’عمران خان کی رہائی کے لیے 5 اگست کو ملک گیر احتجاج ہو گا‘
اشاعت کی تاریخ: 27th, July 2025 GMT
پاکستان تحریک انصاف کی کور کمیٹی کے رکن اور سابق گورنر خیبر پختونخوا شاہ فرمان نے اعلان کیا ہے کہ 5 اگست کو عمران خان کی رہائی کے لیے ملک بھر میں یونین کونسل کی سطح سے لے کر شہروں تک احتجاجی مظاہرے ہوں گے۔
یہ بھی پڑھیں:پی ٹی آئی کی حکومت مزید 6 ماہ رہتی تو ملک ڈیفالٹ کرجاتا، اسحق ڈار
وی نیوز سے خصوصی گفتگو میں شاہ فرمان نے کہا کہ 5 اگست عوامی فیصلہ ہو گا۔ لوگ بتائیں گے کہ عمران خان کو رہا کرنا ہے یا نہیں۔
انہوں نے دعویٰ کیا کہ ملک کی 95 فیصد آبادی عمران خان کے ساتھ ہے اور وہ ان کی رہائی چاہتی ہے۔
ان کا کہنا تھا کہ تحصیل، یونین کونسل اور شہری سطح پر ہر جگہ عوام باہر نکلے گی اور پرامن احتجاج کیا جائے گا۔
عمران خان کی رہائی کے امکانات کے بارے میں سوال پر انہوں نے کہا کہ کوششیں جاری ہیں، مگر رہائی کب ممکن ہو گی، اس پر کچھ کہنا قبل از وقت ہے۔
یہ بھی پڑھیں:بیٹوں کا دورہ امریکا عمران خان کی رہائی میں کتنا مددگار ثابت ہو سکتا ہے؟
انہوں نے عمران خان کے بیٹوں کے بارے میں بھی بات کی اور بتایا کہ وہ اس وقت امریکا میں ہیں اور اپنے والد کی رہائی کے لیے سرگرم کوششیں کر رہے ہیں۔
شاہ فرمان کے مطابق، یہ ان کا حق ہے کہ وہ اپنے والد کے لیے آواز اٹھائیں۔
انہوں نے امکان ظاہر کیا کہ عمران خان کے بیٹے پاکستان آ کر احتجاج میں بھی شریک ہو سکتے ہیں، تاہم ان کی آمد اور شرکت سے متعلق کوئی حتمی شیڈول پارٹی کے پاس موجود نہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
5 اگست پی ٹی آئی تحریک انصاف شاہ فرمان عمران خان.
ذریعہ
ذریعہ: WE News
کلیدی لفظ: 5 اگست پی ٹی ا ئی تحریک انصاف شاہ فرمان عمران خان کی رہائی کی رہائی کے ان کی رہائی شاہ فرمان انہوں نے کے لیے
پڑھیں:
پنجاب میں انسداد ڈینگی کارروائیوں کیلئے افسران کو فوری متحرک ہونے کی ہدایت
کابینہ کمیٹی برائے متعدی امراض، ڈینگی و ڈیزاسٹر منیجمنٹ کا اجلاس لاہور میں ہوا، پنجاب کے وزرائے صحت سلمان رفیق اور خواجہ عمران نذیر نے اجلاس کی صدارت مشترکہ طور پر صدارت کی۔
اس موقع پر پنجاب کے وزرائے صحت نے کہا کہ ڈینگی کے افزائش والے اضلاع پر خصوصی توجہ دی جا رہی ہے، صوبے بھر میں ڈینگی کی تازہ صورتحال پر قابو پانے کیلیے اقدامات کا جائزہ لیا گیا۔
صوبائی وزیر خواجہ عمران نذیر نے متعلقہ افسران کو فوری متحرک ہونے کی ہدایت کی۔ انھوں نے کہا ہمیشہ دیکھا گیا ہے کہ جون جولائی میں انسداد ڈینگی کارروائیوں کے مثبت نتائج سامنے آتے ہیں۔
خواجہ عمران نذیر نے کہا ڈینگی وائرس پر قابو پانے کے اقدامات کسی ایک محکمہ کی ذمہ داری نہیں، اقدامات کی ذمہ داری تمام اسٹیک ہولڈرز کی ہے۔
خواجہ عمران نے سی ای او ہیلتھ کو ضلعی انتظامیہ کیساتھ مسلسل رابطے میں رہنے کی ہدایت کی۔
انھوں نے کہا کہ ایچ آر منیجمنٹ، والنٹیر ماڈل کو اپناتے ہوئے ڈینگی کا خاتمہ ممکن ہے، یونیورسٹی اور کالجز کے طلبہ کو انسداد ڈینگی کی کارروائیوں میں شامل کرنے کا فیصلہ بھی کیا گیا۔
خواجہ سلمان رفیق نے کہا ڈینگی کی بوگس سرویلنس ناقابل برداشت ہے، عوام اپنےگھروں، دکانوں اور دیگر مقامات پر صفائی کویقینی بنائیں
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ