے میرے والد کے جنازے میں اور قرآن خوانی میں شرکت کی اور ان لاکھوں افراد کا بھی شکریہ جنہوں نے افسوس کے پیغامات بھجوائے اور ان کی مغفرت کیلئے دعا کی، تمام سیاسی جماعتوں کے قائدین جنہوں نے ان کی یاد میں بہترین الفاظ کہے میرے والد میاں اظہر مرحوم کیلئے دعا کی ہم ان کے بھی مشکور ہیں، میرے والد کی میراث شرافت، ایمانداری اور وضع داری ہے جو صرف میرے لیے ہی نہیں بلکہ پورے پاکستان کے سیاسی کلچر کیلئے ایک اثاثہ اور شاندار روایت ہے۔ حماد اظہر نے کہا کہ اپنے والدین کا اکلوتا بیٹا، تین بہنوں کا واحد بھائی اور دو کم سن بچوں کا باپ ہوں، مجھ سے زیادہ تکلیف اور دکھ میرے گھر والوں نے دو سال سے زائد عرصہ تک برداشت کیے، ظاہر ہے میں اس دکھ کی گھڑی میں اپنے گھر والوں خصوصی طور پر اپنی والدہ کے ساتھ اب موجود رہنے کی خواہش رکھتا ہوں، میں بے گناہ ہوں اور جعلی پرچوں کا نشانہ ہوں جن کا کوئی سر پیر نہیں، اس سلسلے میں عدالت سے رجوع کروں گا اور انصاف طلب کروں گا، مل گیا تو اللہ کا شکر ادا کروں گا اور نہ ملا تو استقامت اور صبر سے مزید جبر برداشت کروں گا، بے شک اللہ صابرین کا ساتھ دینے والا ہے۔ذریعہ: UrduPoint
کلیدی لفظ: تلاش کیجئے کاش آج میں میرے والد کروں گا
پڑھیں:
صدر پی ٹی آئی حماد اظہر کا سرنڈر کرنے کا فیصلہ
لاہور: پاکستان تحریک انصاف (پی ٹی آئی) پنجاب کے صدر حماد اظہر نے عدالت کے سامنے رضاکارانہ سرنڈر کرنے اور ضمانت کی درخواست دائر کرنے کا فیصلہ کر لیا ہے۔
ذرائع کے مطابق حماد اظہر نے قریبی رفقاء اور وکلاء سے تفصیلی مشاورت مکمل کر لی ہے۔
ذرائع کا کہنا ہے کہ سابق وفاقی وزیر حماد اظہر نے وکلاء ٹیم کو فوری طور پر طلب کیا اور ممکنہ قانونی لائحہ عمل پر غور کیا۔ انہوں نے یہ فیصلہ بھی کر لیا ہے کہ ضمانت نہ ملنے کی صورت میں گرفتاری دے کر جیل چلے جائیں گے۔
دریائے چناب میں پانی کی سطح بلند, الرٹ جاری
یاد رہے کہ حماد اظہر تقریباً دو سال تک روپوش رہے تھے اور حال ہی میں اپنے والد، سینئر سیاستدان اور سابق گورنر پنجاب میاں اظہر کی وفات پر منظرِ عام پر آئے تھے۔ ان کی اچانک واپسی نے سیاسی حلقوں میں نئی چہ مگوئیاں جنم دی تھیں۔
حماد اظہر کے اس ممکنہ اقدام کو سیاسی طور پر ایک اہم موڑ تصور کیا جا رہا ہے۔ تجزیہ کاروں کے مطابق یہ فیصلہ نہ صرف پی ٹی آئی کے لیے علامتی اہمیت رکھتا ہے بلکہ یہ اس بات کا عندیہ بھی ہو سکتا ہے کہ پارٹی کی سینئر قیادت آئندہ چند ماہ میں مزید قانونی اور سیاسی چالیں چلنے کو تیار ہے۔
ملک بھر میں پلاٹس کی آن لائن تصدیق کا جدید نظام تیار
انسانی اسمگلنگ میں ملوث 4 مسافر، 2 ایجنٹس طورخم بارڈر سے گرفتار